عالم البنات النسائي كل ما يخص المرأة العربية من ازياء وجمال والحياة الزوجية والمطبخ
أهلا بكل من عانق هذه الصفحة بنبضه ..
شاعر المزيون …ليست مسابقة جديدة …تبحث عن فائز
إنما هي قصيدة اتمنى ان تنال رضاكم
كانت فيها لجنة التحكيم مختلفة ,, والتصويت مختلف ..
والمليون مختلف .. والبيرق مختلف
رجائي ان ترتقي لمستواكم
هذا ماكتبه شاعر هذه القصيده
اما انا فأقول انها قصيده فيها ذكاء لغوي
اتمنى انها تعجبكم كثر مااعجبتني
doPoem(0)
أنا شاعر المزيون فـزت بقلبـه
وسلمني بيرق مبسمـه وشفاتـه
صوّت لي احساسسه وصوّت حبّه
وصوت لي الوجدان داخل ذاتـه
الكل قبلـي كـان يطلـب قربـه
يطمح يحصل شي مـن بسماتـه
اللجنـة عيونـه وشفـة رطبـه
وأنفاس تسمعني صـدى آهاتـه
إن جى يقيمنـي أحـس برهبـة
واحس شعري ترتجـف كلماتـه
جى يختبرني قال ..ماهي لعبـة
اثبت وجودك بالشعـر وأبياتـه
اوصف عيوني ..قلت هذي صعبة
كيف أوصف أنواع السحر وآياته
في عينك الساحر ..يألـف كتبـه
والنون من لون العسل نظراتـه
الرمش يأخذ من سـواد الكعبـة
غطى صباح الورد في وجناتـه
كنه على قلبي .. بيلقـي خطبـة
ويلـم جفنـه خافقـي وشتاتـه
وجهك يشع النور ماهـي كذبـة
أحس وجهك نور فـي مشكاتـه
قاطعني بهمسـة رقيقـة عذبـة
يكفيك ..قلبي زاد فـي نبضاتـه
قلت المعاني توها جت لي طربة
تقول للمزيـون بعـض صفاتـه
من راسه الشامخ الى ادنى كعبه
فيـه الجمـال معلـق ٍ لوحاتـه
الى حكى طـلّ الربيـع وعشبـه
والفجر من فمّه بـدت نسماتـه
توت الشفاه اقطفه حبّـة ..حبّـة
ويغلفه لي فـي دلـع ضحكاتـه
كنـه يحاكينـي ويستغفـر ربّـه
ويذوب صمته في ندى همساتـه
في كل زين ما خذ أعلـى رتبـه
تعجز بحور الشعر في صفحاتـه
(ما فيك حيلة) يا حبيبي ..صعبة
أوصفك وصف ٍ تنصفك كلماتـه
بس الأكيـد إن قلبـي .. كسبـه
وأخذت بيرق مبسمـه و شفاتـه
_______________
_______________
فــايـــع الـهـمـلانــي
ســاحـــر الــحـــرف
منقووول
تحيتي
الخياله
