شات بدايه

انا ماقول ان الشات كل اللي فيه يرفع الضغط لا بلعكس فيه اشياء حلوه مثل اللي تسبح واللي تذكر الله واللي تنصح
بس اللي يرفع الضغط الكلام اللي ماله داعي وفيه قلت حيا اللي تقول احسبولي متى موعد ولادتي واللي تقول ولدي عنده اسهال الله يكركم ماودي اكتب هالكلمه بس لازم اكتبها يعني هالكلام الوصخ واللي ماله داعي ليش تكتبينه على الشات وقدام العالم كلمي واحده من صديقاتك او اهلك واساليها
والشي الثاني العوانس اللي كل دقيقه طلعتلي وحده تقول انا عانس شككوني ان كل بنات السعوديه عوانس
انا ماقول ماعندنا عنوسه عندنا بس مو لهالدرجه وبعدين ترا كل الوطن العربي مليان عوانس
رغم اني حاسه ان ربع اللي يكتبون عوانس هم عيال يستهبلون الله يزوجك يختي بس اسكتي ولا تقعدين تشرشحين نفسك لناس
ويمكن بعضهم يدعي انك ماتتزوجين بدال مايدعي انك تتزوجين
وثالث شي اللي رفعو ضغطي اللي يتشكوون انا سوداء وانا دبى وانا نحيفه وانا مدري وش فيني حسسوني انه شات افريقيا مو السعوديه وربي لو اني مو سعوديه كان شكيت ان هالبلد كل بناتها شيف ويخرعون من هالكلام اللي يكتبونه الله يفشلهم

وكله صوب واللي يبيعون فساتين مستعمله صوب ثاني خيييييييير وينا فيه المشاغل مفتوحه ياختي روحو بيعو فيها لا والمصيبه مستعمل ويبيعونه على 6 او 7 الاف

ومانسى الخلطات وكل وحده تنصب على الثانيه وبعضهم تضحك على الحريم وتقولهم خلطات خطيره
ممكن تضرهم بس عشان تستهبل

بنات هالشات مو بس الحريم يتابعونه رجاجيل كثير يتابعونه وبعضهم اصلا مايتابع القناه الا عشان الشات
وبصراحه لو انا رجال سعودي وتابعت هالشات بهون عن بنات السعوديه على طول وبقول اجل كل اللي عندنا مافيهم سنع وخاصه انه مايدري عن الحريم ولا يشوفهم بس بيحكم من الشات على طول ويروح من بكره يخطب اجنبيه وتقولون ليش يتزوجون اجنبيات من كلامكم ياحلوه انتي وياها لا والمصيبه ان ناس كثير من الدول الثانيه يتابعون هالشات وش بتكون وجهت نضرهم عنكم اذا شافو هالشات قولولي انتم بس تابعو الشات وتخيلو وش راح تكون وجه نضرهم
خخخخخخ بتكون عجب

لا والمصيبه انهم حاطين للحريم بدايه نسائيه بس مصرات يكتبون على الرئيسيه ولو ان الود ودي حتى النسائيه ينلغي شاتها
طيب تبين تكتبين اكتبي في المنتديات ولا قناه عالم حواء عل الاقل ذيك كلها شات يعني لا مسابقه ولا شي يخلي الناس تابع