سعوديات شحادات

كتبتها من واقعنا وياليت تعجبكم وانتقادكم لي يهمني لان اول مره اكتب <~ برايفت

عنوانها

سعوديات شحادات

القصه كتبتها انا يعني عنود العتيبي
ابطالها نوف عمرها 25 وحيدة امها يتيمه وعايشين هي وامها لحالهم
ريم عمرها 22 ابوها كبير بسنه بدون وظيفه اكبر اخوانها عمره 18
رهام اخت ريم عمرها19

اميره وحيدة امها وعايشه عند عمها زوج امها من يوم هي صغيره لان امها مطلقه وعمرها 19

——————————————————————————————-

نوف كل يوم تخلي امها وتروح الجمعيات الخيريه وفيه رصيف بشهار جنب الجمعيه يقعدون عليه حريم كثيييير

ومعروف هذا تقريبآ بالطايف يعني يجلسون على الرصيف جنب بعض يكون الرصيف حيل مليان

وكالعاده كل يوم تروح عشان يمرون اهل الخير واللي يعطيهم لحم واللي يرمي عليهم فلوس يعني كل وحده تجلس ويجيها رزقها

وريم ورهام امهم تجبرهم يروحون عشان يجيبون حق الايجار ومصروف العيال لانهم عايله كبيره

وبعد اميره نفس الشي تروح بس عشان تجيب مصاريفها هي لحالها

وجلست نوف ومر صاحب جيب اعطى الحريم كل حرمه خمسين ريال ونوف من ضمنهم يعني اول مايوقف الرجال الحريم يتجمعون

ع قزازة سيارته ويكون هوشه حيل

نوف : عطني انا انا هنا تكفى حنا ايتام ياطويل العمر

الرجال : انتي بنت لا بعطي عجايز

عجوز: انا ياوليدي عطني ماقدر ازاحم الحريم

الرجال: خذي ياخاله هالخمسين

نوف: وانا هنا والله محتاجين

الرجال :خذي طيب وروحي

والحريم: هنا هنا كل وحده اخذت

نوف: وه تعبت حيييل ماصار رزق يذلنا عشان خمسين انتي كبيره وانتي صغيره

ريم: يوه انا جيت مالحقت عليه توني جيت

نوف: هلا ريوم تو جايه بدري

ريم: ايه والله بالقوه لقينا تاكسي يجيبنا

رهام: نوفوه يالدفشا وشلونك بشري فيه احد عطاكم شي

نوف: هلا يالعصلا رهومه ايه مر واحد عطانا خمس ميه

ريم: ورهام مع بعض احلفي

نوف: هههههههههههههه لا امزح ماجانا الا خمسين

رييم: نوف وجع بغا يطيح قلبي عاد انا محتاجه حيل فلوس راعي البيت يبي يطلعنا مالت عليه

نوف: ههههههه شقي الارض وطلعي هع

رهام: ريوم تفرج ياوخيتي ماعليك

اميره: بنااات سلاااااااااام شلونكم

البنات: هلا هلا شلونك

نوف: وجع امور وش فيكم تاخرتو

اميره: وش اسوي عمي بالقوه جابني يقول عبي السياره بنزين اول الله ياخذه

رهام: امور عمك عايش للحين

اميره: ايه وماظنتي يموت هههههه

اميره: ريم وش بلاك ساكته

ريم: والله ابد مشغول بالي امي حيل متكدر خاطرها تبي فلوس الايجار

اميره: يابنت الحلال تدبر هالحين يجي احد يعطينا

رهوم: بنات بنات شوفو راعي الكزس شكله يبي يععطي

اميره: يوه والله انه خقق استحي اخذ منه هههههه

البنات: هههههههههههه ايه والله

راعي الكزس وقف عندنا

الا وطمرت الحريم كلهم تجمعو عليه

راعي الكزس: وخري ياحرمه وخري وش ذا وراح

نوف: ارتحتو ياحريم راح لو كل وحده قاعده مكانها عطانا جعلكم السلال

ريم: ايه والله حسسد عوذه

اميره: بنات شوفو هناك راعي الكزس اللي تو يأشر

رهام: وينه ايه هناك

ريم: يعني وش يبي تهقون

نوف: اكيد يبي يعطينا حن علينا

اميره: يالله نروح له

رهام: يوه الحريم يبون يشوفونا ويلحقونا

ريم: انا بروح انا ونوف واذا عطانا اشرنا لكم وتجون بدون محد يحس

البنات اوك

نوف: يالله ريم

راعي: الكزس انتم محتاجين

ريم: لو مو محتاجين نجي هنا

نوف: ايه وهي الصادقه

راعي الكزس :اوكي هذا كرتي اتصلو علي وانا من عيوني بساعدكم

ريم: يابن الحلال تبي تساعدنا عطنا الحين مانبي لف والدوران

راعي الكزس: والله انا صادق بس مثل منتي عارفه الناس والحريم وبعدين انا مريت مرور الكرام وانتبهت لكم وشايفكم شابات وحاب اساعدكم

نوف: هات الكرت طيب

راعي الكزس: واللي هناك ماتبيه

ريم: تعاكس انت لحول بس امشي نوف امشي

نوف: يالله

ريم: شفتي هالاشكال شلون والله انه مايستحي قهرني

نوف: ههههه بس تبين الصدق خقق

ريم: يوه انتي فاضيه انا شايله هم امي وانتي تمقلين بشكله امشي بس

امييره: هاه بشرو عطاكم

نوف: ايه عطانا الف وقال شوي الف واعطي الباقي

ريم: هههههههههههههه

اميره: اخ يالقهر انقلعي ياشينه خذيتو ولا قلتو

رهام: نوف انتي تسذوووبه ترفعين ضغطنا

ريم: لا ماعطانا قليل ادب يبي يرقمني

رهام: واخذتي رقمه هههه تراه حليو

ريم: وش اخذ رقمه مهبوله انتي

اميره: ايه ماخذتيه ليش لا ممكن يبي يساعدك بعدين حلو يعرف الظروف

ريم: عشان بكره يقول جايبك من الشارع وشحاده ههههه اها بس

نوف: الله اكبر يعني ماقال هالحين بصدره ان حنا شحادات

ريم: يقول بكيفه بس مو قدامي هههههه

اميره: ياحليلنا شحادات عندنا كرامه

رهام: الله يلعن الطفره اللي تحطنا بمواقف كذا

رهام: بنات هناك مطوع يعطي

المطوع: ولا حرمه تتحرك انا الف عليكم واعطي كل وحده المقسوم

والحريم :كلهم قاعدين ولا وحده قامت وهو يمشي يوزع بالدور

يوم وصل عندنا خذي خذي

اميره: وانا ابي ل امي ماجات

الرجال: خذي هذي لك

ريم: بنات كم عطاكم

نوف: عطاني ميه

اميره: انا معطيني خمسين ههههه لي ول امي

ورهام :انا معطيني ميتين

ريم: تصدقون ناظرو خمس ميه

البنات اااالله

اميره :خبل هالمطوع معطيني خمسين بلحقه اوريه

نوف: اقعدي حرام تقطعين رزق الحريم اللي قدام اذا شافك مو معطيهم بيوقف

رهام: رزق والله رزق

ريم: اركدي اميره ههههه تصدقين شمتانه عليك هههههههه

نوف: حس فيك ياريوم المطاوعه قلوبهم تحس

ريم: دمعت عينها <~ حساسه حيل

رهام: وش يحس فيه اقول اركدو بس

اميره: ريوم وش بلاك

ريم: مافيني شي بس الحمدلله انفرجت علي بفرح امي الحين

نوف: هههههههههه يالله لك الحمد

رهام: الارزاق توزع بالقيراط يابنات شوفو اميره عشان مو محتاجه جتها خمسين ههههه

اميره: وشو مو محتاجه الا طفره يابنت الحلال

نوف: اقول اسكتي اميره انتي ماتصرفين الا على عمرتسس

اميره: وانا عمري طلباته كثيره هههه بدلع عمري انا الكونكت يبي لي اشحنه عاد هو ونيسي بالغابه اللي انا فيها

رهام: خبله الجوع ذابحنا وهي تبي كونكت هههه مالت عليك بس

ريم: الا والله لو انا عندك اميره اطق من الطفش انتي معيشه عمرك عيشي بس

اميره: يالبى الناس اللي تفهم

وشوي الا وراعي الكزس مر

اميره: وش عنده ذا الله ياخذه

راعي الكزس: كانت عينه بعين ريم مانزلت يروح ويرجع

ريم :ياويلي يبي يغازل روح يابن الحلال بس

نوف: والله ناس ماتحس بناس

رهام: خلوه يولي بس المهم وين نتعشا

اميره: عاد انا مابي اقط شايفينها خمسين ريال بس

نوف: ولا يهمك انا اقط عنك

ريم: ههههه لا خلاص العشاء على حسابي دام جتني زرقا

وقفو تاكسي وراحو مطعم شتوره مطعم معروف بشارع ابو بكر هالمطعم عادي بدون محرم بدون وجع راس

نوف: يالبيه شحادات نهارآ وليلآ بالمطاعم هههههه

اميره: ايه والله من جد

رهام: بنات نبي سندوتشات ازين

ريم: اطلبو اللي تبون انا مابي

اميره: ريوم ليش وش فيك يادوبا

نوف: ياعيني شكلتس خاقه مع الكزساوي هآآآع

ريم: وش اخق اقول اركدي بس خلينا نسري بسرعه

نوف: يالله انا باخذ عشاء لـ امي تنتظرني هالحين

رهام: حتى حنا بناخذ لـ اهلنا

اميره: وانا باخذ لعمري نص الليل يذبحني الجوع ههههه

دخل المطعم شخص رزه وعقال يجنن معه واحد كول لابس جينز وكدش وحركات

رهام: يالبيه يابو كدش

ريم: نزلي عيونك فكينا منهم

اميره: اقول اوص يامعقده بس هههه شوفي الزين ابو رزه المرسم وه ياقلبي بطيح

نوف: لا تطيحين تعشي وطيحي عشان مايبرد العشاء

ابو عقال: شف القرويات وين ياكلون حمدلله والشكر بس

خويه: يجي منهم عليهم عيون تجنن

ريم: بنات سمعتو وش يقولون

اميره: ايه يافشيلتنا فضيحه مره

رهام: هي انت وش فيه تناظر قاط معنا مثلا

نوف: اوص يالمطفوقه فضحتينا

رهام :خليني اربيه هالكلب

الرجال: خير اختي تحاكيني

اميره: طاحت على كتف رهومه قالت دخت انا

ريم :يوه عطيتوهم وجه ماعاد يفارقونا هالحين ويلحقونا يشوفون بيتنا

اميره: ريوم يرحم امك اسكتي خلينا نتونس مو كفايه الكرف الي اليوم

نوف: لا تغيرت المقوله شحادات نهارآ ودشير ليلآ

البنات ههههههههههههه

رهام: اميره هيا معي الحمام اخاف بروحي

اميره: يالله بنا <~ فهمتها

رهام :بعد ماطلعت امور وش رايك ناخذ ارقامهم

اميره :ايه بس انا ابو عقال خلينا نتونس معهم

رهام: اوكي بس وشلون هم قاعدين ياكلون

اميره: الا شوفي يغمز يوه يجنن

المهم جا ابو كدش مد الرقم

اميره: خير مو انت مابيك انت

رهام :وجع تكلمي عن عمرك اذا ماتبينه فيه ناس ع يمينه ميتين ع نظره من عينه

ابو كدش: هههههه طيب ممكن تاخذينه

رهام: اوك هات

اميره :طيب شبكتي وخليتيني

رهام: هههههه وش اسوي لك

ابو كدش: ترى خويي معجب فيك تبين رقمه

اميره: لا والله وانت شنو مرسول الغررام اللي عوزني يقيني بنفسوه

ابو كدش: ههههههه ولا يهمك اروح اناديه

رهام :امور وش سويتي هالحين بيجي وتكمل

اميره: اوص انتي ماعليك بس شكلي تمام

رهام: ايه تمام اص وصل

ابو عقال: مساء الخير

اميره :مساء النورات

ابو عقال : خير بغيتوني

اميره: انا نوووو

ابو عقال: ناظر بابو كدش قايل انها تبيني

اميره: امشي رهوم

ابو كدش: يوه زعلت عيب عليك

اميره: من وشو ازعل انت الثاني وخر بس

ابو رزه: تعالي بس

رهام: انا

ابو رزه: وش ابي فيك انتي هههه لا هي

اميره :من تحت لفوق انه

ابو رزه: ايه

اميره: سم

ابو رزه: ممكن تاخذين رقمي

اميره: اممممم افكر

ابو كدش: يالله عاد خلصونا الناس بدو يناظرون

رهام: انت مالك شغل خلك فيني انا وبس ههههه

اميره: اوك خل ابو كدش يعطيني رقمك

ابو رزه: ليش شايفه مامعي ايد

ريم: طلعت مع الباب ششافت البنات

رهام: يووه امور ريم ريم

اميره: خلاص خلاص روحو

اميره اخذت رهام وراحو لريم ونوف

ريم: تكلمون منو انتو

اميره: هاه ياموسوسه بدينا

ريم: شفتكم تتكلمون

رهام :هي انتي خبله نكلم بعضنا

نوف: بناااات ههههههههههههههه

اميره: خير وش فيها ذي تضحك

ريم: والله انتم يالبزارين تبون توهقونا

اميره: اقول اسكتي لو اني متزوجه يمدي ورعي طولتس

ريم: يالله بس لايكثر مشينا

نوف: تكسي

تكسي: هلا

نوف: نبي ثلاث مشاوير مع بعض كم

تاكسي: اطلعو مانختلف

طلعو البنات

اميره: بنات وصلوني انا اول اوكي

ريم: ايه انتي اول وبعدين نوف وبعدين حنا

<~ رجعو البنات كل وحده لبيتها

ريم: يمه جبت اريع ميه وخمسين

الام: والله اني شايله هم هالايجار

ريم: وش دعوه يمه بنحط هذي ع الضمان وبكره تيسر ان شاءالله

رهام: يمه انا ماجبت شي لا تناظرين فيني هههههههه

الام: كوني مثل اختك همنا همك

رهام: يمه مو كفايه اني بنت فقر عايشه بدون نت وبدون غرفه لي لحالي وبدون

الام: خلاص خلاص اسكتي راسي مصدع لا تصدعينه اكثر هذي قسمتنا

ريم: رهاموه انقلعي للغرفه روحي اخمدي بكره ورانا مشاوير

رهام :قصدك شحااده مالت بس

اميره: كالعاد تدخل البيت محد يدري عنها امها وعمها لا هين تدخل غرفتها ومحد يسأل عنها تقعد تكلم بجوالها و ع النت لين الصبح

نوف: يمه قومي جبت لك عشاء ياعجيزي قومي

ام نوف: وش جبتي

نوف: بسم الله علي شحاد ومتشرط اكلي وبس ههههه

ام نوف: البنات طيبين

نوف: ايه والله بس ريم ماعجبتني مهمومه ع ايجار بيتهم

الام :الله يساعدهم

رهام: الووووووووووو

اميره: ولعنه وش تبين

رهام: ابي ادق ع ابو كدش وش رايك

اميره: ههههه ايه والله فله حطي جماعي

رهام: طيب خليك ع الخط بعطيه رنه

اميره :اوك

رهام: دقيت عليه يالله عساه يرجع يدق

اميره: وجع دقيتي رنه الحين يقول بنات فقر

رهام: اوص بس اصلآ واضح انك فقر تحسبينه ماشافنا وحنا راكبين البنتلي <~ تقصد التاكسي

اميره: هههههههههههههه الله ياخذك بس

رهام: هاه دق دق خليك بحطه

الووووو

اميره: هلا والله منو

رهام: يعني منو ابو كدش

ابو كدش: اسمي احمد وشو ابو كدش

اميره: هلا احمد شلونك

رهام: لا ترد عليها وعلمني انا وشلونك ههههه

احمد: يوه مو فاهم وش فيكم علي وحده وحده

اميره :لحول بدا يستضرف وين خويي بس

احمد: ههههههههههه خويك معي هنا يبي رقمك

رهام :عطناه خل نسمع صوته

اميره: رهام خير وش عندك اركدي انا بس اللي اسمع صوته هههه

احمد: وش رايك اعطيك رقمه وكلميه بعيد عنا لان انا برضوا ابي خويتي لحالها

اميره: اوك هات خلني اقضي هالليل الطويل معه

احمد: خذي الرقم 0*********

اميره: يالله باي

شوي الا وفهد يدق جواله <~ فهد ابو رزه

اميره: الو

فهد: هلا والله بهالصوت

<~ اميره ورهام كلمو حبايبهم الين الفجر

ريم: رهاموه من تكلمين

رهام: وش بلاك اكلم اميره

ريم: وطي صوتك بنااام

رهام: طيب

فهد: عاد تصدقين قسم بالله عيونك موووت

اميره :ايه ادري كثير قالو لي

فهد: ههههههههههه ليش الثقه ممكن اجاملك

اميره: واذا تجاملني بتكون واحد من مليووون

فهد: الله مليون الله يستر

اميره: بس تبي الجد هالواحد رايه يهمني اكثر من المليون

فهد: هههههههههههههههههههه يالبى الناس اللي تتكبر

اميره: وشو اتكبر خير

فهد: اميره انا معي خط اكلمك بعد عشر دقايق

اميره: اوف تيب اوك وقفلت بدون تقول باي

فهد: وش فيها ذي حمدلله والشكر بس

اميره: اخ يالقهر يصرفني الله ياخذه بدق ع رهام اقولها

اميره: انتظار ياعيني تكلم الحبيب مو يمنا

رهام: مانتبهت للخط الثاني غرقانه بالسوالف مع ابو كدش احمد

اميره: يوه مرت عشر دقايق ولا دق يصرف خليني اقفل جوالي واروح الشات اطقطق ازين لي

ام نوف: يانوف اخوانك جوني اليوم يقولون نبي نزوجك

نوف: الله اكبر هالاخوان اصلآ انا ماعندي اخوان عندي ام تسوى العالم كله

ام نوف :عاد قلت لك اخوانك هم وانتي ابصر

نوف: انا اوريهم هالاخوان اللي مانعرفهم ولا تنجاب سيرتهم الا بمصيبه حتى مصروف مايرسلون لي اخوان على وشو

ام نوف: انا برقد وبكره كلميه وصاني قال خليها تكلمني

نوف: خير يمه يصير خير

اليوم: الثاااني

ريم: رهوم اصحي يادبا اصحي

رهام: يوووووووووووووووه وش اصحى وين موديتني

ريم: قووومي ابوي تعبان

رهام: ابوووووووووووووي وش فيه

راحو ركض ل ابوهم

رهام: يبه وش فيك

الابو: مدري احس ماني طيب

ريم: وين خالد <~ اخوها اللي عمره 18 نبي نوديك المستشفى

رهام: وينه هالداشر

الام: والله مدري مو فيه طلع من الصبح

رهام: يبه قوم حنا نوديك المستشفى

راحت الام وريم ورهام للمستشفى بتكسي

وصلو المستشفى ع طول دخل الطواري

ريم: تبكي

رهام: ريوم وش فيك تبكين اركدي ماعليه خلاف ان شاءالله

الام: الله يسمع منكم

رهام: يمه الساعه كم انا مانمت الا سته وماشفت الساعه من يوم صحيت

الام: الساعه ثمانيه

رهام: يوه مانمت الا ساعه والعصر ورانا طراره <~تبي تضحك ريم

ريم: فاضيه انتي ليت ابوي يقوم بالسلامه بس

الدكتور: انتم اهل المريض

الام: ايه خير ان شاءالله

الدكتور: خير ان شاءالله بس عوزين نعمل فحوصات واشاعه

الام: الله يقويكم

ريم: ليش دكتور ابو فيه شي

الدكتور: نتأكد بالاول

رهام :الله يستر

ريم: <~ تبكي

رهام: خير انتي تفائلي بخير وجع وش ذا

ريم :ماقدر دموعي تنزل غصب

الام: تعوذو من الشيطان ماعليه خلاف ان شاءالله

رهام: يبه انت تسمعني

الابو: ساكت كانه نايم

ريم: ياويلي مايتكلم يمه هو وش جاه

الام: مدري البارح يقول انه رثع على رجله بس عادي ماتعور

رهام :يوه متى

الام: البارح وكان طيب وقام صلا الفجر ومافيه شي قال بس احس دوخه

ريم :ياويلي عنك يابوي

رهام: وخالد هالتببن وينه اللي كنه بنت وحنا قايمين بدور الرجال

الام :خالد سربوت الله يهديه بس

خالد <~ دخل السجن في نفس اللحظه كان معه اخوياه ومعهم حبوب

ريم: يمه خالد جواله مقفل

رهام: بنار جهنم ان شاءالله مو شاطر الا بتصدير اوامر

الام: رهام وش هالكلام عيب هذا اخوك

الدكنور: جاهم وقال ابوكم للاسف جاته جلطه

ريم: <~ صاااحت صيحه سمعها كل المستشفى

رهام: دكتور وشلون وش تقول انت متأكد

الدكتور: اه بس دي اخف نوع الجلطات يعني ازمه وتعدي ان شاءالله

الام ياويلي عنه ياويلي

رهام: امي استهدي بالله <~ ماتبي تبكي تطمنهم

ريم: ياويلي يارب قوم ابوي بالسلامه يارب

رهام: دقت ع اميره لانها ماتستحمل لحالها وتبي تتظاهر بالقوه

رهام: الو اميره تعالي ابوي طاح علينا وجته جلطه

اميره: وشو <~ مصحيتها من النوم يالله جايه جايه

اميره: تاخذ عبايتها وتروح تطلع اخذت تكسي وراحت للمستشفى

اميره: سلام ياخاله

الام: هلا بنيتي ليش تعبتي عمرك وجيتي

اميره: لا واجبي ياخاله وين البنات

الام: عند ابوهم جوه ماقدرت اشوف الشايب كذا وخليتهم معه

اميره :طيب انا داخله لهم

رهام: اول ماشافت اميره انهارت بكي كل الدموع اللي حبستها طلعتها بحضن اميره وهي تصارخ تقول ابوي ياميره ابوي

ريم<~ كانت اهدا شوي من رهام

ريم: رهام اليوم يوم ابوي تعبان حيل مابكيتي الحين يوم تحسن صرتي تونين <: تبي تطمنها

اميره: متى صار هالكلام والله اني بغيت انخبل عليكم الله يقومه بالسلامه

ريم: الله يوفقتس امور وجودك جا بوقته

الدكتور: جاهم ويكلم ريم يقول ابوكم لازم يتنوم عشان صحته ولازم مرافق راقل

رهام: خير يادكتور نجيب خالد هالحين

ريم :وين نلاقي هالخالد الحين

رهام: والله مدري

اميره <~ تدري ان خالد بالسجن امها قالت لها قبل تطلع لان اخو زوج ام اميره خوي خالد

اميره: بنات بقولكم خالد بالسجن

ريم: وشووو

اميره: ايه والله قالت لي امي قبل شوي معلمها اخو عمي

رهام: هذا مووقته ولا هو بالطقاق

ريم: ياربي وش هالمصايب

رهام :ريوم نقول ل امي

ريم: لا لا تقولين لها بتموت لو علمتيها

اميره: ايه والله قبل شوي حالتها حاله

رهام: وش نسوي الحين ابوي وشلون يتنوم

ريم: ياربي وش نسوووي <~ تبكي

اميره: امشي اكلم المدير تنوم عنده وحده فيكم

رهام: ايه والله فكره يالله

ريم: طيب وامي

رهام: انتي تصرفي معها

ريم: خلاص طيب

اميره :هيا رهام

اميره: السلام عليكم

المدير: وعليكم االسلام اي خدمه

رهام: ايه والله ابوي تعبان وطالبين رجال يتنوم معه واخوي مسافر وماعنده الا حنا

المدير: يعني ماله اخوان اي شخص يعني غيركم

رهام: ايه والله كلهم بعيد

اميره: يعني عادي حطوه بقسم الحريم هو شايب كبير

المدير: خير ان شاءالله ولا يهمكم

ريم: يوم راحو البنات طلع جوالها وكتبت هالخاطره

طاح الكريم اللي له الصيت والجاه
طاح ومع طيحته طاحت قلوب حزينه
طاح وياعسانا مانشكي يوم فرقاه
وعسى العافيه تجيه من يساره ليمينه
بمستشفى الملك فيصل حل طرياه
طريح الابيض صار وخانته اليوم سنينه
عساك يامرض ثنيته قبل باكر تنساه
وترد الافراح لاهل العقول الرزينه
يالله ياحي ياقيوم انك اليوم ترعاه
وتجعل للدكاتر بحالته يمينن متينه
وعسى دمعة بكت له تضحك بشفاه
وعسى الهنا والطيب ماتفارق عينه
هذا بوجوده منور على الكل بمحياه
ياعسانا مانقده ومانفقد طوال سنينه

وقفلت جوالها

ريم: يمه تو كلمتني ام اميره تقول خالد سافر مع اخو زوجها

الام: وين راح وليش ماقال لنا

ريم: يمه ولدك وتعرفينه مايقول ل احد بعدين احسن عشان ماينصدم تعرفينه حساس

الام: الشكوى لله طيب وابوك من يتنوم معه

ريم :يمه هذي هي رهام واميره جو

اميره :ياخاله انتي تنومي معه

ريم: ايه يمه انتي تعرفين له اكثر منا وهو يستحي منا في بعض الامور لو مثلآ يبي الحمام

رهام :ايه يمه حتى الدكتور قال هالايام ماراح يمشي يعني لازم حنا نوديه وانتي تعرفين له اكثر

الام: طيب ابشرو بس اخوانكم انتبهو لهم تراهم صغار ودفوهم عن البرد وعطوهم اكل

رهام: الله يهديك يمه اللي يسمعك يقول بتسافرين حنا بنروح الحين ونجي وقت الزياره العصر نجيب هدوم ل ابوي

الام: طيب خلاص تيسرو الحين

ريم: يمه ابي اشوف ابوي قبل وبعدين نروح

رهام: وانا معاك

ريم: رهوم شوفي والله انه تعبان ياويلي عنه

رهام: لا انشاءالله قبل شوي حلفت الدكتور يقول ماعليه خطر

ريم: اشوا الله يبشرك بالخير

رهام: يالله مشينا اميره تحترينا

ريم: يالبى قلب اميره راعيت الفزعات

اميره: يالله هيا شكلكم تحشون فيني

رهام: عوذه من هالبنت دوم تظن غلط وجعاه

ريم: هههههههه

اميره: امشو بس

رهام: يوه جيعانه مره

ريم: رهاموه تبين تاكلين لك نفس

اميره: ايه تاكل ليش لا اللي يسمعك يقول ابوها بالعنايه المركزه عادي ترى كلها جلطه خفيفه

ريم: ههههههههه والله انك تونسين اموره ضحكتيني بعز ضيقتي

اميره :يالله ناخذ فطور وودوني بيتنا نبي نروح ننوم العصر ورانا شغل

رهام: وش شغله ريوم لا يكون نبي نروح للوزاره عصر <~~ تقصد رصيف الجمعيه

ريم: اذا خلصنا بدري نروح اجل نموت جوع

اميره :تشاورو وردولي خبر باي بنزل بيتنا

ريم: ورهام الله معك اميره

الظهر اذن

ريم :رهاموه صلي وعقبها نومي

رهام :وانتي مو نايمه

ريم: لا بصلي وبعدها اسوي غداء للبزارين اللي كانهم بافغان ستان

رهام: اجل بصلي واحط راسي لا تصحيني للغداء مابي

ريم: خلاص ان شاءالله

ريم :يالله اصحو حماده وبندوري ورهف<~ اخوانها الصغار

رهف: وين امي ريم

ريم: امي راحت مع ابوي الديره بس يالله

حماده: يصيح ليش ماخذوني ابي الديره انا

ريم: اكل وانت ساكت مو فايقه لك

العصر الله اكبر

ريم: رهاموه اصحي ياشينه

رهام: هاه وش تبين

ريم: قومي العصر اذن

رهام: يووووووووووووووووووووووووووووووووووه

ريم: قوي روحي مع نوف واميره وانا بقعد مع اخواني

رهام: وهدوم ابوي من يوديها

ريم :انا كلمت اميره وفهمتها يعني تروحون من هنا ع طول للمستشفى وبعدين تروحون للوزاره ع قولتك ههههه

رهام: اوف طيب

اميره + ونوف جو لبيت رهام وريم

نوف: سلامات ماتشوفون شر مع العتب ليش ماقلتولي اجي معكم الصبح

ريم: والله يانوف حنا ندري ان امك ماعندها احد وصعبه تخلينها بالصبح

اميره: عشان كذا قلتو مالنا الا اللي مقطوعه من شجره اميره محد يفقدها

رهام: ههههههههه ايه والله هذي فكرتي انا هع

ريم: لا محشومه بس رهام هي اللي دقت عليك مع اني مابيها تززعجك

نوف: يالله بنات مشينا نروح المستشفى وعقبها نروح للرصيف حق الجمعيه

البنات يالله

رهام: يمه هاه كيف ابوي

الام: تمام حمدلله طيب احسن من اليوم

الام: نوف جيتي وشلونك وش اخبار امك

نوف: طيبه ياخاله وتبي تجيكم هي

الام: الله يحيها

اميره: الله يالدنيا وانا مافي شلونك وشلون امك

الام: هههههه الا انتي الاساس اميره يابعدي بشريني عنك

اميره: طيبين ياخاله حمدلله

نوف: يالله بنات مشينا

اميره: يالله هيا

رهام: يالله يمه مع السلامه وانتبهي ل ابوي

نوف: بنات انا هنا اشوووف خمبقه العن جدفكم تفهمووون

اميره: اركدي بس لا اهفك كف خخ

رهام: هههههههههه تكفين خليني افلها تدرين اليوم نفسيتي زفت

نوف: رهاموه تفلينها مع ريم اما معي انتي امانه اشوف حركه اهد فمك

رهام: لحول

اميره: ماعليك منها رهاموه ههههههه انا موجوده

وصلو للوزاره <~ اقصد الرصيف

نوف: بنات خلونا نقعد هنا بعيد عن هذيك العجوز اللي دوم تسأل وين اهلكم عنكم خخ

رهام: حمدلله والشكر مدري وش تحس هالعجوز

اميره: والله ياعنددها ولد خقق مدري ليش تجي هنا

رهام: احلفي

نوف: هي هي بدينا اركدن .. الا بنات ناظرو مو كأن هذاك اللي واقف راعي الكزس اللي امس بس مغير السياره

رهام: الا والله هو وش يبي

اميره: لحول و ش عنده شكله يدور ريووم ههههه

وشوي الا مر راعي الكزس

راعي الكزس: اعطى البنات كل وحده ميه وسأل نوف وين خويتك اللي امس

نوف: هات ميه واعلمك

راعي الكزس: ولا يهمك خذي بس تراها لها امانه

نوف: والله ابوها تعبان وبالمست

رهام :ماخلتها تكمل وش تبي تسأل عنها

راعي الكزس: لا ولا شي حبيت اتطمن بس مع السلامه

اميره: رهاموه وش بلاك ع هالخقق

رهام: ياختي ماقدرت اتحمله وهو يغازل باختي هع

نوف: الله اكبر ياللي غازلها هالحين ههههه

اميره: الحمدلله استفتحتنا اليوم دوب قعدنا

رهام: الله يكثر راعين الكزسات هههههه

نوف: بنت عيب وش هالكلام

رهام: خير انتي ماتبين ميه ثانيه

نوف: الا نبي ميه بس مانبيها من راعي لكزس تااكلونه بعيونكن

اميره :هههههههههههههههه اجل راعي ددسن عشان تستانسين

نوف: هههههه راعي الددسنن تلاقينه بالجمعيه الثانيه مثلنا هع

رهام: هههههههههههههههه ايه والله

اميره: بنات شوفو هناك واحد يعطي امشو نروح له

نوف: لا اقعدو رزقنا يجينا لين حدنا

رهام: اييه والله مالي حيييل اقوم تعبانه

الا وجاهم رجال يمشي ع رجوله ويعطيهم من ميتين كل وحده ميتين

نوف: تقول الله يخليك بعد وحده بالبيت عطها <~ تقصد ريم

قال خذي ولا تكثرون طلبات هذي لخويتك

رهام: وانا ابي ل امي

قال اقول خلاص غيرك موجود هنا يبي

نوف: هههههههههههههههه معي اربع ميه احسسسن

اميره: ياحظتس خخ

نوف: والله ماهيب لي لصديقة عمري ريووووم بجيب لها

رهام: ههههههههههههه الطيور ع اشكالها تقع

نوف: ايه انتي ناظري من صديقتك هالخبل اميره

اميره: خبل انتي ياخبله وجعاه

رهام: هههههههههههههههههه تذابحو تكفون خلوني اضحك

نوف: بحطك معها شششرط

اميره: بشويش تكفين الا شعري شد شعر مافي خخ

رهام :اميروه الا وش سويتي مع فهد

اميره: ليش تذكريني صرفني وقفلت جوالي حق الازعاج

رهام: ههههههههههه اكيد ماسلم من لساااانك

اميره: وربي ماقلت له شي الله ياخذه

نوف: وش فيكم تكلمون كذا انا معكم سمعوني

رهام: الله يوفقتس ياريم مسويه فينا خير يوم تجي وحنا ماندري

اميره: ايه والله شاغلتها عنا هههههههههههههههه

نوف: مالت عليكن يالبزران خلوكم بروح للحريم اشوف الاخبار وشو

اميره: ورهام فكه ابطي تكفين ههههه

نوف: تخسون ثواني وجايه

نوف: راحت والا لقت بطريقها راعي الكزس قال ممكن شوي

نوف: خير وش تبي ردينا للمغازل

راعي الكزس: الله يسعدك اخدميني وصلي هالرساله للي امس كانت معك

نوف: وش رسالته هي انت حنا مو من هالنوعيه

راعي الكزس: انا داري والله بس وصليها تكفين

نوف: هات طيب

راعي الكزس: امانه ماتفكينها امانه

نوف: ان شاءالله

نوف :رجعت للبنات ماراحت للحرمه

اميره :هاه نوف رحتي

نوف: ايه رحت وش دخلكم انتو يالله هيا بس مشينا

رهام :ايه والله خلينا نروح السوق تكفين

نوف: وشهو سوقه اركدي نبي نروح بيتكم نسهر عندكم

رهام: ويع بيتنا كنها قايله موووول وجعاه

اميره: نوف طيب خلينا نروح انا ورهام السوق تكفين

رهام :ايه والله خلينا نروح امانه والله نتغطا وماناظر باحد حنا بدري

نوف: اقول امشن بس بتروحن معي غصب

اميره: اوف قلق

رهام: تعالي بس خلينا نسولف عن حبايبنا اميروه

اميره :انتي وش سويتي مع احمد

نوف: اقول يالله بس تحسبوني ماسمعكم تحشون فيني

رهام: قالو لك عندنا وقت فراغ نتكلم بشي تافهه

اميره: هههههههههههه حلوه حلوه

نوف: تاكسي

اميره: يالتاكسي خذني لها

نوف: وجع انتي اركدي

رهام: بسسرعه لا اسوي شي بنفسي سيده سيده هع

نوف: يازينك ياريم اثاريهم يخافون منتس

المهم وصلو لبيت ريم

نوف: بنات اطلعو فوق ابي ريم بسالفه خاصه

رهام: وش تبين فيها

نوف :وانتي وش دخلك يالنتفه يالله بس فوق

اميره: ازين خلينا نناقش امور الوزاره ههههه

ريم :خير نوف وش عندتس خوفتيني

نوف: تخيلي لقيت راعي الكزس اللي امس

ريم :اي واحد

نوف: لا تستهبلين ماغيره اللي كان يغازلك

ريم: اها وش يبي

نوف :عطاني رساله يقول امانه لك

ريم: خليه يركد انسسان فاااضي

نوف :اقول خذي الرساله فكيها عندي بقراها

ريم: يعني بتفهميني ماقريتيها

نوف: حلفني ولا بغيت اقراها وبيني وبينك انا ذمتي وسيعه كنت بفكها واقراها بس البزران ماخلو لي فرصه

ريم: هههههههههههههه تقصدين اميره ورهام

نوف: ايه فكيها بس

ريم :هاتي طيب

نوف: هاك

ريم: وهي تفك الرساله

وش فيني اليوم ماني على بعضي
وش صار يارب صرت شاعرها
والله اني صحيح ماني على بعضي
الين قمت اشخبط وقلت اراسلها

ادري انك تقولين هذا الشخص طفولي او مراهق لكن لازم اقولك كل اللي ابيه عشان ارتاح

امس شفتك وطول اليل مانمت افكر فيك مدري ليش مع اني شايف كثير

بس لمعة عيونك غير وانا كنت جاد حاب اساعدك بضروفك وعادي كل انسان عنده ضروف يمر فيها

بس انتي ماعطيتني فرصه المهم هذا رقمي كلميني والله اني انتظرك طول عمري

واوعدك اكون لك وافي وصادق مع تحيات فيصل ال******

نوف: ههههههههههه ياحليله هو والتحيات خخ

ريم :ههههههههه وش يبي ذا الله ياخذه فااضي

نوف: شكله حبك

ريم :يحب بالخلا بعيد عني مو فاضيه لهالشغلات انا

رهام: اميروووه اوص بكلم احمد

اميره: اسأليه ليش فهد صرفني وقولي انا مو عندك

رهام: طيب

فهد :هلا وغلا

رهام: هلا حياتي احمد

فهد: خير مو احمد انا هههههههههه

رهام: يوه اجل منو

فهد: انا فهد

رهام: وين احمد اجل لا تقول تصريفه بعد مصرفينا انا وخويتي هههههه

فهد :خويتك مالت عليها قفلت جوالها ماصرفتها

رهام: مالي شغل فيك وفيها احمد وووين

فهد: احمد يلعب كوره والله

رهام :وانت ليش ماتلعب ههههه عسى مو مصاب

فهد :لا انا احتياط خخ

رهام :طيب اذا خلص قوله اني دقيت

فهد :يوصل باي

اميره: شفتي ماسأل عني الشين

رهام: لملم جروحك وانسحب مالك نصيب باللي تحب خخخ

اميره :ههههه اسكتي والله ل اجيبه ع خشمه وتشوفين <~ طلعت جوالها

اميره :الو

فهد: مين معي

رهام <~ ميته ضحك بشويش تقول ماعرفك

اميره :يعني ماعرفتني

فهد: الا بس اتجاهل

اميره: لا ياشيخ ليش ان شاءالله

فهد: لاني طول الليل انتظرك وانتي ساحيه علي

<~ اميره تقول لـ رهام شفتي منتظرني ياشينه خخ

فهد: الو وينك

اميره :معاك قلبو بس امي طبت علي اكلمك شووي زين حياتي

فهد: اوكي بنتظرك تكفين تراني حيل مشتاقلك

اميره :اوكي حياتي بايو

رهام: اخص ياشحاده بايو هاه ههههه

اميره: اصلآ انا سامعه صوت احمد عنده يعني يصرفتس خخ

رهام: هههههههههههههههههه مالت عليك وعليه بكره اجيب سيد سيده خخ

نووف: بنات وش تسووون

رهام: خير يالدفشه وش تبين هههههه

نوف: انتي ياعصلا يامنتوفه اسكتي

اميره: هيه هيه يالدوبا لا تغلطين ع خويتي

نوف: اسكتي انتي لا احطك معها واقطع شوشكم الخايسه

ريم: ههههههههههه اركدو بس انتي وياها الا نوف

اميره : عجب عجب الصامت صار عام خخخ

رهام :حلووه هههههههههههه

نوف: حمدلله والشكر يعززون لبعضهم

رهام :اميره علميني بس وش اخبار الحلوين بالنت هههههههه

اميره: ههههههههه من دونك مايسوون مع انه فيه والله حلوين

نوف: ريم طالعي البزران مراهقات جد

ريم: ههههههههه بلاهم مايدرون عنا وش مسوووين

نوف: ههههههههههههه اسكتي بس لا تفضحينا

رهام: وش عندكم ان شاءالله

نوف: هههه مو قايلين لكم المهم يالله اميره هيا اوصلك معي

ريم: وين بدري خليكم ونستوني وانا الضيق كله بصدري

نوف: ماتشوفين شر بس الليل سرا ولزوم نروح

اميره: يالله اجل ر هام بينا الو

ريم :الله معكم

رهام :مع السلاماتو بنات

ريم: صكي الباب رهام وراهم مصدعه ماقدر اقوم

رهام: اوك

ريم :رهاموه بكره انتي تنطقين عند البزران وانا اروح عشان بشوف ابوي واروح اجيب الغنايم

رهام: يووووه مابي مابي اطفش بالبيت كرهت قعدت البيت تعودت ع الشوارع

ريم: اقول اركدي بعدين خلاص ابوي بيطلع بكره ولا بعده وترجع الا مور مثل بعض

رهام: طيب يالله بروح انوم انا

ريم: اوكي طيب <~ تفكر ادق ع راعي الكزس والا اخليه لا خلوني اخليه وش ابي فيه اكيد ماني من مستواه

وهو حان علي وانا تكفيني جرووح

اليوم الثااااني

اميره: يمه صباح الخير

ام اميره: هلا صباح النور <~ ام اميره مو فاضيه لبنتها دوب متفضيه لمشاكل زوجها

اميره: يمه بشري عسى مو مأذيك خبلك اقصد زوجك

ام اميره: الا مطلع روحي شكاك ابن لذين وراعي نسوان بعد

اميره :يمه خلاص اسكتي انتي بتكرهيني بالرجاجيل خليني اروح غرفتي باي

ام اميره: انتي اصلآ من متى فكيتي لي صدرك وسمعتي مني دوم كذا

اميره: يمه وش بلاك انتي عصبتي علي

ام اميره :روحي عن وجهي انقلعي

اميره :حمدلله والشكر

اميره <~ تروح غرفتها متضااايقه واذا تضايقت تفتح جوالها وتكلم شباب

نوف: الو

اخوها: هلا و والله نوف <~ اخوها من ابوها

نوف: هلا فيك زين تعرف اسمي

اخوها :اكيد اعرفك المهم وش قلتي بالموضوع

نوف: اي موضوع

اخوها: اللي كلمتك عنه امك

نوف: اول شي انت من متى مقاطعنا ولا تعرف عنا شي وجاي هاالحين تبيني اتزوج عن طريقك

اخوها: وش هالكلام

نوف: انت داري يعني ابوي من يوم مات ولا واحد كلف عمره وجا يسأل عني ولا واحد سال عني طيبه مريضه ميته

اخووها :ماعليك خلاف حنا مامنينك عند امك

نوف: اسمع انسى ان عندك اخت تتاجر فيها وتزوجها مثل ماتبي <~ قفلت بوجهه وهي تبكي

نوف: ليش انا حظي كذا هذول اخواني اقرب الناس لي يسون فيني كذا الله ينتقم منهم يارب

ريم :رهام يالله قومي سوي الغداء للعيال

رهام :وشهو غداه طسي بس ابي انوم

ريم: رهاموه قومي انا ماقدر اوقف وراي مشوار العصر

رهام: قومي سوي الغداء وانا اسوي عنك المشوار

ريم: والله لو ماقمتي ا ن اقومتس بشعرتس قومي يالله

رهام: يوووووووووووووه لا تصارخين بقوم الحين وجع

ريم: ناس ماتجي الا بالعين الحمرا

رهام: تقوم من غير نفس تسوووي اندومي

رهام: قم يابندوري قومي رهف وانت ياحمودي يالله قوممو

ريم: بشويش ع البزران ذبحتيهم

رهام :موب شغلتس انتي

ريم :ههههه يالله بس حطي بالك عليهم بروح انا اذا اذن العصر

رهام: يعني وشو تذكريني تبين تقهريني

ريم: هههههههههههههههه

ريم: راحت للمستشفى يبه حمدلله ع السلامه

الابو: الله يسلمك

ريم :يوه الحمدلله حيل طيب

الام: ايه ماشاءالله تحسن مره

الابو: رهام وينها والعيال ليش ماجوني

ريم: يبه خالد ورهام عند العيال بالبيت عشان مايقدرون يخلونهم لحالهم

الابو: هم اهم شي طيبين

ريم: ايه حمدلله يالله انا استأذن برووح وراي شغله ضروريه

الام :الله معك

ريم:الو نوف وينك

نوف: عند الوزاره يعني وين

ريم: ابيك بخدمه يانوف اخوي خالد بالسجن ولزوم نروح نسأل عنه

نوف: الله ياخذك مشاكلك ماتخلص يالله جايه الحين

ريم: يالله ماننساها لك تعالي يالله باي

نوف: اميره يالله تروحين معي نروح لريم بالمستشفى تبي تروح للسجن

اميره: لا والله ابي اقعد حيييل مطفره والنفسيه زفت ابيلي اغراض

نوف: اجل يالله اقعدي وانتبهي لعمرك واذا خلصنا نمرك ناخذك نرجعك

اميره: طيب اوك

اميره: تفكر ياربي لين متى وانا كذا امي مو قابلتني ابوي مايدري عني اخوان ماعندي مقطوعه من شجره وش هالحاله

لو اغيب سنين محد يفقدني يارب ساعدني يارب

نوف: ريم يالله تعالي انا هنا شوفيني بالتاكسي

ريم: يالله شايفتك جايه باااي

نوف: يالله لو سمحت روح للسجن ريووم وش تبين تسوين

ريم :ابد بعطيه فلوس دق محتاج فلوس هو بالتوقيف للحين ماودوه المحكمه

نوف: يوه انتي تجمعين ل ايجار البيت وتبين تخربينها الحين

ريم: يالله ربك يفرجها

نوف: يالله انزلي وصلنا

ريم: للعسكري لو سمحت كيف اقدر اشوف خالد ال *******

العسكري: تفضلي هناك الحين يجي هو موجود هنا بالتوقيف

خالد: هلا ريم

ريم: هلا

خالد :وين امي ليش محد سأل عني

ريم: امي بالمستشفى مع ابوي لانه تعبان

خالد: لا لا يكون مني لا يكون انا السبب

ريم: اركد اصلآ مادرى عنك

نوف: وشلونك ياخالد

خالد: هلا هلا نوف اعذريني ماشفتك

خالد :ريم طيب لا اوصيك ياوخيتي تراني بعد كم يوم ابطلع والله اني بري وبعد التحقيق يبي يبان هالشي بس انتبهي ل ابوي

وان شاءالله ابي اطلع واعوضكم وربي اني مقصر معكم

ريم: لا ياوخي لا تقول كذا حنا لبعض المهم انتبه لعمرك ترى حتى امي مادرت

خالد :يالله انتم تيسرو وروحو

نوف: خذ ياخالد <~ ميتين ريال

خالد: لا والله ماخذها عطتني ريم تكفيني

نوف: وش دعوه ياخالد مو بس ريم اختك حتى انا

ريم :نوف خليها ماظن راح يحتاج لها

خالد: ايه والله خليها لكم ماني محتاجها

نوف: افا تردني وانا اول مره امد لك شي

خالد: ماعاش من يردك ونردها لك ان شاءالله يالله تيسرو وانتبهو ل انفسكم

ريم: يالله مع السلامه

نوف: هاه ريم وين نروح

ريم: والله مدري محتاره

نوف: هيا نرروح وزارتنا يجوز نطلع ع عالاقل حق عشانا

ريم: يالله طيب

ريم: سلام اميره

اميره :هلا بنات وصلتو <~ كانت تبكي

نووف :ايه وصلنا ماتشوفين

ريم: اميره وش فيك تبكين

نوووف: ياويلي تبكي ليش اموور حياتي

اميره: انفجرت بكي تقووول محد يبيني من الدنيا امي ماتبيني اقرب الناس تكرهني تنتظر العصر يجي عشان انقلع من البيت

ومالي احد بهالدنيا

ريم: بكت معها ولا قدرت تنطق ولا حرف

نوف: اميره افا وش هالكلام حنا لبعض وامك تحبك بس ماتبين مشاعرها

اميره: لين متى اضحك ع عمري بهالكلام امي تكرهني مدري ليش

ريم: ياقلبي ياميره كل هالحزن بقلبك وانتي اكثر وحده فينا تضحكين

نوووف يوه ياريم مو وقتك بالعكس امور مافيها حزن بس تدلع

اميره يالله بنات خلونا نمشي

نوف: هههههههههه هالحين تضحكين شوفي من جاي راعي الكزس

ريم :يووووووووووووه وش عنده راعي تحياتي هههه

اميره: ههههههههه الله يرجتس يانوف والله اني اضحك وابكي منتس

نوف: تبيني اضحكك اروح له والعن جدفه اهم شي ضحتك يابعدهم

ريم: اركدي انتي خبله تروحين له

اميره :هههههههههههه

نوف: اسكتي اهم شي امورتي ماشوف عليها الحزن

ريم: اشوا رهوم مو معنا ولا كان قلبتها مناحه مع خويتها ههههههه

راعي الكزس: مر سلام ياحلوين وكانت عينه بعين ريم

نوف: هاه بشر فيه ميتين

راعي الكزس: ههههههههههههههه مو حلا هي المهم ليش الغلا ساكتين

اميره :من تقصد انا

راعي الكزس: اهجدي انتي خلي انا

نوف: ماتت ضحك

ريم: تنفجر فيه وهي تبكي ياخي حل عن سمانا وش تبي فينا انت شايف حالتنا شلون جايين نترزق الله وانت هنا عاقبتنا

راعي الكزس: بتعجب اختي والله ماقصد قسم بالله انا اسف تكفين اسف مع السلامه باي

نوف: ريوم وش بلاكم اليوم صياح انتي واميره

اميره: هههههه تعجبني ريوووم وهي معصبه هههه

ريم :والله ينرفزوني يقهروني يشوفون حالتنا يبون يذلونا

راعي الكزس :ماتوقع انها تجرحه هو كان يبيها وهزاته قدام الناس وخلته ولا شي

وخطط ينتقم منها

راعي الكزس: الو مكاافحة التسول هنا ناس عاملين متسولين وفيه صحافه تبي تصورهم

الا شوووي والا التسووول

نوف: بنات التسول انحاشوو

ريم: ياويلنا وين نروح

التسول <~ شي مايرحم رجاجيل يمسكون الحريم بكل قوتهم يدخلونهم الباص ويودنهم مركزهم الله ياخذهم

التسول: ولا حرمه تتحرك خلوكم <~

ريم: مابيه يمسكنا لو اموت ماعندي احد يطلعني ابد انا بنحاش

نوف: لا والله لو انحشتي ممكن يمدون ايدينهم عليك

اميره: الا روحي مع اللفه بسسسرعه

ريم: راحت ركض ركض ركض تبي تنحاش منهم <~ ولا فيه واحد من التسول تعالي هنا ويلحقها بكل قوته

وكانت تركض ولا لقت قدامها الا راعي الكزس وهو يفك الباب ويقول اركبي هنا هنا

ريم: شافته ماصدقت حست انه منقذها ركبت معه وقفلت الباب

راعي الكزس: خلاص تعديناهم وراحو وش فيك

ريم: الله يخليك نزلني يكفي فضايح الله يسعدك

راعي الكزس: يعني انا الحين بدل ماتشكريني تسوين لي كذا

ريم: ياخوي انا ماسويت شي نزلني تكفى

راعي الكزس: وهو ماشي بخط طوووووويل مو معروف طيب قبل شوي يوم كنتي تصارخين ليش

ريم :ارحمني ابوس رجولك ارحمني

راعي الكزس: وانا من يرحمني ثلاث ايام مانمت على حسابك واخرتها تهزئيني قبل شوي

ريم: تكفى يرحم امك وابوك نزلني يرحم اهلك نزلني

راعي الكزس: ليش مادقيتي يوم خويتك وصلتك الرساله

ر