زوجي يظلمني المساعدة يابنات

السلام عليكم بنوتات
ودي استشيركم بمشكلتي مع زوجي اللي من جد احسة يظلمني
قبل الخطبة امة قالت لهلي ان عندة بيت وبيجهز خلال سنة بس بنحطهم في شقة معانا لين تتيسر امورة
وافقت على اساس اني بسكن في شقة معهم عادي عندي
لكني يوم جيتة تفااجئت
شقة عبارة عن غرفتين وحمام فقط
غرفة نوم وغرفة جلسة فيها بوفية صغير لطبخ
والاعظم ان مدخلهم واحد يعني لازم امر عل عالم اللي في بيت كلهم عشان ادخل قسمي
قلت الحمدالله على كل حال الوحدة ترضى باللي يجيها وقلت لا باس دام عندة بيت بستقر فية
ورانياه واخذ مشورتي في اشياء كان هذا عامل مهم اني اصبر عل غرفتين خصوصا يوم حملت وجبت الولد
والحين بعدحامل الحمدالله على كل حال
ومازلت في قسمي تناقشت وياة المكان مايكفينا وخطر عل الولد بوفية مطبخ وحكرة الريحة الطبخ وماعندة مكان يلعب فية وغيييير اني ماحس بأستقلالية كل ماصاح ولدي نطتت احد من خواتة او امة جيبة ولا شفية
احس اني من جد مااتحمل
احس اني محكورة ومااحس ابدا بالحرية كني في غربة وانا قريبة من هلي حتى ما يقدرون يزوروني بالله وين احطهم
ناقشتة قال بزيد غرفة للولاد وبزيد مطبخ منعزل وافقت ورحنا فصلنا غرفة وكنب جديد يعني بصير لنا غرفة جلوس وغرفة عيال وغرفة نوم ومطبخ وحمام
قلت الحمد لله بس ماشوف تنفيذ الحين لي 8 شهور وانا انتظر الغرفة ذيي اللي كرهتها من كثر ماانتظرها
ومن كثر ماسئلة ها متى تفتحها
حسيت ان اهلة محتاجينها وهو مايبي يضغط عليهم يبي هم يعطونة متى مابغوا
طيب الى متى حرام علية يمن علي بهالغرفة
تكلمت معاه قلت ليش مانطلع طيب دام المكان ضيق على هلك ونسكن في احد شقق بيتك
بيتة هو فلة وثلاث شقق يبي يأجرهم 3 او 4 سنين عشان يسدد ديووونة
قلت خننتقل لشقة في بيتك واجر الباقي عصبببب علي وقال انا مثل هالضرس ماينقلع ماني طالع من البيت والغرفة بتجيك بتجيك ولا تفتحين الموضوع مرة ثانية
انا فهيييييت
قلت امك قالت لنا سنة ونطلع والحين سنتييييييييين ليش تغير كلامك
قال هذا كلام امي تقول اللي تقولة انا رجال وانا اللي اقرر متى نطلع انتي مااااالك اي دخل
قلت هاذي حياتنا وحنا مشتركين فيها لازم نخطط ونقرر مع بعض انا ماني قطعة اثاث تنقلني متى مابغيت
حتى انة يختار لبيتة كل شي بلحالة مالي اي اختيار ياخذ حتى اختة احيانا تختار معاة
مايبني اشاركة كنة بيسكن بلحالة
مقهووووووووووووورة حدي شسوي ماقلت ولا شتكيت لهلي ولا لاي احد
احسة من نوع اللي مايحب احد يخطط وياة عايش في عالمة عمرة هو 36 وانا 23
يقولوي هو انا متعود اخذ قراراتي بلحالي وانا رجال وعاقل وفاهم الحياة يعني بالعربي انتي ماتدرين شسالفة
قلتلة انا احب اشارك زوجي في حياتنا احب اخطط وياة واقرر عندي هاذي القدرة اكرة اكون بلها مدري ويب ربي قاطني انا عاقلة وراعية مسؤولية حتى هو دايما يشهد هذا فيني
والحين مانكلم بعض وقلبي ثاااااااااقل علة احس اني مخدوعة ومظلومة ومستغلة ومكذوووووب علي