زوجي يستحي مني حتى ف…….؟؟؟؟.

كيكفم يا فرااااشات ان شاء الله طيبين

والله ما ادري من فين ابتدي

المهم ابي كل وحده تقول لي كيف تستقبل زوجها بعد ما يجي من الشغل يعني كيف تسلم عليه
وادا كانت غايبه على زوجها مده وشافته في بيت اهلها ولا اهله كيف يتم التسليم
لاني انا وبصررراحه مره منزعجه من هالموووضوع

احكي لكم قصتي

انا الحين متزاعله مع زوجي وكان الزعل امس العصر لما جا من الشغل استقبلته انا وعيالي ( عياله من طليقته لسه صغار اكبرهم 8 سنين انا مربيتهم عندي يعني متابة امهم واكثر ) المهم لما دخل سلم على عياله اول بوس واحضان ولما جا دوري اسلم عليه صافحته ومديت له خدي والله صدني وقال لي بصوت واطي عيب العيال قدامي والله قهرني قهر قلت له ليش عيب وسالت العيال قدامه عيب بابا يسلم علي قدامكم والله وردو لا عادي يا بابا ليش ما تسلم على ماما وليش عيب مافيها شي وبعدين طلع فيا باستحقااار وقال لي عيب مو عيب بكيفي ما ابغى اسلم عليك

والله يا بنات فشلني قدام العيال حسيت بصدمه قويه طنشت وسويت نفسي عاااادي تسلم ما تسلم ما يهمني

جا الليل وهو كان طالع برا فكنت ابغاه يجيب عيش معاه خليت ولده يكلمه ورد ليش ماما ما كلمتني انا قلت له قول لبابا عيب ماما تكلمك قدامي ما يصير يا بابا

انا الحين مقهووووره منه وبيني وبينكم ما ابغى المشاكل معاه وهو الحين مطنش وخوفي ازيد في زعلي يقول عشان الحين وقت مدارس وانتي تمنين علي وقفاتك مع عيالي في الصبح وانا بيني وبينك ابي ارسله رساله اوريه غلطه واحنا من النوع ادا تزاعلنا نقعد نتكلم في رسايل الجوال لين ما نتصالح وانا الحين ما ادري ايش اقله صراحه لاني خايفه اخربها

ايش رايكم ادا قلت له انت ادا تحس انه عيب تسلم علي قدام عيالك فكيف تبغاهم يتحرموني ويقدروني وانت مثل وقدوة لهم وتعاملني بالطريقه قدامهم ؟؟؟؟؟؟؟؟؟؟

ها يابنات ايش رايكم اقله وادا عندكم اضاااااااافه قولو لي

على فكره لما نكون في بيت اهله ويجي يسلم على اخواته وامه وبنات اخواته كلكهم يصافحهم ويبوسهم من الخد للخد عاااااااااادي ما قلت شي ومو غيره مني بالعكس والله ولما يجي دوري والله من بعيد يقولي سلام ومره ما يقول معقوله هدا كله حيا ويستحي وادا كان يستحي مني فكيف جاب عيال مني غريبه هالرجاااااااال والله