اخاف على بنتي من السمنة والله اخاااف

بسم الله الرحمن الرحيم .. والله يا بنات ما كتبت الا اني فعلا فعلا خايفة على بنتي وراحمتها .. بنتي(بسم الله ما شاء الله ) فيها شراهة موب طبيعة ونفسيتها للاكل دايم مفتوحة والمشكلة هي من جبتها مليانة والحين كل مالها تزييييد ما دري وش اسوي والله تعبت احس اني بتعقد صايرة اراقبها في الاكل والمشكلة وزنها صاير اكبر من وزن الاطفال اللي اكبر منها وانا في السوق اشتري لها اكبر من عمرها والمشكلة الاكبر اني ساكنة مع اهل زوجي ومو قادرة اتحكم بأكلها يعني انا صرت افطرها ثمن تلقى احد ياكل وتاكل معه والغدا اغديها تطلع وتجيني والاقي احد ما كلها والعشى انا نويت اعشيها بس فاكهة واعطيها لها بعد العشاء ثمن اذا جت تتعشى ام زوجي توكلها معها + الشيء اللي احس انة بيفقع مرارتي الحلاو والخرابيط اللي يعطونها لها والله انها تاكل حلويات في اليوم موب طبيعية ابو زوجي كل ما دخلت غرفتة عطاها وام زوجي ومدري وش اسوي مع العلم ابوها سمين وهي طالعة علية بس انا ما ابغى بنتي تصير مثلة والسكر منتشر في عائلتهم واخاف يجيها والاطفال ما ينادونها الا الدبة والله قلبي يتقطع عليها تكفون عطوني حل وادعولها ان ربي يخفف عنها وترى السمنة مرض مرض انا اتذكر كانت معنا وحدة بالمدرسة سمينة وجاها السكر وتركت المدرسة والسالفة عالقة ببالي لاني اتذكر البنات كيف كانو يشوفونها ويستهزؤون فيها