زوجي والرومانسية والنظافة .. ما الحل !!

السلام عليكم
اخواتي الفراشات
احس بالغرابة اني اكتب بنك نيم جديد
طبعا انا من رواد الفراشة من سنيييين ولي نك نيم ولكن هذه المشكلة من الصعب ان اطرحها
بالنيك نيم الرسمي لانها حساسة شوي والكثير يعرفني بالمنتدى يعني بالعربي من باب الخصوصية

أولا اقولكم الحمدلله انا زوجي على قدر من التفاهم ونحب بعض ومايقصر على البيت ولا على العيال
زوجي مثالي ولله الحمد
المشكلة الوحيدة العلاقة العاطفية الباردة اللي بيننا
والله يابنات ادعي بالليل ان الله يسخره لي ويزيل الجمود من قلبه
وانا لا اقنط من رحمة الله
ولكن فيه اسباب ممكن انه يعالجها وهو يكاااابر وطفشششششني
مثلا شهر العسل ماصار الى الان ولنا 5 سنوات زواج
وماعوضني مثلا بسهرة حلوة او حتى يعزمني برا دائما الاقتراحات هذي تجي مني
ثانيا وهو المهم
العلاقة الجنسية يمر علينا شهر كامل مايقربني فيه غير مره وحده او مرتين لدرجة اني افقده وصرت استكثر على نفسي كل مره انا اجيه ليش هو مايجي ويبادر ؟ 💡
وين شوقه هو لي؟؟؟؟
وين الغريزة اللي عند الرجل بالعربي زوجي احسه باااارد من هالناحية كنت اخاف ان عنده علاقات قبل الزواج بحكم سفره للخارج للدراسة لكن الان وبعد مرور خمس سنوات من البرود تأكدت ان ماله بهالخرابيط
يابنات الحمدلله مشهود بجمالي من الجميع ياربي لك الحمد وزوجي يتفرج بس
متجدده بشكلي متجدده في طريقة الممارسة الجنسية << اعذروني بس هذي الطريقة الوحيده للتعبير
يعني اكون متكشخه متعطرة نظيفه يطري علي ولكن !!!!!
يقوم يحط راسه وينام؟؟؟؟
استنفذت جميع الحلول رقص ورقصنا بدلات رقص وجبنا
نعومه ودلع وتدلعنا والحمدلله مو ناقصه طبيعي موجود من غير تصنع
المشكلة لما اجي عند الناس ويشوفون حملاتي المتتابعه ولله الحمد يفكرون ان الرجال ما يتحرك من عندي ليل نهار مقابلني ولما يشوفوني كاشخه يقولون هنياله وانا من جوا أغللللي
مايدرون اني برجع البيت اطقطق على النت وهو على جهازه الثاني ويطالع فيني ويقول نمنا !!!!!!
يابنات تعبت من ريحة الدخان لما يقرب مني وتعبت انه مايهتم بنفسه لازم انا ارتبه وأعدله هو ماعنده مشكله يقعد بخياسه اقول له ليش ماتتزين لي مثل ما اتزين لك يقول الحرمه السنعه هي اللي تهتم بزوجها او يواجهني بصراخ ويقول ماراح اتزين لك انا كذا
ولاحظوا يابنات انا ماقلت كذا الا بعد ما انتهيت من مرحلة التلميح والكلام الحلو لكن كله ماجاب فايده يدخل غرفة النوم يتعطر على باله اخفى الريحه طيب وين تفريش الاسنان ووين الشكل العام بالعربي مايفتح النفسسسس
واستغرب انه مايستحي مني لما يشوف ترتيبي ونظافتي في نفسي ومايسوي ربع اللي انا اسويه
علاقتي العاطفية باردة جدا جدا جدا صرت ارقي نفسي كل ليلة من فترة طويلة وارقي زوجي وهذا الحل الوحيد اللي اقدر اسويه
لانه مستحيل تنظفين شخص مو نظيف اصلا
امس ارتفع ضغطي منه انا متزينه ومكياج وحالتي حاله على سنقه عشرة
وقلتله انوم العيال ونسهر سوا قال موافق
شوي الا هو يحط على راسه زيت مرطب للشعر 😥
قلتله لييييييييييييش كذا هذا وقته قال ياحبيبتي عاااادي مله ريحه
طفشششت طفششت طفششششت منه ومن استهتاره من العلاقة الجنسية واقل مقوماتها على الرغم من انه انسااان على مستوى تعليمي ومهني عالي
اهديه في كل عيد وهو لا حتى لما اولد ما يهديني !
عيد زواجنا مافيه احساس وانا والله في نفاسي فاجأته بحفلة صغيره عشان عيد زواجنا
وغيره كثيييير
قلتله كم مره نفسي تعزمني برا لحالنا بدون العيال ننومهم وعندهم الشغالة ونطلع نتعشا برا مثلا
يقول فكرة حلوة بس ماينفذها
نفسسي يقول لي ابيك لحالك ابي استفرد فيكي تعالي مشتاقلك والله يابنات شهر رمضان كله ماجاني غير مرتين فقط
ساعدوني يابنات ايش الحل والله تعبت تعبت