زوجي جرحني وابي حل

السلام عليكم ورحمة الله وبركاته

صديقاتي الفراشات عندي موضوع مقلقني من سبوعين وربي ماذقت النوم منه والله يعلم بحالتي من بعد ما اكتشفت الموضوع والله العظيم لا احسد عليها والمشكله ماكتشفته الا وانا حامل وفي شهري التاسع ياااالله ..

بقولكم الموضوع وابي مشورتكم امانه فيدوني شورو علي بشنو اتصرف بس تكفون لاتتركوني بحرتي ..

الموضوع ومافيه .. ان زوجي انسان كسول خمول بالموت يودي ويجيب واذا وداني الله وكيلكم كل الكلام الشين يقوله لي بس علشان اكره اروح معاه طيب انا ان ماوداني منو يوديني؟ يقول اهلك اهلي عمرهم ماودوني وبعدين عيب هالكلام زوجي موجود وفاضي وانا رايحه اترجى فلان وعلان يوديني .. اقوله ليه وانت شنو سبب رفضك توديني للي ابيه واقضي اغراضي؟ يقول مشغوووووووول لو تسمعونه تقولون بزنس مان وهو والله فاضي ودوامه شفتات بالسبوع مره وفجر يروح له يعني رجال مرتاح ماعنده شي يشغله المفروض يوديني وبصدر رحب وبعدين انا مشاويري مو كثيره ماروح الا مره بالشهر اشتري اغراض لاطفالي ولي وهالمره تطلع من قلبه .. المهم ماهو هذا الموضوع الموضوع ومافيه اني طحت على زوجي على علاقه بوحده تعرف عليها بالنت وهالعلاقه مستمره من سنه وانا مادري عنها شي يتغافلني وانا مادري انه مع بنت يدخل ماسنجر ويسولف وغرام وكلام غزل حتى المحادثات مخزنه في لابتوبي وهو مايدري بالساعات والدقايق ..

تخيلو قايل لها انه متزوج ويقولها ان زوجي الحين بالبيت وانا بالديوانيه وانا ياغافلين لكم الله وبعد يقول انا ماخبي عليك شي ابدا كل الي تبين تعرفينه بس اسالي وانا اجاوب وفعلا اجوبته صريحه كلها وتخيلون وقت محادثاته من الساعه 11 وورى لين ماتنام هي او هو وبعدين يجيني وانا اتذكر اني اشكي من سبب سهره يقولي تبين تحكريني بالبيت؟ انا رجال ماعندي نوم تفهمين؟ واثاريه طول هالوقت طايح سوالف وعلاقة حب وغرام يقولها عمري ماتخيل الدنيا بدونك وانا وين رحت ويا عياله والله اني مو مقصره بحقه بشي وهذا الشي يالي قاهرني وموتني قهر ليش يخوني وانا ماقصرت ليش يصارحها بكل شي وانا مخبي عني ايميلاته وبناته وعلاقة حبه المخفيه ؟ وهي يصارحها فيني وتساله عني ويجاوب بكل برود

تخيلو يعرض لها كاميرا وكان بينهم وعد وتقابلو .. والحين في وعد ثاني بيتقابلون يقولون لبعض مشتاقين لشوفت بعض والله يصبرنا ومن هالكلام آآآآآآآآآآآآآآآه ياقلبي

حتى لما دريت بموضوع خيانته ماكلمته بس كنت اتحايل عليه بما اني اعرف وقت تقابلهم بالنت الي من الساعه 11 وورى فقمت الهيه عن هالوقت واشغله باشياء حلوه كان يرفض ويكذب علي يقول في واحد من اصدقائي مسير علي وينتظرني بالديوانيه تمسكيني عن الرجال؟؟؟

مره مسكته بالغصب وصار بينا هواش ومد ايده بس علشان يروح للوعد

امانه بنات انا لما دريت بموضوع خيانته وكلامه معها بالساعات ودلعهم وربي اني ابكي دم واحس بارهاق وتعب ولا عارفه شنو اتصرف ايميلها وايميله مسجل بالمحادثه وللحين ماكلمته بالموضوع بس الحزن باين على وجهي فيقولي روحي ارتاحي عند اهلك سبوع يمكن تعبانه تغيرين جو .. تخيلو لقيته كاتب لها بالمحادثه .. حبيبتي طبعا يقصد عشيقته انا اقولها تروح لاهلها نرتاح منها سبوع بس هي جالسه على كبزدنا وانا ماعرف اسهر معك على راحتي طول الوقت

آآآآآآآآآآآآآه ياقلبي

مارحم ضعفي ولا حملي ولا زواجي ولا اطفالي وراح بعلاقة عشق مع وحده بنت مدتها سنه وبينهم مواعيد ومقابلات وكلام عشق ودلع الي عمره ماقاله لي ولا مره تكووووووووووووووووووووووووووووووووون ريحوني مادري شنو اتصرف انا زوجي طبعه اذا صارحته ينفي وينكر عمره ماعترف بشي وانا ادري لو بصارحه بينفي انه هو وبيروح يغير ايميله وهي بتغير ايميلها وماراح اعرف عنهم شي
واذا بجلس اراقب فيهم ماقدر اتحمل اشوف زوجي يتغزل بوحده غيري ويتقابلون ويتواعدون

وربي في حيره من امري اسعفوني الله يفرج همي وهمكم اللهم امين

ابي رد الحين وباسرع وقت

تكون ردوووووو