زواج اخوي لأخت زوجي مرضني

سلام عليكم ورحمة الله وبركاته…

اول شي انا اخوي جاني قبل لا يخطبها قالي اشرايك في اخوات زوجك وقلت ماشاءالله عليهم طيبين ومافيهم شي قال تشوفين من تناسبنني قلت الكبيرة عشانها عاقلة وفاهمة والله حتى كنت استشيرها بمشاكلي مع زوجي وكانت ماشاءالله حكيمة بعقلها بس الحين من تزوجت شافت نفسها ع الكل مابقول علي ولا ع اهلي ع الناس عامة واول ماملكت وجت امي تسلم عليها ماقامت لها تسلم تخيلو والله مااكذب وامي دنقت لها بدل ماتقوم لها وتحب راسها بس الشرهة ع اللي مارباها زين ويمكن خايفة ع بريستيجها لا يخرب والله يابنات مدري ع ايش شايفة نفسها والله مب ذاك الحلا والبياض سمرا وعااااااااااااااااادية ويمكن اقل من عادية بعد وحريم اخواني الثانين ماشاءالله جمااااال وبياض وعقل وقبل كل شي الاحترام للكبير والصغير ومع ذلك مافكرو يتكبرون ع خلق الله المهم بعد الملكة زوجي سمع اخته تقول لأختها الصغيرة والله ماني ب…(اسمها) اذا ماخليته خاتم باصبعي تقصد زوجها تبي يصير خاتم باصبعها انا انقهرت وسكت وبلعتها وقلت لزوجي اختك ماقامت تسلم ع امي وش هالقلة الادب المهم راح عندها وقالها ليش ماتسلمين ع عمتي وتحبين راسها قالت ليش اسلم ع راسها ماهي امه هي فعلا ماهي امه بس هي اللي ربته من عمره سنتين والله انها تعبت في تربيته اكثر مننا كلنا وقالها زوجي إلا امه وهي اللي ربته ومدري شنو المهم تهاوشو وقالت خلاص بسلم عليها وبحترمها يعني هي من بداية حياتها تبي تدخل حرب وسكتنا المهم تزوجوا وبعد زواجهم بشهر جات عندنا وراحت عند زوجي قالت له قول لزوجتك تنتبه للبيت وتطبخ وتنظف وتقرب لأمي الاكل والقهوة والله يابنات انها قبل لا تتزوج انها حتى الفنجال ماتشيله امهم اللي تقربلهم الاكل حتى الفطور تسويه قبل لا يروحون الكلية ام زوجي صغيرةوانا اصلا الحمدالله قايمة بالبيت من قبل لا تتكلم هي ووجهها المهم جا زوجي عندي وقالي الكلام اللي قالت له اخته انا عصبت قلت خلاص عشانها تزوجت شافت نفسها علينا وبتتحكم بعد انا رحت لها وعصبت عليها وقلت لها خير ان شاءالله من انتي حتى تتأمرين علي ولا عشانك تزوجتي بتشوفين نفسك علي ولا عشانك ماخذة اخوي مابقدر اتكلم عليك اسمعي انتي قبل لا تعطيني اوامر عشان اخدم امك انتي بالاول اخدميها بعدين انا اجي اخدمها تسمعين المهم كلمة مني وكلمة ومنها تهاوشنا ومثلت دور المسكينة وتبكي وراحت عند اخوي بس اخوي ماجاني ماقالي شي بس يقول لزوجي مرتك قليلة ادب صرت مرته ماني بااخته والله ماتأدبها انا اجي اادبها ليش كذا تتكلم ع مرتي والله مايقدر يقولي كلمة يعرف اني مابسكت عن حقي واخليه هو واياها مايسوون شي المهم عدت هالمشكلة ع خير والحين اخوي راح اشتكى عند امي يقول انها طفشته ومدلعة وشايفة نفسها وغير كذا قال ماتحبكم وطول الوقت تقولي اهلك واهلك مو عاجبها احد واغصبها تنزل لعندكم ولا ماودها تجيكم ولا تبي تسلم عليكم بس انا اغصبها غصب بعد الصياح والضرب تنزل هي ساكنة بشقة فوق اهلي المهم امي تهديه وتواسيه وقالت لازم باول حياتكم مشاكل واصبر عليها ومدري شنو المهم امي سافرت اسبوع عند امها تعبانه سوت عمليه واخوي ومرته مافكرو يدقون عليها ولا يتطمنون ع حالة جدتي المهم رجعت امي من السفر واخوي ماجاها يسلم عليها الا بعد اربعة ايام تخيلو وساكنين ببيت واحد واخت زوجي هي عند اهلها عشان دراستها ياناس قاهريني بحركاتهم قلة ادب ومافي ذووووووق قولولي وش اسوي انا بأمكاني احرش اخوي ع زوجته وافرقهم بعد بس خايفة من ربي قولولي انا تعبت نفسيا نفسيتي صايرة زففففففففت والله مشاكل صارت اكثر من كذا وغير كذا اخت زوجي تدخل بحياتي بكل شي ماتبي تخليني في حالي واهلي ابد مايتدخلون بحياتهم ابدا والدليل ان اخوي ماعبر امي ولا سلم عليها لو يعبرها او تدخل امي بحياته كان جا وسلم عليها ولا تقولون قولي لأمك تكلمه مستحيل امي تتكلم وتتدخل بحياة احد وحتى بعد ماجات من السفر اليوم الثاني راحت مشوار مع السواق ودقت ع اخوي تبيه في شغلة مارد عليها وبعدين رجع دق عليها وقالها نعم وش تبغين من غير لاسلام ولا الحمدالله ع السلامة امي انقهرت وعبرتها بحلقها قالت خلاص مابي شي وقفلت انا مقهورة من حركاته مدري ليش يسوي كذا تعبت يابنات وش اسوي اشرايكم اعتبره مو اخوي ونطنشه ولالا والله كلهم يقولون مستحيل تحملين من نفسيتك لازم ترتاحين وتطنشين عشان صارلي 5 سنين ماحملت بس وش اسوي مو بيدي قولولي وش اسوي عشان احسن من نفسيتي واطنش واعيش حياتي من غير افكر بأحد والله تعبت..