زواجــي —-> يا فرج الله

اخواتي
عشنا لحظات الحزن دمعه بدمعه وكلمه بكلمه
و ننتظر الفرج من الله ونفرح بزواجنا
الشكوى لله وحده بس مالنا الا بعض نفضفض

قبل مده كان في اخوات الله يجزاهم الجنه يدعون لنا ويحسون لي باحساس حلو
لدرجه حسيت انه الاخوات راح يباركون لي “وكان بخاطري اجي ابشركم بخبر خطوبه او زواج

بس ما اقول الا الله يسامحك يا امي ويسامحكم يا اهلي
قتلو فرحتي “”والسبب”” مو عاجبهم مكان عمله لانه من برا المدينه (بالله ذا سبب)
ليييييييييييييييه انا بنت 15 ولا 20 عشان اتشرط واتنقى ؟؟؟
امي رفضتهم لما حاولو بس لمجرد المحاوله انهم يتقدمون لي
ورفضتهم قبل يجون يطقون الباب حتى :
ليتها انتظرتهم يطقون الباب عشان احس اني انخطبت وافرح لي لو يوم واحد بس
بس هي ما تبي تزوجني الا واحد من عيال ديرتي
وهي عارفه ان عيال ديرتي كلهم تزوجو ما عاد باقي الا البزارين الي يلعبون بالحاره
و بعدها جاني خبر انه ماشاء الله تبارك الله 3 من قرايبنا تملكووووو واخرهم الرابعه من عندنا
وهي داريه انها اصغر من الي اصغر من الي اصغر من الي اصغرررررر مني بس امي ما همها
و سمعتها باذني تقول ما راح تزوجني وقالتها بالفم المليان لوحده من الحريم
تحطمممممممممت وبكييييييييييييت ونفسيتي ما يعلمها الا فاطر السماوات والارض

اااااااااه يا ربي ااااااااااااهـ
امي رفضت واخوي يقول مهما وصل عمري ما يهمه
خلاص ربي كاتب لي انه اهلي يرفضون ورضيت بقضاء الله وقدره
لو حياتي مع اهلي زينه كان قلت اعنس ببيت اهلي عادي بس الشكوى لله بس
يارب يجي يوم واقول لكم باقي على زواجي —-> كذا يوم
ياااارب ياااااارب

استغفر الله يا ربي
يا رب زوجني الزوج الصالح انا وكل بنات هالقسم و بنات المسلمين يا رب العالمين من غير شر
😡

الله يسامحك يا امي عدد خطوات رجليك
الله يسامحكم يا اهلي عدد ما بكيت