رواية قصيرة (( خليني انسى )) … من اعدادي حصريا

حبيت اكتب قصة بلغتنا قصة بتحكي عن واقعنا تجسد الحياة البحرينيه القديمه و الحديثه..

————————————————–

في مجمع السيف

….: فطمووه تعالي بشتري ليي هالبنطلون الضيق
فاطمة : وجععع انشاء الله الحين بجي
….: لا لا لا تعالي بسرعه
فاطمه : سارو انتظري شوي
سارة : انزين انزين خلاص
طلعت سارة برى المحل ، و تشوف شله صبيان واحد منهم قرب شوي من سارة و فلت عليها الكرد ماله .
سارة اخذت الكارد و قصصته نتفه نتفه قدام عيونه . مشت الشله و هم يطنزون على لصبي …
طلعت فاطمة : هيييي تعالي ويش تمبين ؟
سارة ناسيه الدنيا .. فاطمه: سيارة وييييين رحتين؟
سارة انتبهت : و عمى يعميش ويش تبغين؟
فاطمه : آمين ، ويش كنتي تبين ذبحتيني
سارة : امبي البنطلون الجينز
فاطمه : اوكي يلا تعالي
سارة : اوكي
اشترت سارة البنطلون و مشوا البيت
….

في البيت

….

أم فاطمة : وينة راحوا البنات ؟
محمد: بتصل ليهم اشوف !!
اتصل محمد على سارة
محمد: هلو سارونة وينة انتون ..
سارة: في الطريق
محمد: اوكي لا تتاخرون امي عورت راسي
سارة: اوكي

….

دخلوا البنات و ايدهم full من الاكياس
أم فاطمة : و أخيرا شرفتوا
فاطمة و سارة : هاااي ماذر
محمد: أحم أحم
فاطمه : هاي براذر!
سارة: هلا بيك خوك
محمد : سارو شايفتني واحد من ربعش الهبلان
سارة : هاهاهاهاي
محمد: استغفر الله
ركبوا الغرفة و شافوا خواتهم التوؤم هدى و منى عمرهم 16 يحاوسون في العطور
فاطمة : هدى منى ويش اتسوون ؟
منى : انرشرش لينا من هالعطور
سارة: خير ويش صاير؟
هدى : ما دريتون زهرة امسوية عزيمة ..
فاطمة : من صدقش
منى: يس
سارة: عجل ذلفوا بنبدل ..
منى و هدى : اووووف
و طلععوا

..

اعرفكم على الشخصيات

سارة و فاطمة توؤم عمرهم 20 ثاني سنة جامعة شعرهم اشقر و بيضان بياض الثلج
منى و هدى توؤم عمرهم 16 في ثاني ثانوي علمي شعرهم اسود و بيضان بياض متوسط
محمد عنده توؤم اسمه أحمد متوفي ما يحب يتكلم عنه شخصيه مرحه و شفافه عمره 28 سنة شعره اسود
أم فاطمة أم حنونة بس متحكمه واجد و ما ترضى على ولادها
أبو فاطمة أبو غير مكترث بولاده عنده مرة ثانية اسمها نورة و عنده منها ولد اسمه عبد الله عمره 13 سنة
…

تصنيف الغرف

فاطمة و سارة في غرفة
منى و هدى في غرفة
محمد في غرفة بروحه
و أم فاطمة في غرفة

….

اتمنى عجبتكم عشان اكمل هذي كانت بس مقدمة للقصة ..
و أي كلمة ما فهمتوها قولوا لي عشان اعلمكم معناها