عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اجمل حلم تعيشه كل انثى فينا هو حلم الزواااااااااااااج بس اذا تحول هالحلم لكابوس زي
ماصار لبطلة روايتي ((فهده)) وش بيصير فيكم……
بليز بنات عيشوا احذاث هالبنت وقولي وش كنتوا بتسووون لو كنتوا مكانها….
رواية حقيقيه صارت من سنتين وفي منظقة الرياض…
فهده:عمرها 21 متوسطة الجمال وعنيده بس قلبها ابيض من الثلج..
فهده:الجازي قلبي يضرب بسرعه ماني مصدقه اني اخيرآ باعرس
الجازي:اقرب صديقه لفهده جميلة مرررررره ورسامه
الجازي:لا صدقي بتعرسين يالله تجهزي مابقى شي والمعرس بيجي
ام فهده:فهده ماخلصتك الكوفيره يالله حبيبتي خلصي المعرس قرب بيجي
فهده:كانت مرره مرتبكه ويديها ترتعش من الخوووف>>>شعور عاااادي يصيب كل بنت بتتتزوج
الكل يزغرد ويرقص في زفة فهده…
انوير:بسم لله على فهده شوفيها يارفعه
انوير:بنت عم فهده وثاني صديقه لها واميه ماتقرا ولاتكتب
رفعه:وهي تمسح دموعها الله لايضرها ويوفقها
رفعه:بنت جارة فهده وصديقتها بالجامعه
فهده:اللهم ثبتني >>>كلمة ترددها بقلبها
سلطانه:بنات تغطن المعرس قرب يجي
فهده:زادت نبضات قلبها اول مررره تشوفه ماعمرها في حياتها شافته
عبدالله:زوج فهده وعمره 37 محامي ومتغطرس ووسيم واسمر وكان يحب بنت عمه نوف بس الله ماكتب تكون له…
دخل عبدالله بتافف على العروس ولاباسها وجلس يمها….
الجازي:انوير شفتي اللي شفته
انوير:استغفرالله امحق معرس جا جمب عروسه ولاسلم عليها
رفعه:بنات شوفن وجهه بدا يصير الوان قولي مغصوووووب
الجازي:الله يكووون بعون فهده
فهده:حست بنار تحرقها (هذا مو طبيعي الله يفشله احرجني قدام العالم ماسلم علي ولا شوفي كيف
يتافف يارب تكفى لاتفشلني قدام الناس)
ام عبدالله:تحاول تزين الوضع(عبدالله ولدي قوم بوس جبهة زوجتك شكلك نسيت
عبدالله:ولا كانهو سامع شي
فهده:تمنت ان الارض تنشق وتبلعها
المصورة:حبيبتي فهده قربي يم زوجك وش فيكم متباعدين
عبدالله:اقول بلاقلة حياء وش قربي يمه خلصوني بسرعه انا طالع
فهده:حاولت تمسك نفسها ماتصيح قدام الملا
الجازي:جعلك المرض اللي يخم قلبك وش ذا الحكي
انوير:وجع اسكتي ماله داعي تسمعين العالم
رفعه:تبكي الله يصبر فهده على اللي جايها
ام فهده:ام عبدالله ولدك وش فيه؟
ام عبدالله:يام فهده مادري وش فيه لايكوون عين وجات ولدي>>>ترقع الموضوع
ام فهده:لاحول الله خلاص خلينا نطلع البنت لزوجها برا
فهده:يمه مابيه
ام فهده:يابنتي لاتفضحينا قدام العالم وانا امك العالم تطالعنا اطلعي برا
فهده:تحبس دموعها (ماهو كفو لي هالشايب اكرهه ليش يسوي فيني كذا
طلعت فهده وركبت السياره مع زوجها…………………
عبدالله:ولاكأن احد جمبه يتصل بجواله على اخوياه
فهده:تبكي بالم >>>لصعب الدموع اللي تجي بسكاااااااااااااااااااااااااااااااات
ظلوا على هذا الوضع حتى وصلوا للاوتيل……………….
دخلت فهده الجناح ودخلت دورة المياه……………(شغلت موية الحنفيه وجلست تبكي حتى سااااح
المكياج وغسلت وجههها من الماكياج ولبست بيجامه…….
عبدالله:وش هالحظ المخيس ذلحين انا متزوج هالشينه ياويل قلبي وش جاب اللي جاب ليت نوف مكانها
فهده:انا كيف اطلع ذلحين يارب تكفى ساعدني والله العظيم اني ماستاهل وش في حظي قااعد
عبدالله:ذلحين هذي لها فتره وهي بالتواليت لايكوون صار فيها شي وابتلش فيها…
فام عبدالله يضرب باب الحمام بقووه:يااااااااااااهوووه لايكووون نمتوا بالتواليت
فهده:سافهته(بارفع ضغطه ماراح اطلع الا بعد ربع ساعه)
عبدالله:لا وتعرف تسفهه بعد من زين الوجه والاخلاق بعد ضرب الباب مررره ثانيه بقوووه
فهده:فتحت الباب وتطالعه من فووق لتحت
عبدالله:لا وتناظر بتكبر بعد
فهده:اسمع ياابن الناس انا ساكته مو عشان وجهك ساكته حشمه لاهلي ولاهلك يكفي ماجاني منك
عبدالله يقرب منها مرررررررررررررره:يمه خوفتيني تعالي اضربيني احسن اقول يالشينه احمدي ربك
وقومي صلي ركعتين اني تزوجتك
فهده:ماقدرت تحبس دموعها بكت بحرررررررراره بكت بالم بكت على حظها الشين اللي رماها بيد ماترحم
عبدالله:هيه انتي اذا معك نقص ثقه بنفسك روح لدكتور نفسي يعالج هالخلل تراني مااحب احد يبكي
قدامي كل دقيقه ولاتظنين اني بارحمك اذا بكيتي طيب يابابا…
فهده:تطالع فيه بتعجب(معقوله انت زوج استغفرالله لاوالله عدووو هذي اول ليلة لنا وكذا تقول اجل
بعدين وش يصير؟
عبدالله:ماانتي نجبوره الباب مفتوووح يالله ضفي
فهده:مصدوووومه لا مااصدق هذا كاااابوس انا عارفه ان هذا كاابوس استحالة تكوون ليلية زواجي كذا
ليلة زواجي اللي حلمت بها مع شخص حنوووون وشارريني>>>مسكينه اي بنت فينا تنصدم بليلة
زواجها ان زوجها مااعجبته وماحبها ولاالتفتت لها
عبدالله:المهم اذا خلص هالسيناريو بتاعك ناديني
فهده:راحت لفراشها بدوون وعي وتغطت بالغطاء وجلست تبكي وتكتم صراخها
عبدالله:توجة لغرفة الجلوووس يتابع فيلم اجنبي
ماحست فهده الا وهي صاحية الصبح التفتت تشووف وينها فيه او تتمنى ان اللي كان امس كابوس
وانتهى بس انصدمت لما شافت عبدالله قدامها..
عبدالله:اخيرآ صحيتي مابغيتي تقوومين يالله خلصينا طائرتنا بتمشي بعد اربع ساعات
فهده:ومن قالك اني باسافر معك
عبدالله:بالله لا لا تكفين ساااااااااااااافري باممموووت اذا ماسافرتي معي بالطقاق فيك تبيني اوصلك
لبيت اهلك..
فهده:ياليته ابرك الساعات
عبدالله:يالله تجهزي دقايق واوصلك
فهده:تبكي وياليت الدموووع تفيد تصرررررررخ بقلبها وش باااااااااقي يادنيا كل سنه وانتي مكدره علي
اتصلت فهده على امها وقالت لها كل شي…………..
ام فهده:تالمت على بنتها بس لازم انها تصبر بنتها لانها خايفه من حكي الناس وش بيقولووون في
بنتها اذا تطلقت في صباحية عرسها(فهده يابنيتي لازم تصبرين هذا ذلحين زووجك ويمكن اللي فيه
عين جايتكم وترى الرجال كلهم كذاا قااسين وشديدين
فهده:بس يايمه مو في اول ليلة زواجي لا واللي ذبحني يايمه اللي سواه في زفتي قدام العالم
ام فهده:تحااااااول تصبر بنتها عااادي وانا امك ماصار شي
فهده:يمه وش عاااااااااااادي كرامتي تنداس وعاادي عندك
ام فهده:فهده بلادلع واذا ماصبرتي على زوجك قلبي غضبان عليك
فهده:المها كلام امها .>>اكثر مايجرح اذا كل العالم جات ضدك
اقتنعت فهده بكلام امها غصب …………..
عبدالله:هاه تجهزتي
فهده:ايه يالله متى بنمشي للمطار
عبدالله:للمطار……..
فهده:ايه للمطار ماراح نسااافر
عبدالله(يقول بداخله ايه انتوا كذا يالبنات ماتمشووون الا بالعين الحمرا)يالله خلصينا……..
توجهوا للمطار …………..
ابي اراكم بنات وش تتوقعوون يصير وابي كل وحده تحط مكانها مكان فهده وش بتسوي؟
