رقم غريب يتصل علي …………..؟؟ ازعجتني اتصالاته

السلام عليكم ورحمة الله وبركاته

بنات اريدكم تستفيدون من تجربتي .. وإلي عندها نصيحة تتفضل تطرحها

أنا طالبة جامعية مثل ما قلت لكم قبل … المهم ندخل على طول فالموضوع

الله يسلمكم أنا أمس كان عندي بريك من 12 الظهر لين 2 المهم أنا دائم اروح المسجد واجلس اقرا قرآن وأصلي الظهر .. وأنا من النوع الي دايم يحط موبايله صامت وفي الشنطه ما احب امسكه بيدي .. المهم الساعة 12 ونص دق رقم علي ( غريب ) ثلاث مرات وبعدين طرش مسج .. المهم انا ما شفت الموبايل إلا الساعة 1 وربع .. المسج يقول ( أنا أعرف انج ما تردين على الارقام الغريبة بس أنا أعرفج ) .. يوم قريت المسج قلت أكيد وحده من صديقاتي غيرت رقم موبايلها وجايه تسوي معاي مقلب .. المهم أنا رديت وطرشت مسج ( منو ؟ ) المهم ما رد علي بس على الساعة 2 ونص دق مرتين بس أنا كانت علي محاضرة والموبايل فالشنطة .. وخلصت من الجامعة وسرت البيت .. ولما وصلت البيت طرشت مسج لصاحب الرقم .. ( أنا ما ارد على الارقام الغربيه ) .. بعدين طرشلي مسج .. أنا رديت عليه ( ارجاء عدم الازعاج ) .. ومن امس وهو يطرش مسجات ولما جاء وقت المغرب طرش مسج يقول ( أختي سامحيني يمكن أنا غلطان .. هاه سامحتيني ردي علي ) .. المهم أنا ما رديت وجلس كل شوي يدق علي وأنا أغلق الخط بوجهه .. وبعدين طرش لي مسج ( أنا ما راح اتصل عليج بس أنتي قبل مسامحتني وإلا لا ؟؟ )) .. المهم ما رديت عليه ابدا لين هذي اللحظة وكل الليل وهو يدق علي تقريبا 7 مرات دق علي هذا فالليل بس .. المهم انا اليوم صحيت من النوم الساعة 4 .. عشان اصلي القيام .. لما شفت المكالمات .. صرت ارتجف من الخوف وأنا أصلي وادعي وابكي .. المهم بعد ما خلصت صلاة القيام والفجر .. رجعت غرفتي واشوف موبايلي دق مرتين وارسل لي رساله وسائط ( صورته ) .. ساعتها ما قدرت اتحمل .. رحت عند أخوي الكبير وقلت له الموضوع كامل .. قال لي أخوي .. أنتي الحين روحي الجامعة ولما تجين أنا راح اتصرف معه بس انتي لا تردي على اتصالاتها ابد .. المهم الحين أنا غالقة الموبايل ..

وإن شاء الله راح اغير رقم موبايلي ..

وإن شاء الله راح أقول لكم بقية تجربتي … بعد ما احل المشكلة

\

بنات لو كنتوا في مكاني شو راح تتصرفون ؟؟

انا الحين طالبة جامعية وإن شاء الله راح اصير محامية ..

تعرفون لو كنت محامية الحين .. كان رفعت عليه قضية وفضحته قدام الناس .. لان بنات الناس مب لعبه ..