دكتورة نسرين في السعودي الالماني

بنات نصيحة ابعدوا عن هذي الدكتورة تراها جدا سيئة

ودائما مواعيدها زحمة لانها ما تشتغل صباح ومساء زي باقي الدكاترة

واذا جاتك الولادة في وقت هيا ماعندها فيه ولادة قيصرية ما تجيكي

اسالوا مجرب

والان اللي خلاني انزل الموضوع اختي الله يسهل عليها قاعدة تولد والدكتورة مو راضيه تجي

وتقول الممرضة (( كلاس في دكتورة كتير هنا اي وحدة تسوي ولادة ))

طبعا نسرين نايمة الان في بيتها واختي قاعدة تتعذب في المستشفى الله لا يوفقها دنيا واخرة

بالله يابنات ادعو ان الله يسهلها ولادتها

اختي اللي معها في المستشفى حكتني باللي صاير وتقول انهم تاركينها لوحدها في الغرفة الين فتحت 5 سم
ودخلوها ولاده حسبي الله عليهم

ويالله ابر طلق اصطناعي هذي ثاني مره يحطولها

والله لعبوا فيها لعب

اما بالنسبة ليا قبل 3 اشهر واسبوعين ولدت عندها وكان موعدي اولد قيصري الساعه 9 الصباح

وتخيلوا كل ما نقولهم متى الولادة يقولوا انتظروا الدكتورة مشغولة
وانا بموت من الجوع وعطشانه ما اكلت من الساع 12 بالليل

وما ولدوني غير الساعه 4 ونص العصر

واول مافقت من البنج
قمت على وجع في غرفة الافاقه على وجع ورجعت نمت ما ادري كيف

مع العلم اني قد ولدت في سليمان فقيه وما جاني وجع اول ما قمت حسيت بالوجع وقت ما وقت اول مره ولما اكح بس

المهم ودوني على غرفتي ورجعت فقت وانا اصيح من الوجع حتى بنتي انفجعت كانت بتجي تبوسني صرت ادفها من الوجع اللي في بطني وما ادري كيف رجعت نمت
والله اني اتعذبت عذاب في هذي المستشفى

لا وايش كمان لما خلاص فقت جاني وجع في بطني قلت لزوجي ابغى مسكن جاتني الممرضة واعطتني ابرة في فخذي اليمين والله يابنات اقسم بالله اني الى الان كل ما ابذل مجهود او كل ما امشي كثير يجيني وجع في رجلي احس انه بتنشل ما اقدر اوقف عليها اللين ما اقعد واريح ولما اضغط على مكانها احس بوجع

المهم الحين بالله يابنات دعواتكم لاختي

وانا حذرتها لكنها غبيه ما سمعت الكلام قريت ان خياطتها حلوة وراحت لها
شوفوا الحين بتولدها وحده ثانية

ايوه نسيت
ترى في وحده ثانية من جماعه زوجي صار معاها نفس اللي صار مع اختي وما جاتها الدكتورة نسرين وولدتها دكتورة ثانية

ادري اني طولت عليكم لكن والله من اللي شفته قاعدة انصحكم ولاني احب لكم ما احبة لنفسي

روى الإمام أحمد عن يزيد القشيري أن رسول الله صلى الله عليه وسلم قال: “أتحب الجنة؟ قال: نعم. قال: فأحب لأخيك ما تحب لنفسك”.