خطبني شاب .. وخايفة من هالنقطة

يا بنات انا محتارة حيل

تقدم لي اخو زوج اختي وهو شاب صغير اكبر مني بكم شهر بس ( عجبتني هالنقطة ) .. متدين وخلوق وعنده شركة خاصة فيه وبشريكه وسلسلة مشاريع ومطاعم .. يعني الله منعم عليه والحمدلله

النقطة الوحيدة اللي متردده فيها هو انه غير متعلم ( معاه الابتدائية بس )

وانا يا بنات وحدة احب العلم والدراسة ومثقفة وجامعية وموظفة اكاديمية .. أنا ما يهمني يكون زوجي متعلم وما انظر الى الفروق العلمية بيننا .. ولكن الشي المهم عندي هي الثقافة .. والتفكير العقلاني .. يعني ما احب يكون الشخص اللي قدامي جاهل تماما بأمور الحياه ولو كانت معاه 100 شهادة .. المهم عندي التفاهم والثقافة الحياتيه والتفكير المتحضر

الشاب هذا انا ما جلست معاه ولا تكلمت معاه ولا شفته ولا شافني وهو شاريني وهو مغمض

وعاداتنا وتقاليدنا ما تسمح للبنت تكلم الشاب او تشوفه او يشوفها قبل الملكة .. وانا استحي اسأل اختي عن هذي التفاصيل وما اظن انها تعرف شي عن شخصيته وثقافته وتفكيره شي

غير كذا هو اخو زوج اختي وصعب مرة اني ارفض

وللمعلوميه .. اختي جامعية وزوج اختي معاه الثانوية ولكنه موظف كبير في شركة كبيرة .. وما شاء الله عليه مثقف وواعي .. اختي مرتاحه معاه ولله الحمد