خالتي دايما تجرحني لكن هالمره غير …!

بنات والله اني متضايقة من خالتي اصغر من امي بسنه او سنتين لكن امي متزوجه وهي صغيره

وخالتي تزوجت وهي كبيره عشان كذا عيالها اصغر مني

اكبر عيالها اصغر مني بـ 6 سنوات

صدقوني ماكتبت لكم اللي بقلبي الا لما طفح الكيل فيني وحاسه ودي افضفض

من جد انقهر من خالتي كثير بسبب معاملتها وكلامها علي انا والله اني احترمها

وافوت عليها كلامها ولا اشيل بخاطري لكن المره مقدرت استحمل

تصدقوون تقول لبناتها لاتقولون اسمها تقصدني انا تقول قولو لها خالتي لانها كبر خالتكم

ولما خلصت دراستي وكنا مجتمعين قالت امي بحسن نيه الحمدلله بنتي خلصت وراح تدرس

لغه عاد هي ردت على امي وقالت

وهي تضحك من يوم ماعرفت بنتك وهي تدرس مدري متى تخلص

اشياء كثيره قالتها لي قدام الناس بس تبي تحرجني وتفشلني

اخر موقف

زواج بنتها

تخيلوو بنتها اصغر مني بـ 12 سنه انخطبت وتملكت وامي الوحيده من بين اخوانها وخواتها

وقرايبها ماتدري ليه خايفه على بنتها مني ليه بنتها تملك وانا لا

وانا والله اني لفرح لها وماني من النوع اللي يحسد بلعكس احسها مثل اختي

لدرجه ان خوالي لما عرفوو ان امي ماعرفت جو عندنا وقالو لامي انتي جاهزه للملكه

قالت امي اي ملكه قالو ملكه بنت اختك تخيلوو الموقف انتم

امي صراحه انصدمت صارت ماترتب كلامها من الصدمه رديت عليهم بنايبه عن امي وقلت

والله احنا ماندري عن شئ تونا عرفنا الحين منكم انها تبي تملك

امي ردت عليهم وقالت لو انها تبغاني احظر كان عزمتني او اقل تقدير قالت لي مو ادري

وقت الملكه

امي ضاق صدرها بسبب خالتي

تصدقون الى يومكم هذا خالتي مادقت على امي

لاتعتذر عن الموقف ولا تعزمها على زواج بنتها مع ان الملكه

راح عليها اكثر من شهرين

لما هدت امي قلت لها تراه فيه ناس يخافون حتى من خواتهم اذا كانت صغيره تزوجت قبل الكبيره

تخاف من اختها الكبيره تحسدها او تعطيها عين

فما بالك من خوف خالتي على بنتها مني انا

قلت لامي تراه خالتي خايفه مني انا مو منك يا امي لاتضايقين نفسك

لاتعتبرين شئ صار واعتبري نفسك من الناس البعاد مو اختها