خادمه أثيوبيه للتنازل

السلام عليكم عندي خادمه للتنازل أثيوبيه مسلمه لها 8شهور ولها الرغبه بالجلوس 3 سنين
لم يسبق لها العمل مقبولة الشكل عمرها تقريبآ 25 سنه
سبب التازل وبكل أمانه أنا ماخذتها نقل كفاله وكان السبب إنهم ماناسبت أطفالهم لأنهم أشقياء على كلامهم ويبون فلبينيه
المهم أنا كنت ماخذتها للوالده لأنها تعبانه ولاتقوى على الشغل أهلي كانو ساكنين بدور ولما جت كانت عسل وشغلها حلو ومرتب وسريعه وماكان عندهم معها أي مشكله وبصراحه عيالنا حبوها وولد أختي يحبها وهي تحبه حتى أختي إذا طلعت تخلي ولدها عند الشغاله وتقوم فيه يعني ماشفنا منها أي مشاكل من ناحية الأطفال
لكن أهلي نقلو لفيلا مشاء الله وزاد عليها الشغل تعرفون دورين وإخواني وخواتي مشاءالله فصارت ماتلحق على الشغل وماتخلصه وأمي مافيها حيل تتابع لأنها أصيبت بجلطه لما سكنا بالبيت فصارت تتعب مررره وماتقدر تتابعها وأمي حاره ماتتحمل تشوف البيت ماخلص شغله
وصبرت عليها ومافي فايده ولما سألناها قالت إن البيت كبير عليها وماتقدر عليه وبصراحه شغل أهلي كثيييير ومتعب يبيله وحده متعوده على البيوت الكبيره
وهي تعودت على بيت صغير
فقالت أمي تبي تتنازل عنها بس يكون بيت صغير تناسب العائله الصغيره وهذا كل أللي عندي قلته لكم ولاأحلل تراسلني غير الجاده لأني تعبانه ومشغوله الله يجزاكم خير وأي إستفسار أنا حاضره
التنازل بعشر ألاف بدون النقل طبعآ النقل ب4ألاف لأنها المره الثانيه
يعني المجموع 14 ألف