عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
قبل اي شي اشكر المشرفات ومفسرات الرؤى في المنتدى
والله يعطيكم على قد نيتكم الطيبة ولايحرمكم الثواب
حلمت إني نزلت السوق ابغا اشتري خواتم ذهب
ومعي بنت عمي
واخترت خاتم ولبسته وما عجبني لأنه كان خفيف مره ومافيه اي دق او فصوص
قمت ورجعته
واختارت لي بنت عمي خاتم ثاني مره كان حلو وثقيل ومفصفص واعجبني
علما بأن مو اول مره احلم بالذهب بنفس الاسبوع
حلمت اني ابغا اتزوج وماعندي ذهب
ودقيت على صديقتي تجيب لي ذهب
فجابت لي من من عند خالها
وبنفس الوقت عمي الكبير جاب لي ذهب بس فالصو يقول ماعندي اصلي اساعدكم فيه
وانااقول لأهلي انتبهوا لا يختلط الذهب الحقيقي بالفالصو
وجاءابوي ومعه مسدس زي مسدس الغراء
بس ما ينزل غرا
ينزل سبايك ذهب صغيرة ومتلاصقة
على فكرة
أنا عزباء
وتخرجت من الثانوية السنة هاذي
وسجلت في الجامعة وتم قبولي مبدأيا
وبنت عمي اللي بالحلم الاول اخوها خطبني
بس انا رفضت
ووقت الحلم ما اذكره
لأننا بالاجازه نومنا ملخبط
وما اذكر متى انام ومتى اصحا
انا دايم ادعي ربي بدعاء من قبل اكثر من سنه انه يحقق اللي ببالي
إن شاءالله انه الفرج واللي بالبال
ومن ناحية الالتزام الديني
انا عادية
