حلمت اني قتلت امي ارجوك ابي تفسير

كيف حالك ياغاليه وايش اخبارك

اختي الكريمه

انا عمري 27 وشهرين متزوجه وماعندي اطفال مسلمه وحالتي عاديه

ربة منزل وقبل لا انام كنت في حاله عاديه

الحلم…

حلمت اني قتلت امي بسمدس ودفنتها بملابسها في مكان غير المقبره تحت الشباك حق غرفتي
وصرت ابكي واصارخ ابي اشوفها وهذا كان في النهار ورحت اقول لاختي ابي اشوف امي انا بروح احفر مكانها واطلعها قالت لي انتي مجنونه ماراح تشوفين الا عظام
وفي الليل عديت انا وزوجي من المكان اللي دفنتها فيه الا اشوف رجال حافر المكان كله داير مادار ومطلع امي منه بس النص اللي فوق من جسمها وكانت على حالتها وعيونه مفتحه قمت اصارخ وابكي قام زوجي سحبها بالكامل وطلعها وحطها في زاوية المكان قلت له ابغى احضن امي الله يخليك وانا كنت خايفه اقرب منها
لان شكلها تغير بعد ما سحبها زوجي شبه جالسه وصار في وجهها وجسمها تعطفات غريبه

قام زوجي اخذ الذهب حقها وهو عباره عن سلسال فيه قلب واعطاني هو وقال هذي سلسلتها قام الرجال يصرخ ويقول لا هي كانت عندها كثير وانا حسيتهم واعرفهم كلهم بس لما نبشت الحفره مالقيت الا السلسال
للمعلوميه باقي الذهب انا اخذته منها لما قتلتها ودفنتها
المهم امي خرجت من المكان اللي احنا فيه وقالت ابي اشوف اولادي قمت اناديها امي يايمه امي يايمه
ولكنها ماردت علي قلت لزوجي وديني عندها وخرجنا انا وهو من هذا المكان وراها بس انها اختفت
الحلم احداثه كثيره بس هذا الجزء اللي افتكره وابي تفسير لها
واحب اضيف نقطه اخرى

ان اخوي مات في الحلم في نفس الليله وبرضوا بالرصاص بس مو انا اللي قتلته

وصحيت من النوم وانا ابكي واتصلت في الوالده اتطمن عليها وعلى اخوي وانا ابكي
بس ماقلت لها عن الحلم

ارجوا ياغاليه الحلم اول مره احلم فيه ومفجع ومفزع
الله يخليك فسري لي هو الله ينور طريقك