من ابنها مصاب بالبرون بيلي سندروم

راح احاول اختصر الموضوع

واقول ان عندي ابن عمره اربع شهور يعاني من متلازمة برون بيلي (( ضمور في عضلات البطن))
وهالشي اثر على المسالك البوليه والكليتين وضخمهم 😈 وهالتضخمات اثر على بطنه وضخمه بزياده

واكتشفت هالشي يوم كنت حامل فقررو لي عمليه قيصريه ومن ولدته ماشفته ولا سمعت حتى صيحته وخبركم القيصريه مانقدر نمشي ونتحرك الا ثاني يوم

آنا ماقدرت اكمل اليوم قلت لهم بروح اشوفه ودوني بالويل جير مارضو قالو لي عالاقل قبل 24 ساعه بشوي انتظرت وآنا ابجي واحاتيه مع ان زوجي كان يطمني وقال ان بطنه مو متضخم وايد خفيف واهو حلو واينن

ورحت شفته بالعنايه واول ماشفته قلبي تقطع قطعه قطعه وآنا اشوفه بهالحاله

على السرير وعليه جهاز التنفس وموصل بأسلاك وكان بالمنطقه الخطره وكان يطالعني ويبجي بدون صوت

آنا ذيك الحزه انهرت

وكانو يقولون لي ولدج ماراح يكمل ثلاث ايام (( اسم الله عليه ))

بعد ماتحسنت حالته والحمدلله نقلوه بقسم الحالات المستقره وشخصو مرضه ( برون بيلي سندروم) وعملو له فتحه بمنطفة المثانه عشان اسحب الابوال بعد كل كم ساعه

الحين الحمدلله ولدي كبر وصل عمر الاربع شهور

لكن للاسف الأطباء اهني مو مسوين له اي شي

ودكتورة الكليه ماتدري عنه وموعده معاها بعيد جدا (( السنه اليايه))

ابي اعالجه بالخارج بس الدكتوره مو راضيه تكتب التقرير

الحين سؤالي لكم

في احد منكم ولده او احد من عيلته عنده هالمتلازمه؟؟؟

وشنو حالته الحين؟؟؟

وشنو سوو له؟؟؟

وكم وصل شغل الكليه عنده؟؟؟

وكيف علاجه تم.؟؟؟؟

وآخر شي هل الحين حالته تحسنت بوايد وعند أي دكتور اتابعين عنده بالكليه وتنصحوني بأي مستشفى خاص بالسعوديه يهتم بهذي الحالات للعلم بأني من البحرين؟؟؟