حــــامل ولكن ؟؟!!

كيفكم حبوبات؟؟

بدخل بالموضوع دايركت ..

يابنات أنا كانت دورتي مرررره ملخبطه وعندي تكيس وكنت أخذ الكلوفاج وحبوب تنظيم الدوره اخذتها 5 شهور والدوره برضو ملخبطه

المهم رحت يوم 23 الحج للدايه أم شاهر وقالتلي عندك نزول بالرحم وتكيس وبطانة الرحم سميكه ومرختني واعطتني ادويه وبعدين جاتني الدوره يوم 23 محرم طبعا أول مره تجيني كذا منتظمه وبعدها ماجاتني الدوره وسويت تحليل منزلي يوم 26 صفر طلعلي مافي حمل

ورحنا المدينه واحنا راجعين مرضت ورحت المستوصف وكان عندي إلتهاب شديد واعطاني الدكتور ابر مضاد لمدة 3 أيام وبعدها كتبلي اوقومنتين ورابيدوس خلصنا صفر ومافي دوره وبعدين سويت تحليل مره ثانيه بعد العشاء وطلع في حمل واستغربت وسويت في الفجر مافي حمل بصراحه وقتها كنت مرررره خايفه

المهم العصر رحت للدكتوره وسويت تحليل دم وطلع حمل وسويت سونار قالتلي الدكتوره في كيس بس الجنين حجمهمو طبيعي صغييير مررره وورتني بس نقطه قالتلي لازم نسوي تحليل كمي وسويت كانت النتيجه 571 وبعدها بيومين سويت وكانت النتيجه 452 يعني نزل

قالت الدكتوره هذا حمل في طريقه للإسلاب قالتلي اجلسي اسبوع إذا مانزلت الدوره تعالي نسوي عملية تنظيف المهم أنا رحت كلمت أم شاهر وقلتلها على كل شي قالتلي لاتسوين عملية تنظيف واعطتني طرق واعشاب تنزل الدوره واخذتها يومين ثالث يوم نزل دم الحمد لله

واعطتني الدكتوره مضاد قالت عشان ينظف اكثر المهم الحين لي سابع يوم والدوره باقي تنزل

مين صار لها كذا سقطت وحملت بسرعه ؟؟