حاله غريبه وتعب نفسي

بدخل بالموضوع على طول واتمنى عدم التجريح لاني ماكتبت هالموضوع الا ودي بمساعدتكم ونصايحكم

انا فتاة خريجه باذن الله على قدر من الجمال ولله الحمد عمري 23 ومحافظه وشخصيتي جديه جدا ولكن ضعفت للاسف وتعرفت على شاب من منطفه اخرى عن طريق البلاك بيري ومن نفس قبيلتي وانا ادري هالشي خطا ولكن انا للاسف بنت لام واب منفصلين يعني اكثر عرضه من غيري للضعف ومريت فتره دايما خايفه ووووو الي اخره

المهم هذا شاب مع مرور الايام قررنا مصارحه بعض وبكل جديه وامانه فسالني عن سبب عدم فتح موضوع الزواج وقال لي انا مستغرب كل الفتيات يفتحن هذا الموضوع طبعا انا من باب الخجل لم افتح معه الموضوع فقال لي اتمنى ان تكونين فعلا زوجه لي وكل يوم والثاني يدعي بان الله يوفقنا ولكن نبهني لنقطه قال سواجهه صعوبه لان امي ترفض وبشده الزواج الي يكون من اختيارهم الخاص يعني لازم هي الي تختار لهم وقلت له يعني مافي امل؟؟ يعني مثل ماتقولون جبتها من الاخير فرد لا ان شالله انا بسعى وبحاول ولو اصرت على رايها اوعدك ما اخذ غيرك وبتشوفين وبعد فتره فاتح امه بالموضوع وازعلت عليه وهالشي كان بعدم علمي ماحب يخبرني على حسب قوله بس اعترف لما قال انا رايح اسلم على امي بتروح العمره وهي زعلانه قلت له ليش قال كذا كذا الموضوع

المهم من بعد هالكلام بديت اعيش بتوتر نفسي بديت اشك هل هو صادق ام لا؟ هل هي كذبه وبديت اشك فيه بشكل كبير مع اني للامانه ماشفت عليه شي بس بديت انزعج من اهتمامه الزايد بمظهره وتتعديله لصوره الشخصيه وصار خلاف بالفتره الاخيره وانفصلنا لكن انا ماتحملت البعد ولا هوو رجع واعتذر

بديت احاسب نفسي اقول ليش فيني الشك لهدرجه يعني في امور تثبت لي انه صادق معاي وقمت اقول هل هي الظروف الي كنت اشوفها مابين امي وابوي وانفصالهم ؟

من جد تعبااانه والله دايما ادعي في سجودي ان الله يريح قلبي لاني عايشه بصراع نفسي معرف شو ابغى وشو فيني وهل انا على صواب والله حالتي صعبه ومالها اسم