حاله اول مره اسمع بها بحياتي وجتني ! ساعدوني الله لا يحرمكم غالي

انا طول عمري ساكته وما شكيت ولي سنه ونص على ذا الحال ومن صارت السالفه ولا بينت ضعفي

بس الحين تعبت والله تعبت 😡

ممكن تكون قصتي غريبه شوي المهم ما اطول بس تكفون اقرأوها للآخير البعض يقول مشاكل صحبات وكلام فاضي بس والله انا الحين متزوجه ولسه اعاني لأنها سببت لي عقده وفوبيا من الناس ..!!

انا كنت ادرس بالجامعه وتعرفت على شلة بنات نصهم من ايام الثانوي ونصهم من الجامعه
كنا اول شي انا وصحباتي اللي بالثانوي ترم كام زي السمن على العسل بعدين انضموا معانا بنات من الجامعه
صرنا اشهر قروب في الجامعة من حيث الشطاره والكشخه والحركات والتقليعات يعني احيان نتفق كلنا نسوي شعورنا اثنين ونحط ارواج فوشي 😛
واذا جات وحده فينا الدوره الشهريه تحط مناكير احمرر 😳
ونطقم باللبس
غير الواجبات نطلع من الكلاس ونحلها على طول حتى لو كان واجب فردي عشان نتعاون وكنا مثال الادب والكل يشهد لنا حتى الاستاذات يعرفونا عز المعرفه

حتى المكالمات اذا وحده مرت بضيق لازم نساعدها واذا وحده بكت كلنا تقوم قيامتنا
والله يا بنات كنا اكثر من الاخوات حبيتهم من قلبي كلهم (لا يروح بالكم بعيد مو اعجاب كانت اخوه)
وكنا نذكر بعض بالصلاه والوتر ……

المهم حصلت الانقلابه فجأه

كل فتره تجي لوحده مننا حاله وتمسكها فتره وتنتقل للثانيه الي هي انسداد الشهيه بالمره واللوعه والاستفراغ الله يكرمكم وتستمر الحاله هذي مع البنت شهر وازود وبكاء مفاجئ وكوابيييييس حدثوا ولا حرج

وحده من البنات يجيها حاله تصير تتنافض قدامنا وركبها تصك ببعض وما ندري وش السبب
والثانيه بنص المحاضره تروح الحمام تستفرغ
والثالثه تهاوش الرابعه وما نفكهم الا بعد ما تتفاقم المشكله صار بين الشله ذنب عظيم ما كان بيننا الا وهو الغيبه >> بس مو بيدنا صابنا كره مفاجئ لبعضنا .
المهم حلمت وحده فينا حلم وقلنا لازم نفسره وفسرناه قال الشيخ (انتم مجموعة بنات متميزات وصابتكم عين قويه يجب عليكم التحصين وعدم نقل الكلام وفيه وحده اخلاقها سيئه الله العالم منكم او من خارج المجموعه ابتعدوا عنها…..الخ)
اجتمعنا وناقشنا الموضوع وتعاهدنا على عدم الغيبه والنميمه وكل وحده تتحصن
والحاله مستمره ليييين جاء يوم ا((تفرقناااا )) كل وحده راحت لحالها

وانا لحالي …اذا رجعت البيت احن لهم واشتاق واذا شفتهم اتحاشاهم وما اقدر اطالع فيهم حتى ؟؟
كم مره حاولنا نرجع بس مافيه فايده يومين بالكثير ويرجع الوضع لسابق عهده بدون مشكله ولا شي بس كذا فجأه اكون في الصرفه معاهم سمن على عسل يجي صبح اليوم الثاني ولا وحده تناظر في الثانيه

انخطبت بهذي الفتره ..سويت ملكه الكل يحكي عنها وطلع لي طلعه الكل سكت يوم شافني اتفاجأوا فيني (ماشاء الله تبارك الله) والملكه كانت غصب عني كنت ابيها عائليه >>وتعبت بعد الملكه مره مع اني اتحصنت ذاك اليوم بس ايام انسى لتحصين وحضرتها وحده من البنات كانت لي اختي ذاك اليوم ورقصتنيورقصت معي وبكت يوم شافتني انزف

رجعت الدراسه ورجع الهم معها …وآآآآآآآآه يا بنات آآآآآآآآآآآه من قلبي اقولها وهو يتقطع

كانوا صحباتي يجون يزوروني في البيت وقهوه وحلا وفله وشيبسات وشاورما ووناسه ورقص واحيان اكون تعبانه اقول تعالوا وجيبوا قهوتكم واحيان يجون وانا بقميصي ما البس >>كان بينا اخوه ما يعلمها الا الله
ونتبادل اشرطة اناشيد ونتعاهد نترك الاغاني واذا وحده سمعت اغنيه تعترف لنا ونهاوشها ..

ورجعت علاقتي بثنتين فيهم كنا نتمشى بالساحه قالت وحده فيهم انا دايخه وتعبانه مسكتها بيدها عشان اوديها عالكرسي بدأت تثقل وتثققققل لين طاحت عالأرض وبدأت تجر شعرها وتصييييييييييح
الكل ابتعد عنها حتى بنات الشله كلها بعدوا
الا انا ومو مدحا بنفسي وياليتني ما قربت ولا قريت عليها المعوذات
زاد صياحها وانا اقرا
وصرت اجيب زمزم كل يوم الحاله هي تجيها وانا على نفس الحاله معاها والله ثم والله اني انزل شباصتي من راسي والم شعرها اذا جتها الحاله ما بي احد يشوف شعرها منكوش ويضحك عليها وامسك تنورتها عشان ما تنكشف لأني احبها
وعمرها ماقالت لنا فيها صرع ابدا من يوم عرفناها لنا سنه وما قالت لنا شي
صارت تكرهني بعد ما قرأت عليها تكرهني كره يا بنات وتأذيني بكل شي حتى صندلي الله يكرمكم تخبيه واروح البيت بدون جزمه

وابتني حاله غريبه اتنافض اذا شفتها او انذكرت لي سيرتها وثقل رجولي لين احس اني بطيح عالأرض ولازم احد يمسكني وبطني يمغصني وكوابيس اخر الليل بساس وقرود وصراصير واشياء تخوف

فتركتها واحتسبت كل اللي سويته لله

طبعا تزوجت وابتعدت عنهم وانقطعت علاقتي فيهم نهائيا ..
المشكله :
نفسي اكون صداقات جديده لي سنه وانا ما اعرف احد طول يومي فراااغ جوالي ماعاد فيه رسايل قطعت عن الناس كلهم فجأه ومو قادره اواجه احد صارت لي صدم من البشر كلهم والله يا بنات تعرفوا شعور الواحد لما يكون وحييييييييييييييد وحيييييد هذا اللي احسه
حتى ابعد ما اتزوجت جاراتي لهم شهور يتصلون على تلفون البيت وما ارد ويبغون يجون يزروني وانا ما ابغى
صرت اخاف من القرآن احيان واخاف اقعد لحالي واخاف من القصص اللي عن المس والعين