حادث اخوي!…

السلام عليكم ورحمة الله وبركاته …. بحكيكم موقف سارلي امس الصبح سبحان الله قبلها كنت فاتحه موضوع هنا واقول الحمدلله ماسارت لي احداث … بعدها بشوي ادق ع اخوي جواله مقفول بعدها بساعه دق علي قال كم رقم بطاقتك حق الصراف اعطيته الرقم وقعدنا نضحك مع بعض وقفل يوم دق علي انا قلت اكيد انو طلع من الاختبار عشان راح يختبر وشوي بيجي الموهم انا كنت انتظره يرجع يدق لانو ابيه يحولي فلوس ع حساب وحده من البنات وهو مايعرف الطريقه ويدق عشان اعلمو وكنت ساعتها اكلم وحده من البنات وقلتلها بقفل الحين اخوي بيرجع يدق تخيلو يابنات شوي والا هو داق يقولي سويت حادث انا هنا استغربت قعدت شوي وماجاء رجع دق علي قالي انا قلت لامي جاي واذا سالتك قولي لها جاي وهو يكذب لسى المرور ماجاء قلت لامتى اقعد اقولها جاي السالفه مطوله الموهم شوي ماقدرت اصبر دقت امي تقولو وينك قالها في الطريق قالتلو لامتى تاخرت انا هنا خفت يعرف اني علمتها والله علمتها من خوفي عليه الموهم جات الساعه 11 ونص تقريبآ قالي تو المرو جاء وانا رايح معهم طبعآ السالفه كبرت عشان صاحب الشاحنه الله لايوفقه يارب وجعله بسياره تشيله وتفتت لحمه شرد وورط اخوي الموهو راح المرور و السياره اللي دقها اخوي حقت شركه ومارضيت تتنازل تبي يصلحها ع حسابه الموهم ودقيت ع اخوي قالي الرجال راح يثمن سيارته ” يعني يشوف كم يكلف تصليحها ” انا قلتلو ليه ماتروح معو عشان ماينصب عليك قالي انا موقف ماقدر اروح معاه شوي ودق خالي ع امي قالها بس شغل اليد حق تصليح السياره 1700 قلنا الحمدلله جات ع كذا وبعدين اخوي جانا ع الساعه 4 ونص العصر انا كنت توي غافيه وصحيت مفجوعه لاني كنت مواصله من اليوم اللي قلبو تخيلو يابنات والله انو يطلع القزاز مكسر من شعرو ,,,, الموهم وشوي جانا خالي قال السياره يبيلها قطع وبيرجع الرجال يثمن القطع قلنا يارب تطلع هينه وشوي رجع خالي وقال تطلع السياره مع تصليحها 5600 انفجعت قلت مايكفي سياراتنا انسحبت ع التشليح خلاص ماعاد تنفع بريال وماعندنا غيرها وكمان تدفع للرجال الموهم امي ع طول عطت خالي الفلوس عشان لو مادفعت اخوي بيرجع يتوقف انا قلت خليه يقعد في التوقيف لو يوم عشان ثاني مره ينتبه للخط ومايلعب وهو يسوق انا كنت معصبه طبعآ امي مارضيت دفعتها ع طول الموهم خالي قال انا بروح اودي الفلوس وراح شوي دق قال يمكن صاحب السياره يتنازل او التامين اللي يصلح السياره قلنا يارب شوي رجع دق وقال الرجال ماتنازل يبي نصلح السياره الموهم اخذ الفلوس الرجال وراح يصلح سيارته اما اخوي بكل برود نساله عن الحادث ماعلمنا والحين الساعه 5 وربع الصبح اليوم الثاني وانا امي ماندري كيف سار الحادث والله حاله هو ينام واعصابه بارده وانا وامي محروقين ومقهورين صح الحمدلله هو ماسارله شي غير انو جسمو يعورو من قوة الضربه والله يابنات رحمه من ربي انو نجا تخيلو الحادث كان سبع سيارات وشاحنه انقلبت اصلآ امي تقولي الناس جات تجري ع سيارة اخوي يحسبونو مات لانو السياره راحت عجينه انا هنا انفجعت قلت الحمدلله ربي سلم اخوي وبنفس الوقت زعلانه ع سيارتنا ماعندنا غيرها تعرفون الواحد بدون سياره مايقدر يسوي شي لايروح ولايجي الموهم انا قعدت ابكي ع السياره واقول كلو من عيون الناس والله يابنات من يوم ماتوفى ابوي الله يرحمو ويسكنه فسيح جناته وكل شوي جاينا احد يبي يشتري السياره ونقول لهم مانبي نبيع السياره وكان عندنا سياره ثانيه تخيلو الوقاحه يقولون عندكم غيرها بيعوها وبرضو نرفض الموهم مع الايام امي باعت السياره الثانيه وجو تكلمو قال ليه مابعتو هذي السياره ليش بعتو هذيك والله حاله حلالنا وبيحاسبونا وقلت لامي والله سيارتنا ماراح تتبارك من عيونهم وفعلا سار الحادث وراحت السياره بس الحمدلله انو اخوي سلم وان شاءالله ربي يهديه ويصلحه وينقبل في الجامعه ويكمل دراسته ويفرح ويفرح امي معاه ….. ومعليش طولت عليكم بس حبيت افضفض شوي …..