عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
بنات انا اليوم سويت لنفسي غدا وعشا …قصدي اكلة وحدة هيا لمفروض غدا لكن انا ماكان ليا نفس فاتأخرت وسارت الاتنين سوا ..
المهم .انا وحدة جدا فاشلة في الطبخ ..اصلا انا ما حب الطبخ وما ابدع فيه كتير بس اطبخ علشان اولادي وزوجي الله يحميهم يارب
والاكلتين اللي ابدع فيهم ويطلع لي نفس فيهم المحشي وهادي الاكلة اللي بقوللكم هيا دحين..ماشالله عليا مش بطاله
على فكرة ! هيا تشبه المكرونة بلبشميل بس بدل المكرونة توست وعبارة عن طبقتين..
ياللا نبدأ..
مقادير الحشوة:
واحد ة بصلة كبيرة ونصف
ملعقة صغيرة ثوم مهروس
ثلاثة علب تونة كبيرة..
مكعب ماجي-ملح -فلفل اسود -كزبرة ناشفة..كللو حسب الرغبة
نحمر البصل وبعدين نحط الثوم
وبعدين نحط البهارات والتونة ونخلطهم مرة كويس وخليهم يتشوح على النار شوية..آه افتكرت التونة لازم تتفتت زي ماهوا باين في الصورة 
وبعدين نجيب زبدية نحط فيها الخلطة اللي هيا:
ملعقتين قشطة
ملعقتين مايونيز
ملعقتين جبنة سايلة..
ونخلطهم كوييييييييييسسسسس..ماشي؟
وبعدين نجيب صينية ونرص فيها توست مقطع اطرافو وندهن التوست بلخلطة حق الجبن والقشطة والمايونيز..
وبعدين نحط نص كمية التونة فوق التوست المدهون..
ونكرر نفس الطبقة الاولى نعملها في التانية..
توست بعدين ندهن بلخلطة >>>جبنة وقشطة ومايونيز..وبعدين تونة ..
واخر طبقة تكون التونة تماااااااااام؟
وبعدين نجي للبشاميل حبيب البي..
مقادير البشاميل تبعي مش زيكم انا ماحط فيها لازيت ولاسمن ولا زبدة وتطلع طيبة مررررة
مقادير البشاميل:
9 ملاعق حليب باودر
4 ملاعق دقيق
وملح وفلفل اسود وآجي نوموتو
3 كاسات موية
حطيت اول شي الحليب بدون موووووووية ودقيق والبهارات وخلطهم على الناشف مرة كويس
وبعدين حطيت الموية وبدأت احركهم الين مادابو كووووووولهمممم بس مش على النار لا برا لسا..
وبعدين لما دابو حطيتهم على الناااااااارررر..الين ماتقلت
وحطيتها طبعا فوق التونة ودهنتها بصفار بيضة ودخلتها الفرن الييييييين ما انحرقت
مو اقولكم انا طباخة فاشششششلةةة وبقوووووة مافي شي يكمل معايا
انا حشيل الاسود وحاكل طبيعي وكأن شيأ لم يكن
والله مرررررررة جوعااااااانة انا بغرف لنفسي وانتو الصينية قدامكم البيت بيتكم حياكم الله
وهادي ليا ….بااااااااااااااااااي
لاتحرموني من ردودكم الحلوة
