عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
بنات كنت طالبه في معهد وكان يجلس خلفي طالب كان دوم يشوفني وانا كله متخرعه منه بالصدفه وانا طالعه من الكلاس الي رفقيتي تسلم عليه وطلع ولد عمها وصار يوقفني في الممرات واي مكان يشوفني يسال عن اخباري …
خلصت المعهد وتخرجت منه ورحت اودي شهاده رفيقتي بيتهم الا اشوفه عند الباب كان يقولولي انا الصراحه احبك وابي قربج وابيج تكوني لي انا فهمتها غلطه قلت له استح على وجهك عسى ماشر صدق قليل الادب قال لي انا اقصد ابي اتزوجك انحرجت منه …
المهم كلم بنت عمه وقالها بس خافت انه قومهم مايزوجون برا المهم هو عطاني رقمه وكلمته فترة شهرين بنيه زوج ابي اعرف شخيصته … المهم عقب قلته يله متى بتجي امك المشكله طلع يخاف منها ومن هله كل مره يقول ما اعرف افاتحها بالموضوع …. عقب شهر كلم امه وامه ما اقتنعت وكلمها مره ثانيه وجات معه لما جات بيتنا اخطبتني طلعت مش مقتنعه تقول اني شابفه حالي وانا ولاكلمتها حتى ولاكلمه قالت له ما ابيها سكت وماقالي
شي طنشني عقب يومين قالي امي مب راضيه …
صراحه انا تلعلقت فيه قلت اذا تحبني صدق اثبت راح طنش هله وجاء وقال لابوي هلي راضين جاء وملج وانه اهله وابوي صدق لانه امه جات قبل … المهم مشينا وصار لنا سنه واكتشفت انه مديون وصافي من معاشه 2000ريال انصدمت لانه مهري 30الف لاني احبه قلت لابوي يراعيه المهم كل مره هلي يسالوني متى يحدد هو يقول الظروف صراحه تعبت نفسيا من سفراته للبر ويخلني ويقولي مقدر اخليج ويخليني …
وهو مسافر قالي بحدد العرس لما ارد رد وقال اخر 6 والصراحه انا ما استحمل تعبت الشي الاهم كلمت ابوي قلت له ما ابي عرس ابوي قال لا زم اشعار بعدين الناس بتتكلم بتقول ليش ماخذها سكاتي …. اكيد في انه
مارضا قالي لاتشرطين حتى لو بخيمه المهم عرس وعطاني ابوي 25 الف لعرس بسيط بس طلعت التكاليف اكثر بواجد يعني يبغى لنا سكن والسكن غالي الشقه 7000 بالشهر ومش مفروشه هله مايبوني طبعا لانه مايدرون انه متملكه وهو يخاف يقول لهم انه تملكني …
ومستحيل اسكن عندي هلي لانه عندنا عيب وعندي خواتي مب شوي ومافي مكان في بيتنا … هو طلب مني اني احمل قبل العرس عشان هله مايطلبون منه يطلقني انا غبيه وافقت وطلع معه 3 مرات والحين حامل بس قلت له يمكن اكون حامل …ماقلت له
امس رحت معه وحددنا العرس بعد اسبوعين وقلنا للناس بس المشكله انه امس جاء يقولي بطلقج انصدمت لانه الاخ مايقدر يقول لامه وهله قلت امحق حب وين تضحيتك يقول احب هلي ما ابي يكرهوني ..
وصريت عليه انه نتزوج وعقب سنه يطلقني غ=عشان الناس ماتتكلم المهم قال مقدر اتم معاج في الشقه قعدي قال بس شهر بتم معاج وعقب ارجعي بيت هلج اانصدمت من كلامه …يقول لو كنت ظروفي اني اقدر افتح بيت كان ماخليتج بس ماعندي ولا عندي انا شي كان دفعت ايجار سنه الى ان اخلص الثانويه واشتغل … والله مقدر ارقد تعبت من البكي واليوم اتصلت الدكتوره كنت محلله عندهم الصبح تقولي حامل طرشت له مسج استانس بس بعد متضايق … شسوي محد راضي يساعدني ….محد يسلفه من ربعه ولابعي تعقدنا ….
