عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
بصراحه من زمان وانا خاطري أفضفض لكم فراشات ، يمكن ارتاح شوي ويمكن تعطوني حل .
قبل لاأبدأ اتمنى اتمنى ماااتفهموني غلط ، لأني اعرفكم ساعات تفهمون غلط وتتهجمون على الوحده مادري شلون
ممم ماعرف شلون اشرح بصراحه ، انا احس اني مو بنت عيلتي احس مادري من وين جايبيني يعني ممم في وايد اشيا ماحبها مثل عادات وتقاليدنا احس اني جايه من دوله ثانيه بس بالغلط خذوني خخخخ
خصوصا انا كل حد يشوفني يقول ماتشبهين أهلج لأني بيضا كأني اجنبيه ، دوووم انا رايي غير عنهم في كل شي
تحسون إذا تكلمنا على شي معين هم مقتنعين ان هالشي خلاص جي لأنها عاده عندنا بس انا اللي مو رااضيه اقتنع يقولون لي انتي فيج عرج اجنبي ولا ساعات يقولون فيج عرج كوري
يعني مثلاً خلني اتكلم عن سالفه ماحبها ، سالفة الخطوبه وان الحين يوم تروحين عرس تجي وحده تشوفج عقب تسألج كم عمرج ومخطوبه ولا لا أو مثلا بتجي حرمه البيت تطالعنا وتختار وحده حق ولدها بناااات والله أككككره هالسوالف أدري مستغربين وفوق راسكم علامة استفهام وبتقولون هاي السوالف معرووفه .. بس انا مو مقتنعه فيهاا كللش يعني شنوو وين قآعدين في محل تختار واذا ماعجبتها خلاص تغير الموضوع ، آنا اخر مره كنت في عرس رفيجتي وكاااشخه و كنت قاعده الا تقعد حذاي حرمه وتسألني كم عمرج ومن منه انتي .. الخ انا عصبت حتى عطيتها اجابات مختصره وطنقررت ومزاجي اخترب .. واشكره بين في ويهي اني عصبت وزين ماكفختها
المهم اللي مضايقني فهالشي أني ماقمت اكشخ مثل قبل ، يعني مابي الفت انتباه الناس وماصرت ارقص وايد مثل قبل مادري شصار فيني ، من بعد ماكتشتفت هالسوالف ، يعني مابي اصير معزوله عشان سالفه مثل جي بس احس كل اللي في العرس جايين عشان يطالعون ويختارون البنات كأنهم في سوق مادري وين
الحين يوم يكون في عرس خواتي يقومون يكشخون ويشتطون وانا اسوي سمبل عشان مايصير لي موقف بآيخ واللي يقهر انا اللي باقي مو متزوجه ولا مخطوبه ولا … الي أكبر كلهم تزوجوا 🙁
شرايكم في تفكيري ؟ في حد مثلي ولا انا بس ؟
واسفه طولت عليكم
ملاحظه : بنات بس آبي اقولكم اليوزر مب مالي ،والمواضيع اللي تحت هم مب لي
اذا شفتوا هاليوزر ( أريد حلاً .. ) فمعناته مشترك … في بنات فهموا غلط للأسف 🙁
