عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الـسلام عليكم
شحالكم 😡
من فتره كنت يالسه وي امي وحطو اسامه السيد يسوي ميلفاي
جان ادش النت وادور عالطريقه وسويت طريقه حوريه المطبخ
بس هي سوتها على فطيره كبيره لكن انا قصصتها صغار
والصراحه طعمها رووووعه جربوها 😛
المقادير بالظبط >انا استخدمت ادوات القياس
كاسين طحين ونص
م ص ملح
م ص سكر
140 مل ماي بااااااااااااااااااااااااارد عدل عدل
120 جرام زبده
اول شي نخلط الملح والسكر وي الماي
عقب نخلط الطحين وي الزبده بس ابدا ابدا مانعجنه مجرد خلط بالاصابع وبحركه باليد جنه نكور شي بس مانهوس>> فهمتو@@ هههههه المهم نخليه شرات الرمل
عقب نحط الماي وبعد نجمع العجينه بس مانعجنها
ندخلها الثلاجه انا حطيتها فالفريزر جي نص ساعه
فهالوقت نكون بعد مسوين الزبده على شكل مربع 250 جرام وندخلها الثلاجه مب الفريزر تجمد شوي
انزين احين فالنص ساعه هاي اسوي الكريمه وهي كريمه باتسيير
انا سويت كميتين بس بحط لكم مقادير الكميه الوحده > انا استخدمت الكستر لانه ماعندي نشا المره اليايه بجربها بنشا ان شاء الله
250 مل حليب
ثلث كاس سكر
بيضه
فانيليا
ثلث كاس نسا
نحر الحليب وفي ما هو يحر نخلط البيض والسكر عددددل >انا حطيت قطره لومي .. عقب نحط النشا والفانيليا بس مانخلطه وايد وايد
عقب يوم يحر الحليب نحط شوي وي خليط البيض والنشا والسكر نخلطه لين يتعود عالحراره عقب نحطه كله عالحليييب ونخلط نخلط مانهده لانه بسرعه يغلض
يوم تخلص نحطها في صحن ونرش عليها سكر او ندهنها بزبده ونحط عليها نايلون عشان ما يكون طبقه
بقولكم نصيحه من حوريه انا سويتها وصدق فادتني .. انا يوم اسوي هالانواع من الكريمه تلزق عندي تحت وتحترق .. فـ هي قالت قبل ماتحطون الحليب خلو الجدر بااارد وغسلوه بماي بارد وعقب ابدو شغلكم
وعقب ماتبرد ندخلها الثلاجه
احين نرد للعجينه
نفردها بالهطريقه
ونسوي طبقات الزبده بس ماصورت هالخطوات .. شوي امد وشوي ادخلها الثلاجه واطلعها وامد وجي
هاي النتيجه
عقب نخليها شوي فالثلاجه ونفردها ونقصصها او نسويها مثل مانبا طبعا
ندخلها فرن حااااااار لمده تقريبا 20 دقيقه
وبس ^^
