عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخير .. بنات ماأدري اش أسوي .. وربي مقهوره
أنا ملكت قبل أسبوع .. وخطيبي عسل وطيب وحليل الله يوفقه
في يوم الملكه طلب رقم جوالي عشان يصير يكلمني وقاموا أهلي يتعذرون .. أعطوه رقم البيت << تعجيز !!
بعد ماطلع من عندنا كلمته أمي عطته رقمي قالت ماعليك من أبوها كلمها وماحيعرف .. كلمني وفهمته ان أبويه ماهو متعود اني أكلم وشوي شوي حتى يتعود .. قال أوكي أنا أكلمك ومن وقت للثاني أكلم أهلك أتطمن عليك <<< تمويه .. يعني انه مايكلمني
والرجال محترم وماعليه وكلامه مايخلي أهلي يخافوا منه علي .. تعرفون حركات الأهل
المهم .. أمي نفسها اللي قالت له يكلمني جننتني … طلعت ريحتي ….. رفعت ضغطي .. تقول الحين يكلمك وبكره يجي يسبك لانه سمحتي له يتكلم معاك !!
اليوم قلت له أمي قالت كذا وكذا .. اذا انت شايف اني غلطانه لاني أكلمك وبترجع تسبني قول وريحني من الحين … اللي صار منه ايش .. ضحك وقال أمك اش فيها ؟ ليش أسبك أنا زوجك .. أنا أكلمك أتطمن عليك لأنك بعيده أنا في مدينه وانتي في مدينه .. وعالعموم أنا ماراح أكلمك عشان أهلك يرضوا .. ومع السلامه
مقهوره ماني عارفه اش أسوي .. أطنشه ؟؟ والا أتصل
مايصير أطنشه وأعوده على زعلي من أول أسبوع … وماأبغى أتصل عليه لأنه هو اللي قفل .. بنات ساعدوني أحس انه موضوع بسيط بس يأثر على أشياء كثيره …
الله يجزيها خير اللي ترد علي
