عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتة
بالله ياصبايا ابيكم تتخيلوا معي لو أنهم سامحين للحريم يشجعون في الملاعب وش بتكون سواليفهم وهذي نبذة منها 
صراحة أعجبتني فكرة التشجيع النسائي في الملعب…وتخيلت إن مظاهراتي جابت نتيجة ووافقوا يحطون في الملعب قسم نسائي… أقلعوا معي وتخيلوا…..واللة ليصير التشجيع حماس
هلالية ونصراوية يتهاوشون..النصراوية تقول: تكفين من زينكم أنتم وبطولاتكم ولاعبينكم عشان تحطون راسكم براس العالمي؟؟؟؟ الهلالية: وع على لاعبينكم القواطي مالت عليهم…ما عندكم صاحي إلا سيزر وبدا يخرب بعد…بعدين لو فيكم خير جبتو لو ربع من بطولات الهلال
أم تهاوش بنتها المراهقة: وجع إن شاء الله تغطي…شوفي هذاك من اليوم يناظرك…ترى والله لأعلم أبوك عليك…..
وحدة عربجيةتصايح: يا حارثي يالنذل…لا تكسّر سامي حسبي الله عليك بلا…
وحدة تبكي قلبها متقطع وأختها تقول: خلاص يا بنت الحلال… قسم بالله التمياط إصابته بسيطة…شوفيه بيرجع للملعب مرة ثانية..
حرمة كبيرة: الله يهديه أبو عبدالله ما لقى يعزم إلا اليوم..خليت الجريش على الفرن والله يستر ما يحترق…
وحدة دلوعة: لو سمحتي معك كريم واقي من الشمس؟ ما لقيت كريمي
وحدة فاضية: ما شفتوا عدستي الرمادية؟ طاحت الله ياخذها…
وحدة ثانية فاضية: من يعرف طريقة محشي ورق العنب؟ عجزت أضبطه
وحدة تزعّق من الهجمة اللي ضاعت واللي وراها ناشبة بحلقها: “لو سمحتي..لو سمحتي..وش اسم عطرك؟”…طرااااخ صوت كف متعوب عليه
هلالية ونصراوية يتضاربون والهلالية تصايح: آي آي كسرتي ظفري الله ياخذ عمرك…..يا عسكرييييييييي….
وحدة بريئة: يا حبي لك يا شلهوب ياصغيرور…
وحدة ما تدري وين المباراة معه: أحلى على الطول يا مفرج…
وحدة مسوّية نفسها فاهمة: يوردانيسكوووووو…طلّع البحري ودخّل بداله ايلتون (ايلتون يلعب من البداية) وقدّم الشهراني قدام…ونزّل ريان الله يقلعك……
وحدة تسأل اللي جنبها: من أحلى عندك السلومي والا حسن والا أحمد ضاري؟ الثانية ردت : تركي العواد….
وحدة تراقب الفاول ويدها على قلبها واللي جنبها تقول: البارح رحت العقارية..بس ما لقيت شي حلو الله يقطعهم…عبايتك مشتريتها من سيدتي الجميلة؟؟؟؟؟؟؟ ( والثانية معطيتها أشكل )
هذي بعض الهتافات والأحاديث الجانبية النسائية في الملعب كما تخيلتها!!!
مع تحيتي لكم:
خووووواتي بسمة حياااااااااااتي 😆 idea:
م ن ق و ل
