تجربتي مع مشغل جويل في دبي

بدخل في الموضوع اللي حبيت أفيد فيه الكل من خلال تجربتي
حيث كنت قبل فتره في دبي وبما أني عندي حب دائم لتغيير ستايلي وفريت المشاغل ولكن كل مره ما كانت ترضيني النتيجه قلت ما دامي في دبي خلني اروح لمشغل جوي يمكن تخليني (( بالصراحه أحلى ))
المهم أخذت الوصف ورحت للمشغل في البدايه تضايقت أنو ما فيه أحد أتفاهم معه عربي الأستقبال فلبينيات أنقلش وأنا لغتي ركيكه المهم نادوا لي وحده أـسمها ريهام لبنانيه وتفاهمت معها على قص الشعر وصبغه
وكانت القصه قصيره جدا أخذت على القص 200
والصبغ 1000 والسشوار 100
والمجموع 1300
وبصراحه النتيجه كانت 20 في الميه
ما عجبني والسعر مبالغ فيه وقلت في قلبي الله يخلي الأم بي سي اللي رزتكم صراحه
هذا غي الفلسفه اللي تفلسفت فيها علي اللبنانيه ريهام وشفت جويل صراحه حبوبه وطيبه ومرحه بس مالها دخل فيك
وقلت الله يخلي كوافيرتنا تجي للبيت وتشرطين عليها وما يوصل حسابها 800
بس هاذي أخر مره أروح لهالمشغل