تجربتي مع الدكتور صلاح

كيفكم يا غوالي ….صار لي فترة مبتعده عن المنتدى بس اليوم اتحمست وقلت لازم اجي احكي لكم اللي صار معاي يمكن في وحده تستفيد من تجربتي واي سؤال انا حاضرة….

قبل فترة طلبت منكم تساعدوني في اختيار دكتور من ثلاثة …بعد الاستخارة اتوكلت على الله ورحت للدكتور صلاح حامد في علوي تونسي ,,,الرجال اول ما شاف التحاليل واشعة الصبغه ومحاولات التنشيط على طول قال لي اعملي منظار للتكيس وفعلا عملته عنده اخر محرم وبعد العمليه قال لي ان التكيس كان شدييييييييييييييييييييييييد جدا عطاني مهلة شهرين يمكن يصير حمل طبيعي بس للاسف ما صار ورحت له بعد الشهرين وكتب لي منشط حبوب وابر بس ما جابت النتيجه المطلوبه ووقفنا هذاك الشهر
رجعنا الشهر اللي فات كتب لي ابر بريجيون اللي انتي تاخذيها بنفسك في البيت زي ابر الانسولين اخذت عشر ابر من ثاني يوم الدورة الى اليوم 11 وعملت متابعة تبويض طلعت في 3 بويضات باحجام17-17-19 فكتب لي ابرتين تفجير في اليوم13 وابرة في اليوم17 عشان لو في حمل تثبته بعد ما اخذت ابر التفجير صاار عندي تضخم شديد في المبايض واحتباس في السوائل في الجسم وتعبت جدا المهم الدكتور طمني ان هذا شي طبيعي ويحصل ومازلت للان منتظرة النتيجه دعواتكم لي يا حلوات…