عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا بالفراشات الحبيبات .. 
كل عام وانتو بخير 
ــــــــــــــــــــــــــــــــ
انا فتحت الموضوع هذا عشان كل وحده جربت حمام الساونا تقولنا ايش صاير معاها وايش النتايج اللي شافتها
وكيف استعمالها له يعني ايش تستخدم معاه ايش الخلطات ايش الكريمات يعني كل شي نفسك تقوليه قوليه ..
لانه زي محنا عارفين الساونا نتايجها مذهله وانه جهاز ممتاز جداااا ونتايجه اكثر من رائعه وهذا شي معروف..
واذا حابين نسوي جدول اوا نتابع مع بعض برضو المجال مفتوح
يعني نخليه موضوع شامل لكل شي متعلق بالساونا
انا عن نفسي اشتريت واحد وبدأت فيه
وبصراحه احسه مره حلو لاني لمن اعمل حمام مغربي في البيت مو زي لمن اروح اعمله في صالون
لمن اعمله في صالون يفرق بكثير مره يكون احلى من البيت وطبعا اكيد بسبب البخار
فبدل التعب ونعمل بخار في الحمام الله يكرمكم فالساونا فكره حلوه بدل مشاوير الصوالين
فاشتريت الساونا وريحت دماغي
حمام بخار في بيتك وتستخدمي الخلطات اللي تناسبك
طبعا انا لمن اروح للصالون وبصراحه انا اروح لوحده مبدعه ما شالله عليها
اول شي تحط على جسمي كللللله ملح خشن ولازم ما اكون شايله شعر جسمي لانه راح يسبب التهاب
المهم وتجلسني في البخار تقريبا ربع ساعه بعدها تغسل جسمي بالمويه وتدهنه بالصابون المغربي
بس دهان من غير فرك واجلس في البخار لمن يطرى الجلد
وبعدها تغسل جسمي بالمويه وتبدأ الفرك بالليفه المغربيه
وبعدها اغسل جسمي بصابونه مبيضه طبعا ماعرف اسمها لانها من عندها وبس
وبعدها اغسل جسمي بصابونه مبيضه طبعا ماعرف اسمها لانها من عندها وبس
واذا ابغى اعمل حمام طين ولا حليب هذا شي ثاني الطين مررره رهيب …ياريت اللي تعرف من وين نجيبه تقولنا ..
يلا حبيباتي كل وحده تقول تجاربها مع الساونا او اذا سامعه عنه شي وخلينا نعمل تجمع مع بعض نناقش فيها كل شي عنه
حبياتي انتظركم تنوروا موضوعي ….
