عالم البنات النسائي كل ما يخص المرأة العربية من ازياء وجمال والحياة الزوجية والمطبخ
تجاربنا في زواج اختي حابة الكل يفيد ويستفيد واللي عندها اضافة تتفضل بيها (بنات المدينة)
دا اول موضوع ليا بس بعد ماشفت اللي سار لنا :Dفي تجهيزاتنا لزواج اختي قلت لازم افيد باقي لبنات اللي بيجهزو 😆 hy:
اكيد الكل رح يسال انتي من فين انا من المدينة المنورة ربي يشرفها
اول شي رح ابدا في تجهيزات اختى العروسة 😆 🙄
بالنسبة للدبش حقها من ملابس اكسسوارات مكياج …الخ كلو كان من جدة يعني من جد يبنات اللي بتقضي تروح جدة فررررررررررررررق كبير في الاسعار 😐
بالنسبة للفستان
خيطتو عند محلات خياطة فساتين العرايس في قباء
محل اسمة الطيار
نصيحة يبنات لاتخيطوووووووووووو عند دا المحل اقسم بالله انو يحط اردى انواع القماش وغير كدا مواعيدووو زفت مرة مايلتزمو بشي اسمو موعد غير الشغل بالهم:)
اللي بتجهز تشتري جاااااااااااااااااااااهز احسن ليها ع الاقل تكون شايفة الموديل مو خياطة ويخبصو ليها
اختي مسكينة اتازمت وربي الين ماطلع فستان 😛
دا غير الموقف اللي حطنا فية يوم الفرح
بس زي ماقلتلكم لاتخيييطو احسن اشترو جاهز
بالنسبة للكوشة في محل روووووعة قليلة في ماقد شفت محل زيو ماشاء الله لاقوة الا بالله حتى الكوشة اللي انتي تختاريها مايروح ويحطها لوحدة تانية والحلو في انو يسويلك ع حسب ميزانيتك
احنى سوينا عندو الكوشة والمسكة
المحل اسمة نايتي بيوتي الللي بيشتغل فية واحد سووووري بس ذوووووووق ماشاء الله
الكوفيرة طبعا مافي احسن من لمسات
اخدت من عندهم برنامج العروسة صراااحة روعة 💡
طلعوها قمممممممممممممممممممممممر ماشاء الله لاقوة الا بالله
الزفة مالقيت احد سعرو مناسب كلهم يتكلمو ب1300 وفوق ولقيت استديو في جدة سعرة حلو ومواعيدو مزبوطة
وزفاتو حلوووة كمان
بالنسبة لتجهيزاتنا احنى من خياطة وكدا
انصحكم لاتخيطو بلا وجع دماغ اشتري جاهز وريحي نفسك
مافي مشغل في المدينة عدل
خيطنا عند شوران اللي في قيباء تعامل زفت وخياطة ازفت وبداك المبلغ الفلاني
مشغل الابداااع اي ابداع وربي حتى خياطتهم مو نظيفة ونفس الشي حتى الاسعار نار:l
مشغل جمالك لازوووووق عدل وتعامل مو مرة وطبعا الاسعار شي وربي مايستاهل كمان
وااااااااااحسن مشغل خياطة وتعامل مشغل موديل الخياطة اندنوسية بس وربي ذوووووووووق خياطتها راكزة وحلوة
وفي كمان خياطة مصممة في جدة بردو خياطتها روووووعة ومرتبة ماشاء الله واسعارها غالية بس صراحة تستاهل المشغل في سوق الحجاز 2
ووووووووووووووووبس حبيت اديكم تجارب صغنونة من اللي شفتة وماناسبني وعشان اختصر عليكم الوقت ^^^^^لووووول وحدة مصدقة نفسها^^^^^
واللي عندها اي استفسار مايردها الا كيبوردها
وسلامتكم
ترى انا نفس العضوة حلا منزلة مووضوع في عالم حواء
