تجاربكم مع كسر ثبات الوزن

مساء الخير جميعا

اكيد اغلبيتنا مر بمعاناة ثبات الوزن

وفي كثير منا قدر يكسر هالثبات

وفيه اللي لين الحين ثابت ولا نزل من وزنه

فتحت موضوعي عشان نشوف حل للمشكله هذي

وكل وحدة فينا مرت بهالتجربة وقدرت تكسر ثباته ونزل وزنها

تكتب تجربتها عشان الكل يستفيد

مثلي انا زمان كنت اسوي رجيمات ومع ذلك وزني ثابت

واتحطم واترك الرجيم

بس الحين عرفت سر ثبات وزني :

اولا كثرة شربي للقهوة العربية

وبس تركتها صار وزني ينزل من غير توقف ولله الحمد

صحيح نزول بطئ بس احسن من لاشي

وكمان الشي الثاني اللي نفعني هو يوم مفتوح بالاسبوع

اكل كل اللي نفسي فيه

واكل بشراهة ومن غير حساب

وهالشي صراحة نفعني

وثالث شي جربته ونفع معي هو تغيير مدة المشي

يوم امشي ساعة ويوم 45 دقيقة ويوم 40 دقيقة ويوم نص ساعة

حتى الجسم مايتعود على نمط معين