تبين تسوين خياطه تجميليه او انتي نفاس وخايفه من التوسع تعالي اقولك السبب

مرحبا كروشات الله يسهل عليكم ولادتكم ان شاءالله 🙁
انا قريت اغلب المواضيع في هالقسم ولاحظت بنات يشكون من التوسع ومن الي تبي تسوي خياطه تجميليه 😆 واذا سمعتي اسبابهم ليه يبون هالخياطه تقولك احس اني وسيعه واحس فيني هواء واحس واحس والي يقهر اغلبهم بكريه 😆 🙂

انا بسأل هالبنات كيف كانت فترة النفاس عندكم كيف اهتميتو بأنفسكم والي يقهر اغلب البنات الي يرسلون لي يقولون وشي ادوية النفاس كيف نهتم بأنفسنا في النفاس يا بنااااات قبل تتزوجون في الدوره كيف اهتمامكم بأنفسكم ؟؟؟؟

ماتتدفين؟؟
تشربون غازيات؟؟؟؟
ماتاكلون ادويه تنظف الرحم؟؟؟
تشربون الصبح مويه بارده ؟؟؟؟
ما تاكلون بر و تتغذون؟؟
تجوعون خلال اليوم؟؟
ما تتبخرون خلال الايام الاخيره ؟؟

في النفاس اغلب الحريم يستخدمون ادويه تضر ماتنفع يعني بالله عليكم احد ياخذ الحلبه كل ايام الاربعين 😳 عمركم شفتو وحده في الاربعين اذا طهرت من الدم وخلصت العشرين يوم الاولى تروح تاكل من ماكدونالدز و كودو و هالخرابيط 😉

ارحمو انفسكم يابنات من هالحاله الي انتم فيها الي ماتبي تجرب الخياطات التجميليه وهالخرابيط تهتم في نفسها مايضركم 40 يوم تهتمون فيها و بعدها تنبسطين مع ازواجكم 😡

اكبر مثال فيه موضوع قريته قبل فتره هنا وكان منقول كرهني في نوعية هالبنات الي نصايحهم تجيب المرض و تقول انها لازم الحرمه بعد يومين من نفاسها تروح لبيتها عند زوجها ولازم تتعطر و تلبس اي لبس وماتاكل هالادويه وتاكل الي تبي وييييييين ياخالتي فيه اكل يضر النفاس و يخليها تتوسع 😥

يابنات فيه معلومه قديمه جداتنا دايم يقولونها الحرمه في نفاسها مفتحه من كل جهه و يدخلها الهواء بسهوله لازم تغطي نفسها و تتدفى و تهتم في حالها تقولون ريحه و ازواجنا حبيباتي الاهتماااام بالنظافه مع الاهتمام بالصحه مايضر 😆

انا وربي في نفاسي بولدي قسم بالله مشيت على نظام محدد اسويه و زوجي جلس عندي 10 ايام مقابل وجهي وكنت اكل ادوية النفاس واهتم بمضهري ولا اهمل نفسي و اتبخر بخور النفاس و زوجي ماكرهني بالعكس هذيك الفتره معجبته الى الان و يقول كنتي غيرر وحتى وانتي والده مهتمه بمظهرك عادي يابنات كلها شيله تحطينها بشكل حلو على راسك مع لبسك و شوية كحل بسيط و قلوس و اكلي ادويتك وارتاحي و سوي كل الي يسوونه في النفاس

قسم بالله يابنات اهتمامي بصحتي و الاكل والادويه و النظام يوم طلعت من الاربعين جتني بعدها اخت النفاس و اهتميت فيها مثل النفاس بالتمام و يوم خلصت يحلف زوجي اني رجعت مثل قبل واحلى بكثير والحين انا عند اهلي و هو مسافر شغل و مايصدق يجيه خميس و جمعه يحجز و يجيني 😛

الاهتمام ثم الاهتمام ثم الاهتمام وبعدها بتشيلون من روسكم فكرة العمليات والخراب نصيحه من اخت لكم جربت الاربعين قبل وحبت تفيدكم و تبعدكم عن هالاشياء 😎

على فكره البكريات لما يولدون يخيطونهم خياطه داخليه وخارجيه وهي افضل الخياطات و النفاس هي الي تقدر تهتم فيها وتحافظ عليها بالاكل والصحه او تهمل نفسها وتخرب خياطتها 😆 🙄