تبون تعرفون وش صار لي مع دمعة خفوق أدخلوا وشوفوا!!!!

السلام عليكم ورحمة الله وبركاته …كيفكم حبايبي ؟إن شاء الله بخير بصراحة أنا أول مره أكتب موضوع في هذا المنتدى لأني تعاملت مع تاجرة وحبيت إني أكتب تجربتي معها والسالفة وما فيها إني أني قرأت موضوع للأخت ( دمعة خفوق ) وأنبسطت إنها من أهل الرياض لأني أنا بعد من الرياض وقعدت أنا وياها رسايل علشان نتفق على البضاعة وطبعاً أنا كنت طالبة منها نافورة العصير + ألة الفوشار وبعدين أرسلت لي رقمها وكان يوم خميس ويوم الجمعة الظهر دقيت عليها وكانت إنسانة ذووووق وعطتني رقم المندوب علشان يوصف له أخوي البيت والله يابنات بعد صلاة المغرب مباشرة إلا وجرس البيت يدق والمندوب على الباب بصراحة أنا ما توقعت إنه بتوصل بذي السرعة وطبعاً بدأت الحفلة وقعدت أجرب النافورة ( لوتشفون اخواني وشلون مبسطوين ومطفين النور ويتفرجون على النافورة ) المهم رحت دقيت عليها وشكرتها لأنها بصراحة كانت إنسانة راقية في التعامل وذوق ولينة ترتاحين من أول مره تكلمينها وفوق كذا البضاعة ما تتأخر وتوصل لك نظيفة ..أنا حبيت أذكر تجربتي مع الأخت دمعة خفوق وأقول لها الله يوفقك في الدنيا والأخرة ويفتح لك الرزق من أوسع أبوابه وقررت إن شاء الله إن أكرر تعاملي معها ..( للمعلومية علشان محد يقول إني قاعد أروج لأخت دمعة خفوق أنا هذي الإنسانة ما بيني وبينها أي معرفة شخصية وما عرفتها إلا قبل يومين من خلال المنتدى بس لأنها أول وحدة تعاملت معها وأعجبني تعاملها ومن باب من لايشكر الناس لايشكر الله كتبت كلامي هذا والله على ما أقول شهيد والله يوفق الجميع )