عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم جميعا
مساء الخير لكل الحريمات والبنات الدبيات منهم والنحيفات
ودي احط هالموضوع باقسام التغذية والصحة بس بالاخير بتعرفون
ليش اخترت يكون هنا😛
انا عندي تجربه ناجحة وحلوه بتخفيض الوزن بحكيها لكم بالتفصيل هنا ,,
صح مو مكان حميات هنااا لكن لاني ابي شوركم بشغله ولازم افيد اللي محتاجين تنزيل وزن زي ماني بحاجة لآن لشورهم 😆 🙂
وان شاء الله يستفيدون ويستانسون وأعطيهم حافزhttp://www.***********/vb/images/smilies/small-icons/showoff.gif
لكن بعدها بفتح لكم قلبي واقول لكم وش نكد علي ,, يعني استفيدوا وفيدوني الله يرضى عليكم http://www.***********/vb/images/smilies/small-icons/tears.gif
كل وحده تاخذ لها كوب شاي او عصيـر وتقرا للآخر 😐
المشكله يا حبيباتي اني بنت عمري 23 سنه ونص<< حريم خخخخخخ
كنت بنت دبه جدا و جميله واحب الحياة وانطط بين الزهور << تخيلوا الشكل هههههههههههه
المهم طفشوني الاهل والصديقات والاقارب يا بنت انحفي والله ان تصيرين احلى وتهبلين 😛
وكل ما رحت مكان نفس الاسطوانه تتكرر حتى الشغالات اللي يجون عندنا اول ما تصير
الوحده تعرف كلمتين عربي تبدا تقول ليش انتي كيدا 😆 hy: << 😡
المهم لي سنين اسمع هالكلام والله ياثر فيني واحيانا اسوي رجيم
فتره وبعدها اطفش واوقف واحيانا صار عندي مناعه ما ياثر فيني الكلام خخخخخخخخخ
الين خلصت الجامعه وقلت لا يا بنت لااااازم تتغيرين لاااازم اومال ايه ما بقى بالعمر شي نبي نعيش ونلبس ونتزوج 🙁
فإما حياة تسر الصديق ..وإما ممات يغيض العدا 😥
وبديت رحلتي بعد اقتناااااع واصرااااار شخصي يعني سبحان الله قد
ما كان هذا حلمي والناس يهزاوني والنظرات بكل مكان الا اني ما قد
استمريت على رجيم الا بعد اقتناع واصرار من داااخلي,,
يعني لا تسوي رجيم عشان احد سوي عشان نفسكــ وبــس 😆 idea:
طبعا الدبيات الحلوات يبون يعرفون كم كنت ويسرني ويفشلني ان اقول لكم اني كنت 130 كيلو الا كيلوين ههههههههههههههه
طبعا مستحيل اسوي ربط وتحوير وهالعمليات خاصة ان عمري يوم بديت 21
يعني صغيره وبصحتي ولازم بعد توفيق الله اني انجح بالطرق الطبيعيه وبرضه هذا راي الاطباء وقتها لحالة وحده اعرفها زي حالتي لا واكبر مني ب7 سنين بعد
يعني حاااولوااا تنحفون طبيعي بدون جراحة وربي بتقدرون بس توكلوا على الله وهذا كلامي انا قدامكم ومن واقع تجربتي
المهم في اول المشوار الحمد لله اول ثلاث شهور تخفيف صح ( رجيم الا ربع)
بس هااااه يالدبدوبات مو تقعدون عالسفره وتزطون بالخمس وتقولون تخفيف ترى اعرفكم خخخخخخخخ
المهم بفضل الله نزلت 15 كيلو وجا عقبها رمضان وشوال خبصت شوي فيهم بس حاولت اقلل و نقصت 5 كيلو ولله الحمد 😆 🙂
بعدها وتحمست و قلت لازم اواااصل ورحت لاخصائية تغذيه
واستمريت اظن 5 شهور ونزلت 25 كيلو << صار المجموع 45 كيلو << خيشة رز مو بنت خخخخخخخخ
( طبعا تخلل كل هالفتره مشروبات وخنبقات الرجيم ما اقدر اقول لكم فيه شي محدد نحفني لاني جربت اغلب الاشياء
احيانا شاهي اخضر واحيانا بذرة الكتان و فتره زنجبيل ونعناع ,, ومره ليمون وكمون,, المهم وخروا عن االأعشاب اللي تخلطونها سوا والمسهلات خلوكم عالاشياء الطبيعية)
الزبده صار وزني عند الدكتوره بعد 5 شهور دايت ,,اذكروا الله 83 كيلو وبحكم
ان جسمي مخصر وتقسيماته حلوه صار شكلي تمااااااام وتغير بنسبة 100%
حتى كان احلى من جسم اختي ام 60 كيلو ,, وطبعا لو اسولف لكم الين بكره عن وناستي وسعادتي وكيف
صرت واثقه من نفسي يبيلي عشر صفحات ,, واحلى شي لما تكونين بحفله وتسولفين مع مجموعه فجاه
تجيك وحده من البنات وتصرخ وااااااااااااااااااو واااااااو والله ما عرفتك الا من عيونك وتقوم تمسكك وتدورك قدام الناس زي الهبله ههههههههههههههه
طبعا بعد ما وصلت 83 تركت الدكتوره لاني خلاص حفظت طريقة الانظمة حقتها صرت احس اني اكسبها قروش فطلعت
وكملت بالبيت مره اطبق رجيماتها واحيانا اخنبق اي رجيم احسه متوازن اجربه
و مره سويت رجيم التمر واللبن 10 ايام << 3 ايام هالنظام و اليوم الرابع اكل سلطه وخبز بر وصدر دجاج مسلوق الخ من اكلات الرجيم .. وارجع للتمر واللبن 3 ايام ,, ونزلت ابشركم إلى 79
ووقفت على هالوزن سنتييين والحمد لله ولا رجعت اي شي من اللي نزلته الا كيلوين تروح وترجع << وش زود الاسهم عني تطلع وتنزل وانا لا هههههههههه
وعلى فكره الحيــن ناويه وبحمـــاس اواصل للستين كيلو وضواحيها بإذن واحد أحــد 😛
برب لحد يرد برجع لكم بالقضيه الثانيه اللي ابييييكم تساعدوني فيها واللي هي بنت عم القضية الاولىhttp://www.***********/vb/images/smilies/small-icons/blush-anim-cl.gif
