عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته 
طبعا اكيد الموضوع مو جديده فكرته وانطرح بس حابه اجدده 😉
طبعا البشره الدهنيه دايما يقولون عنها من افضل البشرات بس مايحس بالنار الا واطيها<<اكيد عارفيين معاناتنا 😎
يعني ماتمر ساعه وانتي مغسله وجهك الا تلقينه ماشاء الله كنه مدهون بزيت يبرق ويرعد عن بعد مية كيلو مسويه حفله هالدهون ببشرتنا 
حابه نتشاور بالاشياء اللي فادتنا او مافادتنا ونحط تجاربنا بأخر المنتجات اللي استخدمناها ونذكر اذا جابت نتيجه او لا
اول شي ببداء بالاشياء اللي استخدمتها من L’Occitane
مجموعة الارز الاحمر
اول شي الغسول 
بصراحه ماشي حاله بس من واااو
ثاني شي التونك
حلو حسيته يقفل المسام ويعطي البشره احساس مخملي ونظيف ومايجففها يعطيها احساس زي كنك حطيتي بودره
ثالث شي الكريم يرطب البشره ويمنع اللمعان
هما كاتبين انه يمنع اللمعان لمدة 8 ساعات بس بصراحه انا بالنسبه لي اقل
برضو حلو حسيته زي التونيك يعطي احساس مخملي بدون مايجفف البشره
وفي بقية المجموعة بس بصراحه مااشتريتهابس بحطها لعيونكم 
هذي زي البودره تحطين كميه منها مع الغسول وتعمل تقشير للبشره
….
هذا ماسك للبشره اعطاني عينات منه جربته بس ماعجبني ابداااااااااااااااا
الحين خلصنا من L’Occitane
وببداء في كلينك
بس بصراحه ما اقدر احكم عليها لاني لسه تشريتها من يومين
اول شي هذا غسول للبشره الدهنيه
ثاني شي هذا تونك برضو للبشره الدهنيه
ثالث منتج كريم مرطب خالي من الزيوت
وعجبني عنده كريم يقفل المسامات بس مااشتريته بس مره مدحه لي افكر اخذه ان شاء الله<<عشان تكسبها نزله ثانيه للسوق
خلصنا من كلينك
جربت غسول شجرة الشاي من البودي شوب
تحسين بانتعاش لما تغسلين وجهك بس ماحسيته خفف الحبوب الدهنيه بالبشره بس لما غسلت في منطقة صدري لان فيها حبوب حسيتها راحت الحمدلله
وهذا اصبع لمعالجة الحبوب جربته اكثررررررررررررر من سيء
واستخدمت لوريال للتي زون
بصراحه الغسول روووووووووووووووووووووووووعه من جد حسن بشرتي ماشاء الله بس اللي قهرني حسيته يكبر المسام عشان كذا تركته رغم انه اكثر غسول ناسبني
والكريم حق المجموعة بصراحه سيء ماناسبني
وسوري مالقيت صور للمجموعة
كلين اند كلير مجموعة اطفاء لمعة البشره جربت الغسول مررررررررررره سيء
وجربت من محل ميشا مجموعة موية الورد للبشره الدهنيه بس انتبهو نفس المجموعة مقسمه لاثنين
للبشره المختلطه والدهنيه وللبشره العاديه والجافه
اشتريت الغسول والتونيك والكريم
مرررررررررره ماناسبتني بس اختي ماشاء الله ناسبتها
وسوري ماحطيت صورها مالقيت تجي لون المجموعة وردي
وجربت غسول ريكسول اللي بفايتمن سي لكل اانواع البشره بصراحه رائع مرررررررره ينور الوجه ويعطيه حياه
هذا غسول للبشره الدهنيه وحب الشباب من فيتشي
بصراحه كل ما اروح دكتوره تكتبه لي ومره اقل من عادي
((عذرا من العضوه الغاليه modhela من عالم حواء اخذت الصوره من موضوعها ))
هذا كريم كتبه لي الدكتور لما رحت له اشتكي من حب الشباب والبشره الدهنيه
ينقي البشره ويخفف الدهون
بصراحه حلو يصفي البشره
((عذرا من العضوه الغاليه modhela من عالم حواء اخذت الصوره من موضوعها ))
خلاص لين هنا تعبببببت
طبعا هذي تجاربي الاخيره وفي اشياء كثيره كمان جربتها بس نسيتها
وطبعا كل ما اجرب شي راح اوافيكم بأخر التفاصيل 😐
اتمنى تتفاعلوا مع الموضوع
وكل صاحبات البشره الدهنيه يكتبو تجاربهم مع المنتجات اللي جربوها سواء تجربه حلوه او سيئه عشان نفيد بعض
اتمنى اكون افدتكم ولو بشي بسيط
وتصير بشرتنا زي المرايه
دعواتكم
