بدي حل

بسم الله الرحمن الرحيم
مرحبا
كيفكووو
بصراحه ترددت كتير قبل ما احكي شي خاص فيني او افتح قلبي لحدا بس شو اعمل مضطرة والله يشهد علي كل شي راح احكيه صدق بصدق
تزوجت قبل 7 سنين من انسان رائع جدا جدا جدا عشت معو احلى ايام سنيني وما زلت كنت طايرة فيه كتير وبالاخص كنت متباهيه انو راح اتجوز واحد اكبر مني ب 11 سنه (كان عمري 19 وهو 30) مو نقص فيي ولا قلة عرسان بس ما بدي اتجوز خدا من جيلي بدي اضل مدلله ومدلعه وصار اللي بدي اياه لدرجه انو بغار من اولادي بس مو غيرة قاتله او انانيه بس لاني بشوف انو بعدني ما شبعت منوو
العقبه الاولى بحياتي وصدمتي باهل جوزي بعد زواج دام 5 سنين اكتشفت انو لا تصدق حدا بيضحك بوجهك ابدا كنت شايله البيت ع راسي ما برجع ع بيتي غير لما اتاكد كل شي تمام عند دار عمو وبيوم عيد وقفو بوجي اخوات زوجي البنات وقالووو(((غرنا منك ع اد ماما ما بتعاملك احسن منا))) ههههههههههههههههههههههههه انطردت من عندهم مهزومه ما بدن اياني كزبو الكزبه وصدقوها بصراحه مشكلتي انو مو قادرة اكرة واحقد صارلنا متزاعلين سنه ونص ودايما مشاكل مع بعضو وانا اللي رايحه بين الرجلين >>لا ارى لا اسمع لا اتكلم… بجد ما بقدر دافع عن حالي بخاف منهم كلهم اكبر مني سنا وجسدا وقوياااااااااات الله لا يبلانا بتزكر انو دايما زوجي كان يحذرني منهم وبيحكيلي لا تتعلقي بناس ممكن تتركك باي لحظه كنت اشهدلو انو بعد اهلو الله ما خلق ناس كان يضحك ع جنب ويحكيلي نعيش ونشوف وبس صار اللي صار حكالي هدول هني اهلي حرمني اصلهم وكمان هو راح يقاتل فيهم وصارو يطلعو علي حكي انو انا خرابة بيوت>>>> اي بيوت وانتو مو معطيني مجال اعمل زيارات لحدا حاكريني الكو وبس
المهم انا بعشقها لمرت عموو>>ام زوجي.. بموت فيها وبصراحه حلمت فيها كزا مرة وبكل مرة بتحكيلي ليش تركتيني وتلمني بحضنها وتنيمني حدها وبتضمني جامد ونضل نبكي انا وهي وانا من جواتي بكون متشققه من الفرح ما بعرف ليش بضل احلم فيها معقول بعدها بتحبني متل م انا بحبها بعرف انها ما بتقدر تتخلى عن بناتها واختها كرمالي بس يشهد علي الله اني ما حاولت ولا مره ااذيهم لانهم كمان اهلي وبدي هالمشاكل التافهه تنحل ونرجع لبعض بس علوااااااااااااه
هني ناس شايفين جالهن كتير ومناخيرهم فوق فوق مع انهم مو هاد الغنى متل اهلي وربي انا كتير متواضعه وهاد اللي ركب الكل علي ومع كل هاد زوجي بعدو بيحبني وعم يحاول يعوضني عن عذاب اهلوو لانو عارف اني مظلومه بكل شي والله يستر من اي شي قريب لانو بجد غلطهم زاد وانا مو قادرة اتحمل
سامحوني طولت عليكوو بس ع بالي حدا يحطلي حد يعطيني حل بدي افرح بحالي واترك اولادي يعيشو باحضان جدودهم وما يقولو انا حرمتهم لا تحكولي زوريهم ولا تقطعي صلة الرحم رحت بس ما حدا عبرني لا تقولو كمان مره >>>>>>>>>يا ناس عندي كرامه ومكفي اللي بعيشوو وربي اليهود ارحم منهم عليهم نظرات وكلمات ما شفتوو بس ربك يمهل ولا يهمل شو يعني حلمي اللي بيتكرر جاوبوني والله زهقت…