باقي يومين على زواجها وطلقها…عشان….؟؟؟

بنات ابقول لكم قصة صديقتي غالية علي

وانا ابقوله لسبب واحد انه بعض العضوات الله يسامحهن لو وحدة طرحت موضوع ان زوجها بيتزوج تشوفين الكل يدعي مايتم الزواج .

يا حريم حرام عليكن وربي انه الحرمة اللي تنخطب من رجال معدد مالها ذنب هي ودها بزوج لها لحالها لكن على قولة المثل ما يصيبك الا نصيبك .

( ابدا بالقصة )

البنت خطبها رجال معدد واقفت عليه بعد موافقة اهلها انه رجال صاحب دين .

ملك عليها ولكن مراعاة لمشاعر زوجته أخفى الخبر عن زوجته لوقت محدد .

مثل اي بنت جهزت نفسها وانتشر خبر خطبتها وملكتها والكل فرح وتمنى لها الخير والتوفبق

تخيلوا يابنات فجأة وقبل العرس بيومين تفركش كل شي

وتحطم حلم البنت وتجهيزاتها ومشترياتها .

مسكينة حتى مشترية كتب لحسن تبعل الزوجة لزوجها

وكيف وضعها كزوجة ثانية بشكل يرضي الله عنها

والله يابنات جتها حالة الله لايذذوقها بناتكم ولا غالي عليكم

فستانها قدام عيونها والكتب عن الزواج

عطوراتها

اتصلت عليها الكوفيرة يوم الزواج على اساس يحددون الساعة اللي تجي تزينها الكوفيرة

كانت البنت في حالة مايعلم فيها الا الله

يابنات هالبينة مثلكم ولها مشاعر واحاسيس ليه تتكلمون عنها وكأنها من بنات الهوى أو عشيقة ماتخاف الله خطفت الرجال من زوجته

اذا عندكم كلام خلوه انكار للمنكر لكن شي في شرع الله تحاربونه وتدعون انه مايتم فاتقوا الله بكلامكم

ولا تخلون افكار المسلسلات تقلب عقولكم

والله بسبب هالمسلسللات وحدة تقول اتمنى لزوجي عشيقة تحت الظلام ولا انه يعدد

يااااااا تسبرها عند الله

لهالدرجة صرتن تكرهون شرع الله وتحاربون من يمشي عليه والحرام ماشي عندكن .

المهم الرجال ترك الخطيبة بسبب زوجته قالت لوه طلقها او طلقني والرجال يبي يحافظ على بيته ومعزة زوجته الاولة ومكانتها فترك الخطيبة الثانية وكسر نفسها ومشاعرها وفرحتها

وبقى فستانها وكل تجهيزاتها في غرفتها تبكي معاها

فكل وحدة تمنع زواج رجل من امراة في آخر وقت وبعد مايتم كل شي فالله حسيبها ،

فيارب لا تجعل الدنيا أكبر همنا