انخطبت وحلمت حلمين بيومين؟؟ام باسل

صاحبتي انخطبت وهي ماتبي تتزوج عشان الي خطبها كبير بالسن شوي عليها.. بس اهلها مصرين انها تشوفه واذا عجبها وعجبهم بيزوجونها

المهم انها هي عمرها 23 وحالتها الدينيه عاديه وحلمت هالحلم الفجر على طهاره بعد ماصلت..

حلمت انها بمكان ماتعرفه وهي نازله من الدرج شافت قدامها طاوله كبيره فيها بالوسط صحن روبيان يشهي كبير وجاهز للأكل (وهي بالاصل تحب الروبيان)شافته وقالت انه يجنن بس انا شبعانه بس بآخذ وحده ولما اكلتها لقتها مليانه زيت وماعجبها ورمتها بالمجلى وشوي صارت الروبيان فـــــــار وهي استغربت بس هذا الحلم الاول..

الحلم الثاني هو مو حلم بس حاجه غريبه هي قبل ماتنام الفجر توضت ودعت ربها انه ينورها بحلم لانامت ويريحها وانها ماتنساه عشان تفسره…. اول ماغمضت عيونها يعني نامت كانت تحلم بحلم بس انها فتحت عيونها وهي نايمه وقعدت تقول الساعه الذهبيه الساعه الذهبيه الساعه الذهبيه يعني كأنها تقول لنفسها لاتنسين الساعه الذهبيه اسألي عنها بس هذا الي صارلها وهي تبي تفسير لحلمها قبل ماتوافق على الي خاطبها..