انا بكرية وعندي اسئلة يليت اهل الخبره يردون عليها

السلام عليكم
هذا اول حمل لي وعندي اسئلة يليت تجاوبوني عليها لانه من كثر ما اسمع ما ادري وش الصحيح .
1- انا حامل في التاسع ومعي هواء وش الحل وقربت اخلص التاسع وش اسوي عشان اولد لان الدكتوره تقول بسوي لك تحريض وانا ما ابغى؟
2- متى اروح للمستشفى اذا حسيت بالولادة لان اكثر الحريم يقولون لا تروحين على طول عشان ما يلعبون فيك ؟
3- هل الطلوق تطول والا مجرد ساعتين او ثلاث لاني سمعت البعض يقعد 12 ساعه؟
4- هل اتعطر قبل اروح المستشفى عشان ما اشتم هناك وش اخذ معي ( مره …ياليت تفيدوني ماادري وش اخذ)
5-بعد ما واولد بالسلامه وش العلاجات الي ممكن اطلبها لاني سمعت ان فيه مراهم وغسولات …..؟

وبشكل عام وش الاساسيات الي لازم احطها في بالي ساعة الولادة ؟وياليت كل وحده عندها معلومه لاتبخل علينا لان البكرية ما تدري وش الطبخة .
وجزاء الله كل من افادنا كل خير وغفر لوالدية