امي السبب ليه يا امي

لية يا امي ليه
يافراشات ارجوكم ساعدوني اريد منكم الحل
انا اكتب لكم ودموعي تسيل على خدي
لية يا امي
ما اعرف ايش ممكن افسر اسلوبها معايا
ما اقدر اقول ما تحب تشوفني مبسوطة
لكن ماذا اقول
انا متزوجة من انسان كله طيبة ما يعرف اساليب الخبث
لكن دايما زوجك يمنعك مني
ودايما تظن ظن السوء فيه
هذا كله مو مهم قلت يبعد زوجي عنهم
هذا غير انه اخوية ما يحترمو
المهم بداية الصيف جا لي زوجي انتداب من العمل
الى مصر
اول ماعرفت صارت تحاول من ورايا انها تجي معايا
انا اتاكدت من كلامي مو بس احاسيس لاني سالت اخوية وقلي ايوه صح
مع العلم اني قبل كدة سافرت معاها وكانت بنتي لسة 3 شهور
وانا ما عندي خلفية عن الاطفال نهائيا ولا عندي اخوات بس اخ واحد وبس
وعملتلي مشاكل ونكد واتطاولت على زوجي وايش السبب عشان كنت مشغولة مع بنتي لانها كانت بس ترضع طبيعي وكنت حتى ما انام ولا اكل من كتر ما بنتي مطفشتني
وامي تقول انك حاطاها حجة وما كانو احد خلف غيرك انتي بس ما تبغي تساعديني في شغل البيت
وصارت تقول لزوجي ادفعو حق الشغالة انا مو شغالة
وعدت الايام الين ما جات طلعة الانتداب المهم وطلعت معانا او قبلنا بمعنى اصح
والله قلت امي من حقها تنبسط المهم هناك انقلبت 180 درجة
وكنت اطنش كانت تختلق مشاكل واطنش
هي مريضة عندها التصاقات فكانت بطنها توجعها وكانت دايما تفكر انا حموت انا عندي السكر انا حيجيني القلب انا حانعمي طول الوقت كدة وانا احبها امي ابغا رضاها
كنت اصبرها ومرة كنت متضايقة من الضغط الي علي بنتي وتبغى مين يلعب معاها وعلى طول تبكي جوزي الي يبغاني وانا مشغولة بالبيت وبنتي
كنت حتى ما اقدر اجلس لوحدي معاه الين خلاص الرجال نطق
المهم قلتلها يا امي لا تجلسي تفكري في المرض لانو بعد كدة حيصير وهم
شوفو ايش سوت
طردتني لانو البيت بيت اهلي (اطلعي برة )باعلى صوت
انا طبعا رحت لزوجي الي سمع كلمتها وقلتلو قوم نروح نحجز ونرجع بلدنا خلاص
ايش تتخيلو صار
خرجت وصارت تصرخ باعلى صوتها وتدعي علي وجات تبغى تضربني ويمسكها زوجي وتشد شعرها وتصرخ وبنتي في ايدي تبكي
انا رحت ابوس رجلها ليش يا امي انا ايش قلت عشان هذا كله
ابش موقفكم لو حصل كدة قدام ازواجكم ….؟
والله قلت مو مهم وصرت اعتذرلها انا ايش سويت عشان تسوي في نفسك كدة
انا زعلانة عليها انا ابغى رضاها انا اخاف من الله ايش الحل الله يخليكم
ولمن رجعت بلدي كلمت وحدة من خالاتي وحكيتها
قالتلي انا صرلي تقريبا حاجات كدة اول زواجي
لكن انا اقلك ابعدي واستقلي بحياتك انت وزوجك وبنتك
قلت طيب
صارت تقولي زوجك هو الي مانعك مع العلم انو والله ما فتح حتى معايا الموضوع الي صار
انت ما تبغيني تبغي ام زوجك هم اغنوك عني الى اخره من هذا الكلام
المهم صح لمن كنا في مصر تعبت وزوجي الي شالها
وقالو عندها المرارة كانت تنام ونحن نروح نشوف التحاليل مو مشكلة امي
لمن رجعت سوت العملية بالليزر بسيطة جلست عندها 10 ايام سايبة بيتي وزوجي عشان ارعاها
بعد هذا كله
هو ما يبغاك تجلسي عندي بدل ما يقول امك تعبانة اجلسي عندها اصلا ما في خير وهلم مجرة
والحين شايفتها متضايقة وطفشانة ولوحدها على طول
قلتلها يلا نجمع صحباتك وصحباتي وندفع مع بعض كلنا وننجمع قبل رمضان
قالت طيب
وانا كلمت صحباتها ورتبت كل حاجة طبعا
وزي كل مرة طلعت مشكلة ايش…..؟
الدفع
فصرت اقنعها المهم زعلت
وصارت تقولي انت بس تبغي تعملي نفسك تعرفي كل حاجة والى اخره
ياربي ايش الحل انا تعبت لا اني عارفة استقل مع زوجي وبنتي
تدخل في كل حاجة لو يوم ما طبخت ليش ما طبخت وكدة
مع العلم انو ام زوجي زي امي واخس
انا حاسة اني مششتتة
ايش الحل اذا عندكم
انا فكرت اهج من البلد وقدمت في البعثة
طيب وبعدين دعيت ربي وبدعي ربي
ارحمني يارحمن يارحيم
اسفة اطلت عليكم
بس ممكن تفيدوني بحكم تجاربكم