اليكـــم قصتـــي منـــذ الصغـــر…

السلام عليكم ورحمة الله وبركاته ….

وصار عمري 13 تزوجت بنت خالي كان عمرها 16 واقول ماشالله تزوجت واهي صغيره ان شالله انا اكون نفسها اتزوج وانا صغيره هذا وانا ابي انام وبعدين احس في احد يهمس باذني ويقول انتي زوجتي انتي متزوجه ومحد يدري فيك انتي كل يوم تزنين انا حسبته حلم او قلت لا ما في شي لا يهيأ لي وبعدها استمرت حالتي هذي مني لما صار عمري 15 مرضت مرض واهو انه كانت عضامي كلها تعورني تألمني بشده ولا اعرف ما السبب وطبعا كاعاده الفحوصات سليييمه وبعدها خفت وطاحت امي بمرض صارت فيها جلطه بالمخ وانشلت وصارت ما تتكلم ولا تمشي ونامت امي بالمستشفى سنه كامله وبعدها سافرت لعلاج بالخارج وانا هني زادت حالتي ما نقصت صارت عندي عزززززله ما احب احد يجينا ما احب اخواتي يجون اعندا صرت اكره ابوي كره العمى ما احب اسمع صوته مع العلم ان ابوي ملتزم كنت اقعد بالغرفه واقفل الباب بالايام لا وكل هذا محد يسأل عني كنت اضل 4 ايام او 3 ايام داخل الغرفه حاطه الاغاني وقاعده ابكي ليش ابكي ما ادري وش السبب بكااااااء شدييد ونوووم غير طبيعي المهم لما يكسرون الباب علي وياخذوني المستشفى كل على بالهم هبوط او موماكله شي وكنت احب اسبب مشاكل بالبيت ولما تصير مشكله اندم اقول انا ليش سويت جذي وطبعا انا كانت اكثر مشاكلي مع ابوي واخوي لانهم ملتزمين وكنت اتلفظ عليهم بالفاظ رذييييئه واتفل عليهم وانا كنت ما اقدر اسيطر على اعصابي بالمره المهم والله يا بنات والله العضيم نفس اليوم اللي كانت امي طاحت بالجلطه كنت ابكي واقول امي راح تموت امي راح تموت امي راح يسير فيها شي وامي كانت بالمستشفى وانا ما ادري عنها لانها طاحت ببيت عمي مو ببيتنا .. المهم كنت مثل ما قلت لكم اني كنت ما اعرف شي اسمه صلاه ولا قران بالمره ابد من وانا صغيره كانت حياتي اغاني وبسسس لما يأذن الفجر اعلي الصوت على الهيتفون عشان ما اسمع الاذان ولما احد ينصحني بالصلاة كنت اصرخ بوجهه واقوله انت مالك شغل انا اللي راح ادخل النار مو انت ودايم هذي جملتي انا راح ادخل النار مو انت وكنت اشوف اهلي او احد يصلي استغرب واقول هذا وشلون يصلي شلوووون يا ناااس علمووني شلوون تصلون انا ماااا اقدر كنت اذا بغيت اصلي احس بحراره تمشي على جسمي وعرق حتى لما العب رياضه ما اعرق هالعرق ولووووعه وهذا الكلام وكان عمري فيها 18

المهم ولا مره بحياتيانخطبت ولا احد يفكر انه يخطبني مع العلم الكل يقول يا حلاتك ياحظ اللي بياخذك وطبعا انا ولا مره مسكت القران وقريت لي لو صفحه ولا مره او اني اقرا الاذكار ولا حتى ادعي دعاء ما كنت ادعي وكنت معااااصي داخله فيها بعمق الله يغفرلي ويتوب علي يارب انا طولت عليكم ..المهم كنت ادخل المنتدى هذا وكنت اشوف حملة قراءة سورة البقره اسال الله العضيم ان يرزق اختنا صاحبة الحمله cherrry وان يبعد عنها كل شر يارب المهم كنت اقول فيها هذي مصدقه نفسها وهذي وهذي انا مستحيل اقراها طويله مستحيييل وكنت يابنات اتضاااايق حيل وقلت لكم سنين طويله احلام مزعجه ,احلام جنسيه , ضيق شديد , بكاء بدون سبب , كره الحياة , كره الاهل والاصدقاء, عززززله ,تعب ,ارهاااق , آلام بالجسد , ثقل , نوم عميق , . المهم سكرت الموضوع لان قلت مستحيل اني افكر حتى اني اقراها اعوذ بالله وحسبي الله ونعم الوكيل المهم جا ابوي وقالي انا بروح العمره وشرايك ترافقيني قلت له يلا خل اسافر واستانس ما كان اهمي اني اعمر المهم رحت العمره وانا قبل ما كنت شايفه مكه يعني اول مره بحياتي اروح للعمره اول ما رحت صار بجسمي ثقل وبعدها قالو اشربي ماي زمزم والله يابنات اول ما شربت احس خلاص قررررربت امووووت احس ابي استتتفرغ بس حسافه ما استفرغت قعدت اقول وين استفرغ المكان طاهر وين استفرغ وابعدين اغمى علي والناس تصلي انا نايمه ما اقدر اقوم اوقف واصلي حتى صلين وانا قاعده وللأسف بدون وضوء لان اغمى علي وما توضيت ومحد قالي يلا امشي توضي حتى اهم عبالهم انا كنت نايمه او منسدحه بس بس انا كان مغمى علي وصحيت على وحده داست علي رحنا لصفا والمروه وجسمي خلاص ثقيييييل ورجوولي تعورني يمكن من المشي بس احس بشي غريب وكنت اعوذ بالله ابصبص بالرجال وما كنت مركزه وبعدين قالولي يلا خل نروح نقبل الكعبه الحجر السود انا ما قبلته لان ما قدرت بس مسحت بيدي اول ما لمستها صار فيني بكف ايدي مثل الدبابيس واحس حساسيه مو طبيعيه بكف ايدي وحمممممره وطنشت ورجعنا الكويت وانا ما ادري عمرتي مقبوله ولا لا اسال الله ان يقبلها يارب .

المهم رجعت وفتحت الموضوع ثاني مره واللي اهو حملة قراءة سورة البقره وطبعا كان فيني كالعاده ضيق شديد ومن دون سبب اتصلت على وحده من صديقاتي وقلت لها انا راح اموت من الضييقه قوليلي شسوي قالت لي انتي تعرفين موضوع cheery قلت ايه قالت ليه ماتطبقين وتقرين سوره البقره قلت لا ما اقدر قالت ميخالف حاولي هي ضلت تحاول فيني مني لما اقتنعت طبعا بالغصب وقريتها والله يابنات ما تتصورون شنو مفعولها صج قوي المهم قريتها وصرت احلم احلام مززززعجه مثل الثعابين او قطط اكثر شي القطط والثعابين المهم وقالت لي خلاص عجل صليها بركعتين بقيام الليل قلت لها لا عاد هذا الشي مستحيل يصير قالت ليه انتي ما تصلين قلت لا ما اصلي قالت خلاص ابدي بسورة البقرة اليوم بركعتين وابدي صلاتج من جد وجديد اقنعتني طبعا ووافقت اللي يشوفني يقول هذي كافره بس والله يابنات والله ما كان بيدي وبعدي صليت باول ركعه الجزء الاول صار فيني قشششششعره براسي اذبحتني كل شوي والقران يههههتزززز بيدي وكنت اطنش وبعدين بديت الركعه الثانيه وحسيت بلوووووعه واحس ودي استفرغ وبعدها ما حسيت بجسمي وحررررر وعرق الناس لما تركع توقف لا انا ركعت وسجدت على طول من كثر التعب واللوعه والحر والعرق المهم وسلمت واول ما سلمت اغمى علي وجا ابوي يحاسبني نايمه قالي قومي اني ليش نايمه على الارض قومي زحفت ورحت للسرير وجسمي طبعا ثقيييييل وحلمت لحم مززززعج الله لا يوريكم ان شالله كانه احد قاعد يطقني طق مو طبيعي ويصااارخ قعدت من النوم مفزووووعه وراسي يعورني وثقييييل جسمي ولقيت اثار الطق على جسمي,

قلت حق اختي وقالت لي روحي حق شيخ قريب جنب بيتنا رحت عنده وحسيت عنده ببرررد شديييييد وررررعععععشششششه وخووووف ودقات قلبي سرييييعه واول ما نفث على ضهري فزيت وفريت من مكاني صار عندي صدممممه معقوله انا فيني (((مس))) معقوله؟ ليش ياربي وأغمى علي وصحيت ولقيت نفسي مبهذله وحالي مقلوبفوق تحت, وقالي قعدي وقالي استمري على القراءه عندنا وقالي استخدمي مسك الاسود وزيت اللوز هذولي على الارحام لأن المس كان ساكن بالرحم وخلطة الرومي اتسبح فيها ماي مقري اشرب منه المهم كنت اروح وكل يوم عن يوم اتعب تعب مو طبيعي مره حلم ومره ضيقه ومره بكي وللحين هذا حالي ياربنات والله ثم والله انا التزمت وصرت اصلي وتبت توبه نصوحه وثاري كل اللي يسير فيني مو مني من البلاء هذا حسبي الله ونعم الوكيل انا يا بنات اكتب لكم وانا ابكي لان الكل تخلى عني اخواتي اخواني ابوي الكل انا ما الومهم لانهم ملو من عندي كل يوم اعصب عليهم ومالي خلق لهم والله احس مو بيدي انا ما قدر حتى اني اطالع فيهم احس مو بيدي والله العضيم ولا احب اتكلم مع احد كله ساكته واخواتي كلهم متزوجات كل وحده صارت تشكي تقولي انا ما اقدر اروح معاك عند الشيخ زوجي مايرضى واللي تقول معيالي واللي تقول انا ما اقدر اهو الشيخ عنده موضفات حق اللي ماعندهم احد تدخل معاها عن الخلوه بس بس ولو انا اخاف اروح لان اتعب عنده حيل والله يابنات انا احس اني يتيمه لان امي اهي الوحيده اللي تراعيني بس ما بيدها شي تطلعني وتقعد تبكي وما تقدر تسوي شي انا الحين ابكي ليش تخلو عني بشدتي اهم ماتخلو بس انا تعبانه تعبانه تعبانه وللآن تكفون ردو علي وادعولي بالشفاء العاجل غير اجل