الله لايغضب علينا ( قصة سلفتي وشماتتها فيني)

انا اول ماتزوجت والحمدلله مبسووطة ومرتاحه وحماتي وبناتها كويسين معايه والحمدلله
بس لابد من المشاكل عاد عندي سلفتي متزوجة اخو زوجي الكبير مجننتني
اعرفكم في سلفتي
متوظفه اكبرر مني بكثيرررررررررررررررر سنعه في بيتها ومسويه مثقفه ونها وزيرة مو مدرسه تتفلسف وانها تعرف كل شي متوسطه الجمال>>> انا احلى منها
هذا الي قدرت اعرفه للحين
المهم المواقف الي صارت بيننا
بقولكم بس ابي رايكم بصراحه

اول موقف من بعد او اسبوع من زواجنا ………!
رحت عندها واسولف وانا جالسة معها لوحدنا بدت تحش في اهل زوجي وتقول انهم بخلا وانهم مايحون الوحدة تزور صاحبتها وانهم … وانهم ………وانهم ……>>> انا ماسالتها وخوفتني

الموقف الثاني بعد حوالي 3 شهوررر من زواجي
قابلتها عند اهل زوجي ونسولف ومبسوطين قامت عمتي والبنات يحظرون العشاء او شي ونا وهي صرنا بلحانا
التفت فيني وقالت لازم تدورين لك وظيفه ترى اذا مالقيت وظيفه بتموتين من الجوع……….؟ >>> وش تبي ذي

الموقف الثالث بنفس الجلسة
وخوات زوجي جالسين التفتت فيني وقال اسمعي يا … اغليتك في وظائف حارسات امن منزلينها راتبها 1000 شهرايا قدمي عليها <<< وش قصدها خوات زوجي فتحو عيونهم ونا قلت لها شكرا انا مو محتاجة زوجي مو مقصررر

الموقف الرابع في بيتها
وعزيمه عشاء واهل زوجي فيه قامت بعد العشاء تخانقنقي بطريقه غريبه وتخاصمني كنها امي او زوجي
تقول ( انا قبل هالموقف جتني وظيفه وداومت فيها اسبوع ومانسبتني وتركتها )
تقول ليش تتركينها يالفاشله يالي ماعندك طمووووح وتسبني وتقول انتي متعودة على الدلع والخدمه وخواتك مثلللك يتركون وظائفهم اصلا انتم فاشلين انتي وخواتك وعمتي تناظرة وتاشرلها بعيونها يعني انكتمي وهي عيت ونا ارد وخانقها وقلت لها مايخصك زوجي مو مقصر علي وتقول اصلا انتي فاشله دارسه على حساب ابوك وانا لا والله دارسه بكليه ونا اقول ايوة بقهرها دارسه على حساب ابوي مدلعني ونتي وش قاهرك
وقامت الحرمة تتزودها ونا محترمه زوجي وام زوجي الي جالسة لين انفجرت وبكيت من الغبن والقهر بغيت اسطرها وفي كلام تقوله يقهر من جد واتصلت على زوجي ومشينا

الموقف الخامس والاخيرررر
هي كانت حامل بالتاسع وانا بسادس المهم ولدت قبلي وهي تسكن بعيد شوي يعني ساعه لين نروح
المهم زورها اهل زوجي ونا ارسلت لها رساله بعد السالفه الي سوتها فيني اول مرة ارسلها وباركت لها
….. تقولون ليش مازرتها زوجي رافض ازورها يقول ارسلي لها وبس

بعد مدة يوم ولدت شوفوا عقلها الصغيرر وانا يشهد علي الله اني اطلب زوجي اروح لها
شوفوا وش مسويه راسله نفس رسالتي ونفس الصورة والحركه وش رايكم بس