اللــي بيجيهآ حــآفز <<تتفضل

السلام عليكم ورحمة الله وبركاته

بنآت انا بكتب لكم بأسلوبي البسيط لاني مااعرف اكتب لكم بالفصحى ولااحب الرسميات
انا بقترح اقتراح ويارب القى تفاعل من الكــل لاني وربي احبكم وابي لكم الخير

اللي بيجيها حـآفز او اللي عندها مصدر دخل لو كآن بسيط وش رايكم نحدد مبلغ لو 50 ريال او 20 ريال حتى ونتصدق فيها شهريآ يعني كل مانزل حافز او المكافأه والله يابنات لتشوفون خير الدنيا والاخره واللي تقول ماعندي احد محتاج اقول حطيها بصندوق ولنفرض 50 ريال وآخر الشهر اشتري فيها لناس محتاجين او اودعيها بالبنك في حساب الجمعيه الخيريه او اشتري مواد غذآئيه لناس محتاجين او دفايات بما انَــآ بالشتاء بشرط مااحد يدري بالخير اللي بتسوينه ولو كان اقرب الناس لك عشان مايدخل قلبك الرياء وتقدرين تخبرين ناس تعرفينهم عن هالاقتراح وتخلينهم يسوون مثلك بس بدون مايعرفون انك تتصدقين ولكم ان شاء الله مثل اجورهم لاينقص منها شئ الواحد وش يبي من الدنيا الا الاجر والثواب ومن ثم تيسير اموره لان فضل الصدقــه عظيم حتى في شفاء المرضى بأذن الله

قال صلى الله عليه وسلم سبعه يظلهم الله فى ظله يوم لاظل الا ظله امام عادل وشاب نشأفى طاعة الله ورجل قلبه معلق بالمساجد ورجلان تحابا فى الله اجتمعا عليه وتفرقا عليه ورجل دعته امرأه ذات منصب وجمال فقال انى اخاف الله ورجل تصدق بصدقه فأخفاها حتى لاتعلم شماله ما تنفق يمينه ،ورجل ذكر الله خاليا ففاضت عيناه)اخرجه البخارى
———————————–
هذي بعض القصص المنقوله الله يكتب الاجر لاصحابها ولو تبحثون في النت بتلاقون اكـــــثر
كل من ترغب في نقل الموضوع مسامحتها ومحللتها دنيا وآخره والله يكتب الاجر لنا ولها …
محبتكم منتهى