الكيراتين باختصار انوووثه …. تجربتي مع الكيراتين

السلام عليكم
اخيرا
عملت الكيراتين يبنات
من شهووووووور وانا ادور واسأل وادخل النت اشوف تجارب البنات في المنتديات
وقررت
وعزمت
واتكلت على الله
ورحت لخبيره كيراتين في بيتها … وجلست 5 ساعات تقريبا
وبعدها 4 ايام وغسلته
وهنا حسيت بسعاااااااااااااااده وقررت كل 3 اشهر اعمله تاني لانه دا الشعر اللي ابغاه من زمان من غير سشوار
انا شعري ناعم الحمد لله وكيرلي زي شعر مريام فارس بس انعم كتير احس شعرها ناشق ومنفووووووش كتير بس انا عندي نفس اللفلفه اللي في شعرها وسنين وانا معاها وحبيت اغير
وقف التساقط الحمد لله مع اني ماكنت اعرف انه يوقف التساقط
اخرج من الشور وامشطه واحس انه ملمسه جداااااااااااا ناعم من غير زيوت بس برضه احط شويه زيت لاني متعوده من صغري ولازم احط نقطتين في الاطرااااااف فقط …. لاني لو كترت حسير هنديه هههه
جدا مبسوطه والحمد الله وماشاء الله لاقو الا بلله الكل ملاحظ انه شعري محلوووووو كتير بس ماقلت لاحد اني عملت كيراتين غير اهلي وبس ,,,
انصحكم تعمله من جد انوووووووووووووووووووووووثه حتى لو شعرك ناعم جربيه برضه يوقف التساقط بشكل ملحوظ بس اختاري صح اللي تعملي عندها لانهم في جده انتشرو كتير وصرنا محنا عارفين الطيب من البطال
الله يسعدها ياااااااااااارب خبيره الكيراتين دي والله ارتحت معاها كتير
اهم شي تسألو عن النوع الامريكي لانه البرازيلي مضروب وهيه عملتلي بلامريكي ونسبه الفرد فيه بسيطه جدا اظن قالتلي 2 في الميه
بس شعري باين يبنات انه طبيعي جدااااااااااااااا كأنه متسشور … حتى لمن امسكه بكلبسه بشكل عشوائي ,..باين كاني عملت فيه تسريحه ! بجد الكيراتين رااااااااااااااااااااااااااااااائع