عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
انا بدخل بالموضوع على طول
انا عندي بنت عمرها سنه ونص وتعبت قبل ثلاث اسابيع مجرد تعب عادي وبسيط
بس للاسف يوم ودينيها المستفى لمجرد الاطمئنان فقط كشفت التحاليل انها مصابه بسكر في الدم
وكانت نسبته وقتها 488 يعني مرتفع كثير
الله يكفيكم وعيالكم من كل شر ومكروه يارب
المهم واجمعوا الاطباء على انه سكر مزمن وماله علاج غير ابر انسولين
تخيلوا 4 ابر يومياً
وفعلا تنومت انا وهي اكثر من اسبوع بالمستشفى وكنت منهاره وقتها ومصدومه وحسيت انها مصيبه
لكن اللي متعبني انه على طول مرتفع واذا تعدل تكون لوقت قصير ويرجع يا ينزل او يرتفع
واكثر شي يقطع قلبي اني انا اللي اعطيها الابر بنفسي وربي احس الابره بقلبي
بس الحمدلله على كل حال
وبعد اكثر شي تعبني عصبيتها الزايده بسبب وبدون مع انها مو طبيعتها ابد
بس بعد السكر صارت عصبيه بشكل مو طبيعي
ياليت يا بنات اللي تدخل الموضوع ويكون عندها طفل مصاب بالسكر تفيدنا من تجربتها عشان نستفيد
واتمنى ما تكونون كثير
