عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم صبايا
بخش بالموضوع سيييييييييده امس سويت كبسه زوجي شوي كلمة انهبل اذا انا للحين مو مصدقه ان كل هذا يطلع مني
ما اطول عليكم
اول شي انقعي الرز بماء مغلي
بعدين جيبي قدر وحطي فيه مويه حاره (شوي مو كثير ) وبعدين حطي اللحم عليها
وحطي عليه عود قرفه وشويه بهارات وملح وبصل مقطع ارباع وخلي اللحم يستوي
والحين الكشنه
جيبي بصلتين كبار وقطعيهم حلقات وقلبيهم بالزيت(كثري الزيت شوي) الين يصير لونها بني وحطي مكعب الماجي والبهارات المشكله وشويه قرفه وهيل مطحونين وملعقه اجي وحركيهم مع بعض
الحين جينا للمهم
جيبي بطاطا وقشريها وقطعيها ارباع وحطيها في قاع قدر وحطي فوقها قطع اللحم (من دون مرقه اللحم) وحطي نص كميه الرز (بعد ماتصفيه من مويته )فوق اللحم وجيبي نص كميه الكشنه ووزعيها فوق الرز وبعدين حطي باقي الرز وفوقه باقي الكشنه واضغطي زيييين بالملعقه خذي شوي من مرقه اللحم وحطيه على الرز وسكريه زين وحطيه على نار هاديه لمده نص ساعه
قبل التقديم
اقلبي القدر في صحن كبير وقلبيه مع بعض وبعدين قدميه والطعم ولا اروع
وبالعافيه عليكم
